بسم الله الرحمن الرحيم

نبدأ نستعرض مع بعضنا اسعار السيارات من مواقع الشركات الرسميه والشباب هنا يجيبوا لنا الاسعار المحليه ونقارن بين الاثنين ( حتى مانظلم وكلائنا ولا يظلمونا ).

شركة تويوتا:
http://www.toyota.com/

محبوبة الشعب السعودي الاولى الكامري


لمحبي السيارات الصغيره والكورولا وارتباطها الشهير بالسودانيين ؟؟


شركة فورد:
http://www.ford.com/

صورة لموديلات شركة فورد وحاطين السعر وكل ماتغير بالاضافات يزيد السعر اكثر


شركه لينكولن:
http://www.lincoln.com

صورة للتاون كار من اشهر الصالونات العائليه في المملكه بعد غياب ( الفيكتوريا من فورد )


شركه ميركوري:
http://www.mercuryvehicles.com/

اسعار السيارات بالكامل ويهمنا نشوف القراند ماركيز وطبعا هذي اسعار اقل نوع بمعنى تبدأ من هنا وتطلع لفوق حسب الاضافات:


نيسان الامريكيه:
http://www.nissanusa.com/

المدمره ارمادا وبدايه اسعارها


شركه جي ام سي:
http://www.gmc.com/

اسعار اليوكون بالكامل:


بالنسبه لتويوتا فالسعر تقريبا نفس اسعارنا الموجوده والفرق بسيط جدا وما ادري عن باقي الشركات واسعارها.

انا اطالب وكلاء السيارات يعيدوا النظر في عروضهم وبالذات عروض التقسيط والتأجير المنتهي بالتمليك ومن ثم الصيانه والتأمين والصدق فيهم والسرعه في الصيانه.

مانبي احد يخسر لكن معقول سياره بالتقسيط تطلع الزياده قريب من 50% من سعرها الاساسي؟؟

التأجير المنتهي بالتمليك وانظمته المجحفه بحق الجميع غير التشدد في الشروط هذي كلها لابد تتغير وبعدها ممكن نفكر نشتري منكم..

بالنسبه للي بيشتري كاش ما اعتقد تفرق معاه كثير وبيلقى عروض تناسبه والسعر هنا او هناك تقريبا هو نفسه..

النقاش بعقلانيه لو سمحتوا والاشخاص اللي يحبوا الطنطنه لايشاركوا..

النقاش بعقلانيه لو سمحتوا والاشخاص اللي يحبوا الطنطنه لايشاركوا..

تقصدني
لا يحق لك ابد ان تمنع احد من اي موضوع موجود بالمنتدى <<< اول طنطنه يا كيموس
ثاني طنطنة مازلت انتظر ردك هنا
بعد اكثر من سنه ( هل نجح الموقع ) ‏( 12)

ثالث طنطنه خلوها تستمر

خلووووووووووووووووها تصدي وموديلها يعدي

حياك ابو عادل و كلمة خلوها تصدي ... ماعندنا غيرها للتجارنا
الطنطنة الرابعه ... ياليت تجارنا يجبون سيارات سليمه لم تلمسها يد النشالين

فضائح وكلاء السيارات خلوهم يصدون لين يعتدلون ‏( 123 ... الصفحة الأخيرة)

ماكفاهم رفع الاسعار بل سرقوا الخيرات !!!!
استبدلت القطع الاصلية بالتقليد !

خلوها تصدي

"قديمك نديمك ولو الجديد اغناك"

الله يخلي سيارتي تمشيني

وخلوها تصدي

الى الان ماشفت ردود تناقش بالعقل والمنطق...

الناس اللي جالسين يقولوا في الغرب نزلت اسعار السيارات الى النصف واشتري وحده وخذ الثانيه مجانا وينهم ووين عروضهم ؟؟

الكلام حلو لما يكون بالادله والصور والمواقع الرسميه واسعار رسميه يعني بامكانك تشتري مباشره ومضمون من الوكاله...

