اخواني انا حاصلة لي مشكلة مع الجميح وهي اني شريت كابريس 2008 ال تي زد وخرب علي القير بعد 3 اشهر من استعماله واتصلت على الرقم المجاني وجو واخذوا السياره وكان ليلة جمعه يعني مسكرين وحطوها عند الباب الخارجي للورشه طبعا اللي سحبوها شركه خدمات تتعامل مع الجميح ويوم صار صبح السبت وانا اصبح عليهم واسلمهم السياره ونا ماادري وش اللي فيها بالضبط وبعد ماخبروني بعد يومين ان القير خربان
على طول طمرت أبد خل على رئيس مجلس الادارة حمد الجميح لكنهم صرفوني وعجزت ادخل عليه عموما سالفتي طويله قوه مره الله يعينكم بس لااح تفيدكم فكرت وش اسوي وارسلت لرئيس مجلس الادارة خطاب فالبريد الممتاز اني سلمت السياره للورشه وشرحتله وضع السياره وني حاولت القاء بك ولكن لاجدوا ولذا ارجو التفاهم معي شخصيا بشأن السياره واذا لم يتم التفاهم خلال شهر من تاريخه فأني ارفض استلام السياره بعد اصلاحها وسوف اتقدم بشكوى للجهات الرسميه - ولكن لامجيب وبعد ماراح شهر ارسلت خطاب ثاني وارفقت معه رخصة السير وصورة تقرير الدخول للورشه واني بنأ عليه اخلي مسؤليتي من السياره حيث انه لم يتم التفاهم معي ورفضكم لذلك . وقلت بسم الله ورحت للمحكمه ورفعت دعوى بهذا الخصوص طبعا كانت بداية الشكوى في اول سنة2008 والى الان بس النتيجه كيف؟ اول جلسه ماحضر ثاني مره ماحضر الثالثه حضر وجلسنا عند الشيخ وانا طبعا شرحت للشيخ كل اللي صار ومعاي اوراقي وقلت للشيخ اني ما ابي السياره انتهيت منها لان فيها خلل في الصنع قال الشيخ وش تبي قلت ابي الدفعه اللي دفعتها قال كم المبلغ قلت 19000 تسعة عشر الف قال الشيخ تحال الى المحكمه الجزئية لان المبلغ اقل من عشرين الف فلذا تكون فالجزئيه وحولت المعامله واخذت وقت وفي اثناء تحولها للجزئيه يوم دريت ويجيني خطاب من فرع وزارة التجارة موعد جلسه يوم جلسنا اول جلسه في التجاره قلت ان القضيه منضوره فالمحكمه كان حبيب قال ماننضر فيها وهي عند الشرع المهم تأخر موعد الجلسه في المحكمة ويوم دريت ويستدعونني مره ثانيه التجاره قالو جب اثبات انك مقدم شكوى وجبت وعطانا موعد بعد 3 شهور والحمدلله بدينا نجلس بالمحكمة الجزئيه وصرنا نجلس مره فالتجاره ومر فالمحكمه الجزئيه ويقول حق التجاره خلنا في حكمنا وهم في حكمهم حسبي الله عليه لكن الحمدلله فالاخير حكم الشيخ لصالحي بإعادة الدفعه وحساب الاجره باللي دفعته لهم للإجار وبعدها في جلسة التجاره حكم علي بدفع المتأخرات من الكمبيالات طبعا قدمت اعتراض على الحكم بس رفض الاعتلااض الاني ما قدمت شيك مصدق مع الاعتراض هذا نضامهم حسبي الله عليهم المهم حولت للاماره ومن الاماره للحقوق واثناء هالوقت طبعا كان كانت قضيتي ماشيه وحكمي فالمحكمه كان قبل حكمهم فالتجاره وهذا مهم المهم الشركه اعترضت على حكم الشيخ ورفعت للتمييز والحمدلله جت من صالحي وثبت عليهم حكم الشيخ ورفعت للحقوق صرت انا اللي اطالبهم . طبعا انا طلبت ايقاف الملاحقه والمطالبه بالسداد لصدور حكم شرعي في نفس القضيه وصار الحمدلله وهم يوم استدعوهم الحقوق طلبوا تحويلها لديوان المظالم والان نبي نجلس في ديوان المظالم والله يسهل بإذن الحي القيوم اكسبها ادعو لي يا اخوان -- طبعا بعد كل هالكلام احب انبهكم يا اخوان لازم الواحد يخاطب الشركة ويخلي مسؤليته من السياره بخطاب فالبريد الممتاز علشان يفيدك عند الشيخ انك طلبت ارجاع السياره وهذا اللي فادني والله يعينكم اخواني ويقويكم عليه -

للاسف هذا مايحدث في بلادنامن يشتكي لايعرف اي جهه يلجأ اليها والتجار يعرفون انك حتتممرمط وفي الاخير لاـأخذ حق ولابا طل والله المستعان

البيروقراطيه بهل البلد جعلت منك تلاحق القضيه سنتان مع إنه من الواضح الحق معك وهناك عطل بالمصنعيه ربنا يوفقك وينصرك بس إلى متى هذه المماطلة؟؟؟؟

الله ينصرك عليهم وأتمنى لك التوفيق بذلك
ثانيا من ناحية قانونية ان وزارة التجارة تنظر في الموضوع حينما تكون انت تاجر أو شيكات تجارية فقط وليس مواطن
وكان بأمكانك ان تكلم وزارة التجارة بذلك وانها يجب عليها ألا تقبل القضية لأنه ليس من أختصاصها اساسا لكن الواسطات

والله مشكلتنا في عدم وضوح الطرق التي يجب أن نتخذها في البحث عن حقوقنا, وكذلك تعدي بعض الجهات في مسئولياتها في قبول قضايا ليست من إختصاصها لإحتوائها لصالح أطراف معنية
عمومًا الله يوفقك وثق تمامًا أننا نتمنى لك التوفيق وثق أنك بأخذك لحقك هو أخذ لحق أخرين لم يوفقوا مع هواميرنا .

الله يجزاك خير على النصيحة ويعينك على استرداد حقوقك كاملة

وانا عندي نصيحة بعد وهي الابتعاد عن جميع السيارات التي تحمل علامة شفرولية زي الكابرس واللومينا وغيرها لأن صناعتها سيئة وعيوبها كثيرة وتصنع في استراليا بشكل سيء ليست كما كانت تصنع في امريكا على ايام الموديلات القديمة في الثمانينات .

الله ينصرك عليهم وان شاء الله ان الحكم في صالحك بحول الله وقوته

الله ينصرك عليهم ويجزاك خير على النصيحة

الله يكون في عونك ونصرك عليهم

الله يعطيكم العافيه يارب بس صدقوني اي واحد تعرفونه يبي اخدمه ضد الجميح مستعد بس يكون نفس الخلل على شان تكون اقوى لانها لازالت القضيه