السلام عليكم و رحمة الله و بركاته
أختي جدا مقهورة و كتبت هذا الموضوع في عدة منتديات و أنا شملني بس ربي لطف
هذا الموضوع :

انا حصل لي خطأ طبي مقصود من طبيب ماعنده ذره رحمه انا رحت لمركز الشامل لطب الاسنان الفرع اللي جنب مركز المملكه حي العليا عند دكتور التقويم وليد اسطفان اقسم بالله اني اكتب هالكلام وخانقتني العبره لاني مو قادره اخذ حقي ولان الخطأ ماكان خطأ مو مقصود بل كان مقصود واكتشفته عن طريق الصدفه لانه شوه اسناني تخيلوا جابلي الاداة اللي ينحتون فيها السن لوضع تلبيسه وفتح بين اسناني اللي تحت فيها فتحه مشوهه لانه دائما لما ينظف اسناني يكسر اطرافها ولما اسأله ليه يقول عادي اسويلك تنعيم ويروح بس اخر مره صار المنظر مأساوي ولما سألته هالمره جلس يصارخ بكل وقاحه ويقول اطلعي برى شوفي دكتور غيري تخيلوا فك الشد وقالي اطلعي وكان في رمضان جلست 3 ساعات في الانتظار لانه كان رمضان وفي الليل ومافيه دكتور اقدر اروحله ولو تركت اسناني بدون شد انتم عارفين انها بتخرب المهم جلسوا الدكاتره يقنعونه لحد ماوافق حسبي الله عليه واقسم بالله ان من قوة الحقد انه شدلي شده صحيت ثاني يوم ظلوع صدري تعورني من قوتها المهم رحت لدكتور ثاني وهنا كانت المصيبه قالي يابنتي اصلا كل هالتقويم غلط اماكن الحديد كانت مايله كأن بزر صغير اللي مركبها وبالمناسبه اللي ركبلي الحديد الممرضه هو ماله خلق طال عمره رحت ل 4 دكاتره وكلهم انذهلوا من المنظر واذكر اني لما كنت اسأله اقوله الحديد مايل يقول لا عادي هو مفروض يكون كذا لانه ماله خلق يفك ويرجع يركبها صح ,المهم انا الحين اسناني اللي تحت صاروا نحاف بسبب لعبه فيها وفكي شبه مايل والله العظيم ان صارت مخارج الحروف غلط صرت استحي احكي ولما ابوي كلم صاحب العياده اللي هو محمد الشمري ولد البروفيسور عبدالله الشمري صار يكلم ابوي بكل استهتار يقوله عندك وزاره الصحه وعلى فكره هذا الدكتور عمل لاختي (أنا ) عملية جراحه ضرس العقل مع انه مو اختصاصه ضرس العقل فيه ناس ماتت بسبب عمليات ضرس العقل اذا كانت خطأ , واشتكيت وزارة الصحه ولما وزارة الصحه يرسلون واحد يحقق العياده تقول الدكتور مو موجوده مارجع من اجازته مع العلم انه راجع ويمارس مجزرته في الناس انا كتبت قصتي عشان احذر الناس من هذا الدكتور ومن هذي العياده اللي تستهتر بأرواح الناس واللي يقدر يفيدني برأي بكون شاكره له حسبي الله ونعم الوكيل انا كنت رايحه بصلح اسناني طلعت بتشوه واهانه

الله يعوض عليك... ماضاع حق وراه مطالب... اشتكيه في وزارة الصحة بس لو حصلك تاخذ نسخة من ملفك عندهم، او اي فواتير او اي ورق حصلت عليه من طرف المستشفى.
وفي الحقيقة كان من الاول اول ماحسيت انه من جنب الطب بلغت عليه واشتريت اسنانك لان مو كل طبيب يدعي الطب هو طبيب ........يمكنه معلم شاورما في الليل والصباح طبيب.
عموما مثل الاطباء السعوديين مافي وخصوصا لو حصلك العلاج في مستشفى حكومي .. شغلهم بروفشنال وباشراف استشاريين

حسبي الله ونعم الوكيل في هذا الدكتور الحقير ..
عليك باستشارة محامي عن مشكلتك

في السعودية لايوجد قانون يحمي الناس من جرائم المستشفيات ، لكن أنصحك أنك تدعين عليه في الثلث الأخير من الليل بأن يعجّل الله هلاكه هو وأمثاله