طقت في راسي و شفت وصفه كيف تسوي فول في البيت على الانترنت ورحت شريت فول استرالي حب "لونه ابيض" من اهالي الارزاق(اللي يستخدمه فوال حارتنا), في الرياض الكيلو ب 3 ريال وعندنا في الخبر ب 5 ريال...وجلست اجرب.....نٌقعت الكيلو في المويه 12 ساعه, وغسلته بعدها و سخنته على نار مع اضافه المويه لمده 3 ساعات..(ماشي على الوصفه)......والله يوم شفت الكميه اللي طلعت لي بغيت انصرع...من ها الكيلو...طلع كل هذا!!!!...عبيت اكياس بلاستيك فول و خزنتها في الفريزر تعادل 24 طبق من ابو 5 ريال اللي الحين في الفوال...وكل مره اسوي لي طبق....مع اضافات الطماط او الصلصه والبصل والفلفل الخ....وكل مره اسويه مختلف....قّدرت التكلفه الاجماليه ب 30 هلله...وفول تاكل اصابعك وراه...واسوي حتى فول "تاوه" اللي يبيعونه ساعات ب 7 ريال .

واللي بيقول في استهلاك غاز بقوله كلامك صحيح لكن قبل كذا كل شوي اطلع بسيارتي واصرف بنزين و غيره....يعني بالعكس موفر اكثر بعد في البنزين.

بحسبه بسيطه...خيشه الفول فيها 20 كيلو و تقريبا سعر الجمله نقول في الرياض 55 ريال للخيشه و يسوي كل كيلو 24 طبق كبير يعني الخيشه ب 480 طبق كبير "يا صلاه النبي "...و طبق الفول الكبير يكفي غالباً شخصين يعني480 ظرب 2 يساوي 960 طبق فول لشخص عادي فقط ب 55 ريال....مع الاضافات المذكوره اعلاه من البصل...الخ يوقف عليك طبق الفول ب 15 هلله لكل راس في العائله....فقط 15 هلله!!!!!!!!...و هذا الكلام والاسعار تقريبا تنطبق عل الحمص المطحون و الفلافل و الفلافل زي مانتو عارفين تتسوى من الحمص او الفول او جميعها واحسن نوع حمص هو النوع المكسيكي/الامريكي درجه 14 و اذ مالقيت 14 خذ 12 وشف الفرق. معظم مطاعمنا تستخدم انواع زباله تكلفها (ارخص) من اللي قلته فوق مثل الصيني وغيره و تّبيض الحمص بالطحينه.

فاانا اقول نبتدي قسم في ها المنتدى لمثل الافكار هاذي وزي حقت اخونا حقت بلاستيك الزباله عزكم الله...شي يفيد الناس مباشره في الوقت الحالي...(ونترك مناطح الشيوخ احسن لنا...لأن شكلكم كلكم بترجعون تسوون اللي سويته وتدعون لي ) والجمله الاخيره اللي بين القوسين مزحه ترى...لكن من حر مانونس.

والله تمام عليك

كذا التوفير ولا بلاش

لو كل واحد سوى زيك كان قفلت محلات الفول

بجرب يوم اسويها .. بس ان شاء الل تزبط معي


ألف هنا وعافية على قلبك ...

هذي هي المقاطعة الفعليه ........

