خسرت على سيارتي 6000 ريال // وانا الكسبان

**خالد 1** · 10-03-2009, 01:37 PM

السلام عليكم
زميلي في العمل يقول: حاولت اشتري سياره جديده .. ووجدت ان السيارات أسعارها نار جدآ وعكس الكلام اللي اسمع عنه بخصوص الخصم والتخفيضات . وان الشركات تبغى تقص ظهري من الاقساط الشهريه .

بعد ذلك دخل جمعيه مع زملاه في القسم وعمل صيانه لسيارته بالكامل بسعر 6000ريال
والان يقول سيارتي معي وفي احسن حال وافضل من الجديده وفلوسي في جيبي ولا أقساط ولا دين ولا قرض والحمدلله .

وحبيت انقل لكم الموضوع .. لانه تصرف انسان عاقل والله اعجبني جدآ.
وياليت كلنا مثله في التفكير والتوفير
ولا يطلب منك كل شهر اقساط ولا يزعجك احد .
وخلي الراتب لك ولعيالك .

**pass2love** · 10-03-2009, 01:44 PM

انا سياراتي ياخالد 93 والحمد لله ماشيه وناوي اشتري سياره بس مو الان بصبر شوي

ولا راح استعجل بالرغم ان فلوسي والحمد لله معي

**خالد 1** · 10-03-2009, 01:45 PM

الله يباركلك في السياره ........... وهذا التصرف السليم

**اقتصاد اولا** · 10-03-2009, 01:47 PM

بالضبط هذا مافعلته انا

عندي يوكون 2005م دخلته الصيانة وكلفني 8500 ريال تصفية ماكينة - طرمبة البنزين - انوار امامية - اصلاح المكابح

طبعا السعر غالي شوي لاني في وكالة العيسى .

بالنسبة لليوكون فانا استخدامي له محصور فقط بالسفر .

معي يارس تويوتا 2007م وهي روعة بحق بنزين شهريا لايتجاوز 100 ريال وزيت وسيفون كل شهرين لا تتعدى 85 ريالا اي بواقع 42 ريال شهريا .

مصروف المواصلات بالنسبة لي لايتجاوز 142 ريال شهريا

انا اعتبره مجاني والله .

**مقاطع نشيط** · 10-03-2009, 02:06 PM

انا عندي لكزس موديل94 عملت له صيانة ب 4500 ويوجد اشياء ماصلحتها لانها مو مهمة
والحمدلله سيارتي تحت رجلي وماشية زي الفل بلا اقساط بلاهم صحيح ابي اشتري جديد لاكن بها الاسعار
اعتبرها مرتفعة جداً طبعاً عندي سيارة للعمل موديل 88 مكفيتني هالسيارتين وانشاء ماانحد على الجديد في
الوقت الراهن وشكراً لاثارة هذا

**يا حظ يرحم امك ركز** · 10-03-2009, 02:31 PM

خالد1 سلملي على خويك ولا تنسى تعطيه صورة من الورقه ادنااااه وقله انت ملك بلى مملكه

**عبود** · 10-03-2009, 02:50 PM

انا عندي فورد 94 وماشي زي الفل

بس انا ملاحظ شي اغلب المقاطعين في المنتدى سياراتهم 2006 2007 2008 2009
اكيد مقاطعين الي 4 سنوات قدام

وبتوفيق للجميع وخلوها تصدي

**hamehash** · 14-04-2009, 04:07 AM

اقتباس:

المشاركة الأصلية كتبت بواسطة عبود

انا عندي فورد 94 وماشي زي الفل

بس انا ملاحظ شي اغلب المقاطعين في المنتدى سياراتهم 2006 2007 2008 2009
اكيد مقاطعين الي 4 سنوات قدام

وبتوفيق للجميع وخلوها تصدي

ملاحظتك جت في بالي ايضا كلهم موديلات جديدهههههههههههههههههههههههههههه
وبالنسبة لي عندي كرسيدا 96 ماشاء الله ماشية اخوي مطلعها من الوكالة في سنتها وانا مسكتها بعده ولا انوي افرط فيها لانها مرغوبه ولا يعرف قيمتها الا الي جربها

**خالد الوايلي** · 10-03-2009, 02:56 PM

تصرف ممتاز انه صلح سياره وخلها مثل الجديده وبا العكس اخي العزيز
خالد القديم افضل من الجديد لانه يعيش اطول يعني الجديد منظر فقط

**alzuhary** · 10-03-2009, 03:27 PM

والله ناوي اجدد سيارتي طبعا موديلها 2003

وافضل من الجديد لأن الجديد فيه لعب علينا

خلونا نجدد الي عندنا ، وخلوها تصدي الي عندهم