الان نتفق ان السعر تقريبيا واحد ( طبعا مصاريف الشحن والجمرك ونسبة ربح الوكيل داخله بالحسبه )..

الاختلاف تقريبا في طريقة تسويقهم للسيارات وسهولة حصولهم عليها واعتقد هالشي راجع للتطبيق السليم للانظمه عندهم موب مثلنا تشوف الشروط اللي يحطها الوكيل حتى يسلمك سياره بالتقسيط او التأجير تقول ذا بيزوجني بنته..

وبالذات المعامله صعبه للسعودي اللي مايشتغل بوظيفه حكوميه... الاجنبي ياخذ اي سياره يبيها بالتأجير بكل سهوله فقط شهادة تعريف بالراتب ويدفع مبلغ بسيط كمقدم ( واحيان من دون مقدم ) ويستلم السياره اما السعودي اللي يعمل بالقطاع الخاص او في عمله الخاص يطلعون عينه ولا يعطونه سياره وهالشي صار مع عديلي تخيلوا حق تويوتا يقول له اعطيك السياره باسم مكفولك العامل لكن باسمك لا ؟؟

يوم سأله ليه ؟؟ رد الموظف وقال الاجنبي سهل نطلع حقنا منه وبسرعه نظاميا لكن السعودي الاجراءات حتى نستدعيه تاخذ وقت طويل وبالغالب يبهدلونا ونوصل لمرحلة ( سلم السياره وامشي ) حتى نرتاح..

للمعلوميه قررت ارفع قلمي عن الرد على بعض الاشخاص ومثل ماقالوا اهل اول ( الحقران ...... ........ )

الطنطة الخامسة

للمعلوميه قررت ارفع قلمي عن الرد على بعض الاشخاص ومثل ماقالوا اهل اول ( الحقران ...... ........ )

يرفع قلمه ...يا نجيب محفوظ انت وقلمك تتهرب عن الرد بسبب بسيط انك ما تملك المواجهه يا ابو قلم عقلاني اتحداك تمر على الموضوع
بعد اكثر من سنه ( هل نجح الموقع ) ‏( 12)
على فكرة ماراح تنجح في كسر المقاطعه او ثنينا عنها
والحقران يقطع المصران <<< هذا انت راح تحتقر حتى تتقطع انت ومصرانك وقلمك العقلاني معروف عودتك للمنتدى سببها تبي المقاطعه تشتت ..والمضحك من اول موضوع تدافع عن ابوجميل
هذا جزء من ردك هنا
https://www.mqataa.co/vb/showthread.php?t=13389

على فكره عندي مداخله بعيده شوي عن الموضوع وتتكلم عن عبداللطيف جميل..

ياجماعة الخير لو هو مسوي مصنع تجميع سيارات بالخمره والله بفرح ترى له ويشرفني وجود المصنع بالسعوديه والحين نجمع وبعد فتره ان شاء الله بنصنع السياره بالكامل اما اللي يقولوا هو يجيب السياره من اليابان ويجي يشلحها هنا وش نقول عنهم ؟؟؟

يمكن الرجال مستحي يقول ان السياره تم تجميعها بالسعوديه ولو اعترف هو بهالشي وبكل صراحه انا متاكد ان ربعنا بيطلعوا فيها مليون عيب لان مجتمعنا يعاني من عقدة الاجنبي وتفوقه رغم ان العمليه موب صعبه يكفي بس تشوف المهندسين والميكانيكيه في الشوارع وتسال نفسك بما انهم يقدروا يصلحوا كل مشاكل السياره ويعرفوا وظيفه كل قطعه معقول مافي عشره منهم عندهم الامكانيه يصنعوا لنا سياره بالكامل اذا توفرت الامكانيات ؟؟

عبداللطيف يستحي من تصنيع السعودي لكن مايستحي من سرقه وتشليح السعوديين
خلوه تصدي مستمرة ولا نبأ تصنع ابوجيمل