ترك الشئ احيانا صعب لكن الحصول عليه بارخص لاسعار هو الهدف

احيانا يكون ارتفاع الاسعار ضرره على التاجر قبل المستهلك

ويقولوا الحاجة ام الاختراع

فيه نقطه مهمه ما انتبهت لها

النظافه في الاكل

يعني الفول صنع يدك ما هي يد اجنبيه

والنظافه انت ضامنها

على فكره اهلنا اول كانو سيتخدموا طرق مبتكره لمكافحة غلاء الاسعار

مثلا

اذا رخص الطماطم في موسمه في كل سنه

يشتروا كميات كبيره ويعصروه ويخزنوه

ويكفيهم فتره طويله ولا يحتاجو يشتروا في فترة الغلاء


يعطيك العافية

المشاركة الأصلية كتبت بواسطة subaaa0f

طقت في راسي و شفت وصفه كيف تسوي فول في البيت على الانترنت ورحت شريت فول استرالي حب "لونه ابيض" من اهالي الارزاق(اللي يستخدمه فوال حارتنا), في الرياض الكيلو ب 3 ريال وعندنا في الخبر ب 5 ريال...وجلست اجرب.....نٌقعت الكيلو في المويه 12 ساعه, وغسلته بعدها و سخنته على نار مع اضافه المويه لمده 3 ساعات..(ماشي على الوصفه)......والله يوم شفت الكميه اللي طلعت لي بغيت انصرع...من ها الكيلو...طلع كل هذا!!!!...عبيت اكياس بلاستيك فول و خزنتها في الفريزر تعادل 24 طبق من ابو 5 ريال اللي الحين في الفوال...وكل مره اسوي لي طبق....مع اضافات الطماط او الصلصه والبصل والفلفل الخ....وكل مره اسويه مختلف....قّدرت التكلفه الاجماليه ب 30 هلله...وفول تاكل اصابعك وراه...واسوي حتى فول "تاوه" اللي يبيعونه ساعات ب 7 ريال .

واللي بيقول في استهلاك غاز بقوله كلامك صحيح لكن قبل كذا كل شوي اطلع بسيارتي واصرف بنزين و غيره....يعني بالعكس موفر اكثر بعد في البنزين.

بحسبه بسيطه...خيشه الفول فيها 20 كيلو و تقريبا سعر الجمله نقول في الرياض 55 ريال للخيشه و يسوي كل كيلو 24 طبق كبير يعني الخيشه ب 480 طبق كبير "يا صلاه النبي "...و طبق الفول الكبير يكفي غالباً شخصين يعني480 ظرب 2 يساوي 960 طبق فول لشخص عادي فقط ب 55 ريال....مع الاضافات المذكوره اعلاه من البصل...الخ يوقف عليك طبق الفول ب 15 هلله لكل راس في العائله....فقط 15 هلله!!!!!!!!...و هذا الكلام والاسعار تقريبا تنطبق عل الحمص المطحون و الفلافل و الفلافل زي مانتو عارفين تتسوى من الحمص او الفول او جميعها واحسن نوع حمص هو النوع المكسيكي/الامريكي درجه 14 و اذ مالقيت 14 خذ 12 وشف الفرق. معظم مطاعمنا تستخدم انواع زباله تكلفها (ارخص) من اللي قلته فوق مثل الصيني وغيره و تّبيض الحمص بالطحينه.

فاانا اقول نبتدي قسم في ها المنتدى لمثل الافكار هاذي وزي حقت اخونا حقت بلاستيك الزباله عزكم الله...شي يفيد الناس مباشره في الوقت الحالي...(ونترك مناطح الشيوخ احسن لنا...لأن شكلكم كلكم بترجعون تسوون اللي سويته وتدعون لي ) والجمله الاخيره اللي بين القوسين مزحه ترى...لكن من حر مانونس.

بارك الله فيك يا اخوي الصراحه افكار رائعه

وفوق كل اللي ذكرته النظافه وانك تجيب افضل المواد ماهو المترديه والنطيحه زي ما يسوون اصحاب المحلات

ما شاء الله عليك مبدع صحيح

الدعوة ما هي بس مقاطعة لكن حتى أكل صحي وشغل بيت على كيف كيفك ، مهوب شغل الأفغاني اللي العرق مقطع وجهه وسايح على الفول

الله يقرفه بس

ماشاء الله عليك ..

والله فكرة حلووووهـ .. يعطيك العافية

اقل شي بنربحه في الشغلة هذي هي النظاااااااافة .. ياربي من قرف هالعمالة .. شي يجيب المرض ..

الله لهذي الدرجة ياخذ وقت في الطبخ
12 ساعة نقع
!!!!!!!!!!!!!!!!!!!!


كلف 30 هلله
ابشرك الفول عندنا في الحارة زاد ريال واحد

جميل جداً أخوي .
يا ليت تذكر لنا طريقة الإعداد بالتفصيل الممل .

انت مية مية
وفعلا حلوه طريقتك واكيد بجرب اسويها واعبي الفريزر
حلو الفول بكل طرقة للفطور او العشاء

وغسلته بعدها و سخنته على نار مع اضافه المويه لمده 3 ساعات

قدر الكاتم (الضغط)ساعه وحده تكفي
وممكن ان بغيت تخلط معه نصف كيلو فول بقشره وينقع لوحده 12 ساعه وبعدها الحبه اللي قاسيه ارميها واللي لانت شوي اخلطها مع الفول الابيض وطبخهم سوا
اضافة الفول بقشره لزياده القيمه الغذائيه