بديل التايد والإريال وعن تجربة سنوااااااات

**أم خلودي** · 17-07-2012, 02:41 PM

السلام عليكم ورحمة الله وبركاته

هذه أول مشاركة لي بهذا المنتدى وأحببت أن أفيدكم مثلما استفدت من خلال زيارتي لموضوعاتكم فجزاكم الله خيرًا

ندخل في المهم :
هذه قصتي مع الصوابين وغسيل الملابس :

كنت اشتري الصابون المبشور لملابس أطفالي لأنه مايسبب حساسية ولكن كان سعره أظن سبعة ريال وكيس واحد مايكفي شهر خاصة للي عندهم أكثر من طفلين
بعد كذا جربت اشتريه نفس النوعية قوالب وصرت أبشره في البيت وبصراحة أوفر بكثير الكيس الي فيه ستة حبات لما أبشره يعبي لي علبة حليب نيدو كبيرة وسعره أظن ست ريال
ومع الأيام لاحظت انه التايد ماينظف مثل أول الملابس والكرتون مايكفي معي اسبوعين قلت ليش ما استخدم مع التايد صابوني الحبيب ؟
صرت أحط نصف كاسة تايد على ملعقتين صابون المبشور والله على ما أقول شهيد الثياب تلق بياض

مع الأيام أخينا الفيري صار أي خدمه ولا نظافة ولا شي ويوم أحرق القدر أجلس في حرب على ماينظف فقلت الله الله بصابوني الحبيب وفعلا والله العظيم دعكتين والقدر يلمع

المهم لااحرق الفلم عليكم جربوه وبتدعولي
سعر رخيص + نظافة مضموووووووووونة + كمية تكفي شهر
أخيرًا الإعلان هو :

لكل من تبحث عن ملابس نظيفة وبياض يلق وسعر رخييييص تستخدم صابون الوزير الي هو ( أبو عجلة )
موجود في كل مكان بس الله يستر مايغلى بعد مايشوف الإقبال عليه

وهذه صورته

نصيحة لاتشترون المبشور اشتروا القوالب وخلي الشغالة الله لا يهينها تبشره ولا عيالكم يتسلون فيه أنا بنتي تحب تبشره

وسلامتكم

**pass2love** · 17-07-2012, 04:44 PM

اولا حياك الله في منتداك

ثانيا يعجبني الوعي والبحث عن البديل

وانا اسميه المتسوق الذكي

فعلا نقدر نوفر كثير

ولا نعتمد علي الشركات الكبيره المعتمده علي الاسم فقط

**البرفسر** · 03-09-2012, 11:08 PM

جزاك الله خير

**المستعين بربه** · 13-10-2012, 04:33 PM

بيض الله وجهك ، و الله أول مرة اسمع فيه !!

**فتى زهران** · 14-10-2012, 01:08 PM

الله يبيض وجهك

أنا شريته واستخدمته يوم الخميس أو الجمعه

والله حتى الريحه شي خيااااااال

الله يسعد قلبك ياشيخ

بصراحه أول مره قلت في نفسي مستحيل كذا مافيه أحسن من التايد

بس بعد التجربه لا لتايد وغيره

اسعدك الله في الدارين

**الرئيس** · 15-10-2012, 02:39 AM

الى الامام في البحث عن البدايل وتجربة موفقة

**مـ قـ ا طـ ع** · 16-10-2012, 01:53 AM

اقتباس:

المشاركة الأصلية كتبت بواسطة أم خلودي

كنت اشتري الصابون المبشور لملابس أطفالي لأنه مايسبب حساسية ولكن كان سعره أظن سبعة ريال وكيس واحد مايكفي شهر خاصة للي عندهم أكثر من طفلين
بعد كذا جربت اشتريه نفس النوعية قوالب وصرت أبشره في البيت وبصراحة أوفر بكثير الكيس الي فيه ستة حبات لما أبشره يعبي لي علبة حليب نيدو كبيرة وسعره أظن ست ريال

لكل من تبحث عن ملابس نظيفة وبياض يلق وسعر رخييييص تستخدم صابون الوزير الي هو ( أبو عجلة )
موجود في كل مكان بس الله يستر مايغلى بعد مايشوف الإقبال عليه

وسلامتكم

طبعاً كعادة تجارنا في الجشع والطمع , فعلاً أرتفع سعره , وجدته في بنده اليوم القوالب بـ 16.25 شوفوا الفرق ؟؟!!!!
والمبشور وجدته في سوبر ماركت كبير عندنا في الحي بـ 14 ريال ؟؟!!!
وفي بنده لم اجد المبشور لأعرف سعره
وفي السوبر ماركت لم أجد القوالب لأعرف سعره
لذلك إذا ارتفع سعر السلعه البديلة يقاطع ونبحث عن منتج آخر , لأنهم لا يستحقون من يدعم منتجاتهم ومثل ما حققنا له ارباح نستطيع ان نحقق له خسارة بسبب جشعه وسوف يرجعه للسعر القديم او تستمر المقاطعة وهو الخسران , ولو ابتعد التاجر عن الجشع هو الرابح لأن مبيعاته سوف تزداد ويكون الإقبال كبير, ولكن للأسف يقابلون دعم المستهلك لمنتجاتهم برفع السعر