شدني عرض على فيري في السوبرماركت و جيت أخذ منه و تفاجأت بأن العبوة أخف من المتوقع.

راجعت الحجم و النوع لقيتها من النوع اللي يقولوا إنه محطوط فيه منعم للأيدي و مكتوب الكمية على العبوة 1.2 لتر.

العرض في الصورة كان محطوط فيه صورة العبوتين و مكتوب الكمية 1.5 لتر و العبوات المحطوطة تحته كانت نوعين ..

عادي و أبو أولاي .. العادي حجمه 1.5 لتر مثل العرض و النوع الثاني 1.2 لتر.

المهم في الموضوع مهو العرض .. اللي يهمني طريقة التلاعب في العرض.

العبوات مكتوب عليها الكمية صحيح لكن ليش ما خلوا فرق في حجمها الفعلي..


شوفوا قصدي:


هنا العبوتين اللي عليها العرض جنبا الى جنب..




و هنا العبوة العادية اللي فيها 1.5 لتر.



و هنا اللي فيها منعم اليد أم 1.2 لتر..




إيش رأيكم؟؟

300 ملم مهب كمية بسيطة .. ليه مافرقوا بين العبوتين ؟
وش الهدف يبون يخدعون الناس بكبر العبوة

عشان الي ما يدقق ياخذ وهو ماشي و يخلطون القديم بالجديد وللأسف تمشي على الكثير ونقع فيها نحن احيانا

الفكرة انهم اولا يبينو العبوة كبيرة للمستهلك، فمعظمنا ونحن في عجلة من أمرنا نتناول العبوة الكبيرة عن الرف ونمشي، لكن الأذكى من ذلك انهم ما يحتاجو تغيير العبوة وبالتالي طلب كميات عبوات فارغة بحجم جديد وتخزينها وتكييف خطوط التعبئة للحجم الجديد، وما يتبع ذلك من تكلفة اضافية عليهم

السلام عليكم شي طبيعي وشكرا للاخوان على الاجتهاد
وفي عندي مشكله ثانيه في كراتين الماء الكاسات ابو نص الكرتون سعره ب10 ريالات انتبهوا بعض البقالات يقولك ب12 انتبه لاتاخذه وعلمه قوله ترى ببلغ عليك وامش وخله علشان يتوب سويت الحركه هذي والى يومك يبيعه ولله الحمد ب10 ريلات
بعضهم يسويها بطريقه ثانيه يعني يسوي ذكي يقولك تبيه مبرد ب12 او ب11 لا ياشيخ يحاول يلف ويدور
كله علشان يقنعك وهذا الشيء شفته في شرق الرياض اغلب البقالات والاسواق نصيحه لو قلنا الرياض فيه 5000000 شخص مثلا اتوقع اكثر لكن نفرض 250 الف مثلا بس اشتروا على كرتون واحد كل واحد كرتون 25000 نضربها في ريالين تصير 500 الف ريال اضرب ال 500000 في شهر = 15 مليون ريال ما ادري وش يحسون فيه الناس الريال انت تناظر ريال لان انت تقارنه بنفسك لحالك ولعائلتك على مستوى نطاقك ان الريال عندك مو شي حتى لو اعطيته ولدك وطيحه بالشارع عادي
لكن التاجر اذا جاء ينظر للريال او للنص ريال بتجارته ينظر مو لعائلته ولا لك ينظر لعدد وقدره 0000000000000000000000057575656567956 مثال $$$$$$$ يعني ينظر للرياض كله ولجميع مناطق نجد او الوسطى مثلا ً ويبدى يسوى الطريقه الي انا سويتها لكم .......

المشاركة الأصلية كتبت بواسطة ماعندك احد

السلام عليكم شي طبيعي وشكرا للاخوان على الاجتهاد
وفي عندي مشكله ثانيه في كراتين الماء الكاسات ابو نص الكرتون سعره ب10 ريالات انتبهوا بعض البقالات يقولك ب12 انتبه لاتاخذه وعلمه قوله ترى ببلغ عليك وامش وخله علشان يتوب سويت الحركه هذي والى يومك يبيعه ولله الحمد ب10 ريلات
بعضهم يسويها بطريقه ثانيه يعني يسوي ذكي يقولك تبيه مبرد ب12 او ب11 لا ياشيخ يحاول يلف ويدور
كله علشان يقنعك وهذا الشيء شفته في شرق الرياض اغلب البقالات والاسواق نصيحه لو قلنا الرياض فيه 5000000 شخص مثلا اتوقع اكثر لكن نفرض 250 الف مثلا بس اشتروا على كرتون واحد كل واحد كرتون 25000 نضربها في ريالين تصير 500 الف ريال اضرب ال 500000 في شهر = 15 مليون ريال ما ادري وش يحسون فيه الناس الريال انت تناظر ريال لان انت تقارنه بنفسك لحالك ولعائلتك على مستوى نطاقك ان الريال عندك مو شي حتى لو اعطيته ولدك وطيحه بالشارع عادي
لكن التاجر اذا جاء ينظر للريال او للنص ريال بتجارته ينظر مو لعائلته ولا لك ينظر لعدد وقدره 0000000000000000000000057575656567956 مثال $$$$$$$ يعني ينظر للرياض كله ولجميع مناطق نجد او الوسطى مثلا ً ويبدى يسوى الطريقه الي انا سويتها لكم .......

المويه الكاسات 8 ريال او 9 مبرد

الثاني ابو نص سعره 10 ريال

من اسواق الجمله

اخواني بالنسبه لموضوع الفيري تدري كم تعادل الكميه المفقوده تعادل مايقارب 2 ريال مقوده من المنتج ومفقوده من جيب الزبون يعني مانبي نقول ريالين لا نقول نص ريال يالله هو سوالك دعايه كلفته مبلغ وقدره ممتاز وكذلك تكلفة العبوات المصنه من البلاستيك والطباعه والتخزين والتوزيع وغيره وغيره سواها على حسابك انت وانت ماتدري انت يالزبون الي دفعت حق الدعايه وساهمت بالمنتج وبنفس الوقت انت يالزبون الي شريته وانت يالزبون الي استهلكته تعال نحسب مو من ريالين من نص ريال واقل عدد يستخدم فيري على ان ما اعتقد ان الي يستخدمونه اقله لب هم كثره يالله نحسب :
50 هلله x خمس مئة الف 500000 = 250.000 ريال x اثناعشر شهر 12 يني سنه = 6000000 سته مليون ريال يعني اقوى دعايه ومكسب ومشى بضاعته القديمه والجديده وراس المال على حسابك يالمسكين حسبي الله ونعم الوكيل ياشباب ترى هذا الحساب تقديري يعني اخذنا اقل رقم والا انتوا ابخص بعدد الي يستخدمون الفيري غير المطاعم والبوفيهات والمدارس والمقرات الحكوميه ومغاسل السيارات وغيره وغيره اصحوا والله لو احسبها صح تعدي ال2000000 بالراحه

فيري فيه بدائل كثيره

اليس موضفي وزارة التجاره مواطنين مثلنا ويتسوقون معنا اين دورهم وكذلك دور مكافحة الغش التجاري وهذا يعتبر تقصير في عملهم ويتحملون وزره (من اخذ الاجره حاسبه الله على العمل )

نشر على صفحة مقاطعة على الفيس بوك