احذروا احذروا زيت ( سوبر جتي ) مغشوش

**الركن** · 13-07-2011, 01:14 PM

السلام عليكم ورحمة الله وبركاته
مالكم بالطويله ذهبت لشراء زيت ( سوبر جتي )
فحاول أحد المحلات غشي بزيت مقلد لـ (سوبر جتي )
حيث سبق وأن سمعت بتلك النوعيه ولكن لم أتوقع
أن الأمر بهذا القدر من التقليد ومحاولة الغش
علما" بأن سعره 6 ريال للعلبة الواحده الا أن
البعض يبيعه بسعر الأصلي وعلى أنه الأصلي ويمكن
معرفة الأصلي بوجود علامة أو شعار ( فوكس ) ( FUCHS)
بينما هناك ثلاثة أنواع مقلدة اثنان منها علب بلاستك
والنوع الثالث علبة حديد وجميعها زيوت مكرره تجمع من البناشر
فيا أيها الأخوه حذروا من تعرفون فيكفي كونه مقلدا" ليأتي
من يبيعه على أنه الأصلي
واليكم الصور

**boycut** · 13-07-2011, 01:24 PM

جزاك الله خير على التنبيه ... اخر مره غيرت الزيت طلبت زيت اصلي لكن لا اعرف الفرق ..
الله لايوفقهم يبغى اغير الزيت ثاني مره قبل يخرب الموتر .... انا اتكلم معهم واحاول بس شفت
ناس وخصوصا السواقين وبعض الشباب يجلس على الكرسي ولا هو معطي بال لو يصب في سيارته
زيت قلي مادرى عنه ههههههههههههه

**amaqeen** · 13-07-2011, 02:15 PM

جزاك الله خير
شكراً على التنبيه

**رفيع المقام** · 14-07-2011, 02:51 AM

أنا ما أغير إلا من الوكاله @_@
مع الفحص طبعا
كنت على أيام السياره القديمه أستخدم زيت
توتل
النوعيه ممتازه وكنت أمشي عليها 6000 كيلو
يعطيك العافيه على التنبيه

**مـ قـ ا طـ ع** · 14-07-2011, 03:06 AM

الله يجزاك خير على حرصك وعلى تنبيهك

**فارس طيبة** · 14-07-2011, 02:24 PM

مشكور عندنا في المدينة 3 انواع
1- سوبر جي تي فوكس
2- ..... ...... .... البترجي
3- .... ...... .... بور
وكلها شكل ولون واحد

**عيون** · 21-07-2011, 01:23 PM

شكرا على التنبيه ... نعم زيت سوبر جتي وزيت شل وزيت تويوتا في انواع منها مقلد ..... وانصحكم بـ الترا سفن اللي اعرفه عنه ما يوجد في السوق منه الا الاصلي ..... سعر الليتر في المحلات 12 ريال , وعند البناشر 13 ريال .

**ابو عبد الملك** · 28-07-2011, 12:18 AM

نصيحة لاتغيرون الزيت الا بعد 15 الف او 20 الف ترا العالم كله كذا الا احنا لاعبين علينا لعب

**راعي اليوكن** · 28-07-2011, 06:19 PM

اقتباس:

المشاركة الأصلية كتبت بواسطة ابو عبد الملك

نصيحة لاتغيرون الزيت الا بعد 15 الف او 20 الف ترا العالم كله كذا الا احنا لاعبين علينا لعب

لا لا 15 و 20 في الصيف راح تدمر المكينة 8-10 حد اعلى في الصيف الشتاء ... ممكن توصل لـ 15 الف حسب المحرك وحسب اذا كان في سفر كثير + ( تسخين السيارة الجيد )
وضعنا يختلف عن اوروبا لاننا نعيش في الظروف الشاقة ومب زينة تضرب عليك المكينة علشان 100 ريال مثلا ( بس دايم كل اسبوع شيك مره على الزيت اذا كان ناقص زيده )

لاتنسى الحرارة عندنا تحت الشمس ممكن توصل 60 يعني كل شيء بحقة

**الخبير** · 31-07-2011, 08:43 PM

اقتباس:

المشاركة الأصلية كتبت بواسطة راعي اليوكن

لا لا 15 و 20 في الصيف راح تدمر المكينة 8-10 حد اعلى في الصيف الشتاء ... ممكن توصل لـ 15 الف حسب المحرك وحسب اذا كان في سفر كثير + ( تسخين السيارة الجيد )
وضعنا يختلف عن اوروبا لاننا نعيش في الظروف الشاقة ومب زينة تضرب عليك المكينة علشان 100 ريال مثلا ( بس دايم كل اسبوع شيك مره على الزيت اذا كان ناقص زيده )

لاتنسى الحرارة عندنا تحت الشمس ممكن توصل 60 يعني كل شيء بحقة

والله لو تمشي 30 الف ماضر السياره بشي انا عن نفسي ولا عمري غيرت الزيت بقل من 10 الاف كيلو والحمد لله زي الفل رغم ان معي لكزس بس والله ان مافيه فرق وهذي لعبه لعبوها علينا من زمان ترى بامريكا و اوروبا مايغيرون الزيت الا على الحول هههههههههههههههههههه يعني بس يزيده زياده واللي ضحك علينا وقال ان جونا مو مثل اوروبا اقوله ترى حراره المكينه هي هي نفسها ماتتغير سواء باوروبا او بالربع الخالي
على العموم انا انصح اللي يغير الزيت بستمرار من1500 كيلو الى 10الاف انه يتحقق من هالمعلومات لاني متأكد منها
هذا وبالله الوفيق لنا ولكم
وكل عام وانتم بخير