السلام عليكم ورحمة الله

لي اربعة اسابيع مقدم على فصل جوالي الى الان ما نفذوه اتصلت على 902 وقالي ما نقدر نفيدك بسبب تعليق الطلب قالي اتصل برقم الشكاوي اتصلت ورفعت طلب ولا احد رد على اتصلت مره ثانية قالي افضل تراجع مكتب المشتركين الي بشارع التحليه راجعته قالي الموظف ما فيه طلب لك بالسستم وبداء باالاسلوب القديم ايام (وزارة البرق والبريد والهاتف) ويتكلم كاني جالس اطلبه من حلاله مع العلم انه كلما اتصلت على 902 والرقم المجاني يعترفون بطلب
قلت اعطيه على قد عقله قلت طيب وش الحل قال ما دام ما فيه طلب فصل الخدمة سوي طلب قلت سولي طلب وخلصني سوالي وهذا الكلام قبل 10 ايام والى الان ماحد سوى شي يوم كلمت بـرقم الشكاوي عشان اشوف وش صار في طلبي الاول قالي الموظف ماحد رد قلت والحل وش اسوي اجلس اسدد جوال مابيه قالي انت سويت طلب جديد قلت ايوه قال خلاص انتظر الين ما ترفع اوراقك للاداره وهم يقررون ؟؟؟؟؟؟؟؟؟؟
يعني الادارة تقرر اذا يفصل رقمي ولا لا
يعني ايام وزارة البرق والبريد والهاتف ما قالوا ذا شي تجي الحين الشركة وتقول الادارة تقرر متى يفصل جوالك حسبي الله عليهم

مكتب اشتراكات الشمال وانت واقف تلغى جوالك وتصفيه نهائي والسلام.... لكن شكلك تكلم 902.. رح وتشوف

ارفع شكوى عليهم لهيئة الاتصالات ، وفند لهم المشكلة

وبإذن الله تنتهي مشكلتك

دائما وابدا نقول وبصوت واحد:

مع الاتصالات السعودية .. حياة اصعب

ابو مسفر شكلك ما قريت الموضوع زين او انك من منسوبي الاتصالات اقولك رحت وسويت طلبين عند فرع التحلية و عند فرع اخر
alzuhary راسلت هيئة (شركة) الاتصالات(اغلب الي فيها من موظفي الاتصالات سابقا) المثل يقول اذا خصمك القاضي من تقاضي

الله يكون بعونك

بارك الله فيكم وجزاكم الله ألف خير
موفقين إن شاء الله قا طعوهم

اكتبو في النت وعلي الجدران وعلي الكباري والسيارت
الاتصالات معهم حيا ه اصعب فواتير عشوايه


الاتصالات السعودية .. مع النصب ، مكسب اسهل[/

ارسل لي رساله على الخاص وابشر موضوعك باذن الله منتهي