بســم الله الـرحمــن الرحيــم

السلام عليكــم ورحمـة الله وبركاتــه ،،

كل منا يعرف انتشار المطاعم في الاونه الاخيره وكان الانتشار ملحوظاً , فلذا ان 99% لا يعلمون عن مدى نظافة هذه المطاعم , والله اللي اشوفه انه يذهب العقل وانا جايب لكم اكثر من صوره لكي تفقهون ما يحدث داخل المطاعم وانتم لا تعلمون ( ليس كل المطاعم طبعاً )
أنا لا أقصد الإساءة أو منع الرزق ولكن بيان لوآقع بعض المطاعم في بلادنا

والي بيتغدى يدخل بعدين

-1-

زي ما انتم شايفين كيف وضع الثلاجه هنا هي في حاله يرثى لها هل رأيتم كيف يتم التخزين !! واغلب المطاعم تكون ثلاجاتهم كذا

-2-

شوفو كيف فتحة الصرف الصحي مكشوفه جنب جرة الفول

-3-

وش رايكم بهذي الصوره والصرصور يتسبح في طشة غسيل الخضروات

-4-

شوفو يا احبتي وش يسوي اخينا في الله الباكستاني اكيد ما عرفتوا وش يسوي انظروا للصور اللي بعدها وتعرفون

-5-

شفتوو اخينا في الله صار يفرم البصل بقطعة قماش وتم اخذ مسحه طبيه من هذي القطعه وجدنا عدد البكتيريا 2800 بكتيريا والحد المسموح للبكتريا وبعدها تتلف 250 بكتيريا شفتو الفرق, كل هذا بخل عشان يشتري فرامه بصل ولا همه صحة الناس اللي تشتري منه

-6-

هذا احد التوانكي لدى احد المطاعم المشهوره وشوف التانكي
تقولون ما فيه شي اوكي انا معكم ان ما فيه شي بس انا حاطه استهبال لالا دققو زين في الصنبور ,

شوفو الكوع اللي على اليسار تحصلونه من حديد وفي جوف الكوع يوجد صدا متراكم ,

وهذا الصدا يعطي نكهه مميزه من بد المطاعم

-7-

شفتوو لون الزيت ذهبي براق وانا اصوره انعمت عيوني من قوة البريق اعوذ بالله شوفو وشلون درجة السواد

برضو هذا احد البخلاء عشان ما يغير الزيت

-8-

نفس خوينا اللي فوق

-9-

عاد هذي الصور انا بغيت اتهور واطق البكستاني يوم شفت معه الزقاره واقوله ليه تدخن يقول هذا سيجاره مافي حق انا ,

-10-

هذي فتحة الصرف الصحي وموقعها داخل المطبخ يعني انواع القذاره في الاكل

-11-

نفس الصوره بس من جهه اخرى

-12-

شوفو الاكل الصحي << صحي ببطنك وش رايك بالمنظر يشهي صح وهو مكشوف يم يم << تقوطر سعابيله يوم دخلنا هذا المطعم كانت الساعه 11 الصباح ما طلعنا منه الا الساعه 12.30 دخلنا وطلعنا الاكل مكشوف الله العالم من متى وهم مصلحينه ومخلينه مكشوف وشف كم بكتريا وكم ذبابه اخذت لها لقمه وطلعت وااااااااو اكلاً شهي

-13-

يلعن خير ذا العامل اقوله وش ذا السواد اللي بظافرك يقول هذا من الشغل وربي انه كذوب ياخوفتي انه يشتغل في الورشه اللي جنب المطعم والمطعم نقصهم واحد وجابوه على طول ولا غسل يدينه وقعد يقطع الزلطه>> السلطه اللي يتكلمون بالاتيكيت وعلى فكره ترا هذا العامل يعمل لدى مطعم معرووف العالم منكبين عليه كب

-14-

انواع الامراض في يدين ذا العامل شوفو اليد اللي على اليمين شوفو اظافره واليد اللي على اليسار البثور اللي فوق السبابه

-15-

بالله هذي صاطوره يقطع بها لحمه ولا يقول هذي الصاطور من احسن الصواطير عندنا ولو تلاحظون ان اللحمه متجمده و من الغلط تقطيع اللحمه متجمده و وضعها في القدر وهو ساخن

-16-

لا تعليق الصوره تتحدث

ودمتم ســـــــــــــــالمين بصحة وعافية

منقول

لاتعليق...

حسبنا الله و نعم الوكيل.

حسبنا الله ونعم الوكيل

الخطىء على صاحب المطعم وهو لا يعلم كيف تدار المطعم ولكنه يفكر كيف يأتي المال

في اخر الشهر وهو نايم في بيته

حامت كبدي

المشاركة الأصلية كتبت بواسطة المملوح

حامت كبدي

اعوذ بالله وين مراقبين البلدية:ma d::ma d::ma d:

وييييييييييييييييييييييع عز الله شامت النفس ..

اعوذ بالله ...

وش نسوي مالنا غيرهم منحدين عليهم ... عزوبي منطق .. بس اللي اردى منا .. اللي متزوج ويروح مطاعم هع

الله يعين ..كرهتينا بالمطاعم .. وبالوجبات السريعة .. وش بقى ؟

الله يعطيك العافيه

أبو هشام .. خالد 333
اي والله حسبي الله عليهم
هامور صغير نعم صاحب المطعم هو المسؤول الأول ..
المملوح .. صدقت
هدد ... خبيزة وجبينه وإلأ شابورة أفضل من كبده مطبوخة بيد هالقذرين
الربيعي .. اعتقد ان المصور هو من مراقبين البلدية
التشهير لو يعمل به .. كل المخالفات والتجاوزات راح يعتدل وضعها
شكرا لكم

وصلني هالموضوع أمس على الإيميل ،

هالعمالة على بالهم أنهم في ديرتهم












في واحد من الزملاء توه راجع من فيتنام ، يقول عزمني واحد من الفيتناميين على أحسن وأنظف مطعم سمك في فيتنام ، يقول رحنا المطعم ألا المطعم زحمة وعالم ، لكن تفاجأت أن أخيس مطعم في البطحاء عندنا أنظف من هذا المطعم ، الغريب أن المطعم معروف في فيتنام أنه هو الأنظف ويطبق معايير السلامة الصحية ، والمصيبة أنه حاصل على شهادة عالمية مكتوب فيها أن المطعم يطبق معايير السلامة الصحية !!!

المشاركة الأصلية كتبت بواسطة البرقان

في واحد من الزملاء توه راجع من فيتنام ، يقول عزمني واحد من الفيتناميين على أحسن وأنظف مطعم سمك في فيتنام ، يقول رحنا المطعم ألا المطعم زحمة وعالم ، لكن تفاجأت أن أخيس مطعم في البطحاء عندنا أنظف من هذا المطعم ، الغريب أن المطعم معروف في فيتنام أنه هو الأنظف ويطبق معايير السلامة الصحية ، والمصيبة أنه حاصل على شهادة عالمية مكتوب فيها أن المطعم يطبق معايير السلامة الصحية !!!

مرحبا البرقان ,,,

الظاهر هذي مصايب الاشتراكية اللي يحذر منها د. زين بري !!