عرض بنده على رز الشعلان ب 39.50

**ابو اياد الشهري** · 23-11-2007, 02:37 PM

السلام عليكم

يا هلا وغلا والله بالمقاطعين

امس كنت اتسكع في سوق بنده ومعي العائله الكريمه

ومن ضمن المقاضي اللي ناقصه الرز ،، ويم شفت سعر الرز ابو 10 ك ابو كاس بغيت انجلط :d

لقيته ب 58 ريال وفي السوبر ماركتات ب 54

قلت للحرمه والله ما اشتريه من بنده الحرميه والله اغلب الاسعار عندهم مرتفعه

وانا مستغرب ارتفاع رهيب في جميع المواد الغذائيه ،،،

المهم اختصرت الاغراض ونا ماشي لقيت رز الشعلان عليه عرض ب 39.5 انتاج 2005

في المحلات الثانيه ب 54 او 53 ريال تتفاوت الاسعار كل دكان يحط سعر

ووزاة التجاره وحماية المستهلك مكبرين المخده

لكن اللي لفت انتباهي ان كيس الرز علي بويه لونها احمر مثل الشمع كل الاكياس كذا

ما ادري ليه طبعا من اعلي الكيس

ترا التصوير سيئ

بالتوفيق للجميع

**جباية المستهلك** · 23-11-2007, 02:47 PM

يااخي مصيبة اذا اسعار سلع اساسية تختلف من محل لااخر

يعني اللي مو فاهم وغبي وعنده فقدان مؤقت بالذاكرة

يحس فيه تلاعب قوي وغير مبرر بالاسعار فما بالك بااصحاب الشأن

من وزارة الخسارة........

يسقط الارز ويعيش (الفوووووول)؟؟؟؟!!!!!

شكرا ابو اياد على الموضوع

abuhisham · 23-11-2007, 05:38 PM

سياسة سوبرماكتات و هايبرات.

يسوي عروض و تخفيضات على حاجات و يسلخ الناس في حاجات ثانية.

**جمرة غضا** · 23-11-2007, 05:49 PM

خذ العرض وامش سياسه لابد مت اتباعها دايما

اقتباس:

لكن اللي لفت انتباهي ان كيس الرز علي بويه لونها احمر مثل الشمع كل الاكياس كذا

هذا اللي اعرفه ان وصلtranslate لدبي وتفتش ويختم عليه بالشمع الاحمر ويشحن لسعوديه ويدخل وخلاص ما يحتاج عليه تفتيش ثاني مادام الختم موجود اما لو الختم مفكوك ينخل نخل