السلام عليكم ورحمه الله وبركاته

يااخوان والله تعبنا من شركات النصب والأحتيـــآآل واخرها شركة اتحاد عذيب (جو)
نصب عيني عينك ,, طيب حنا المستهلكيــن وين نروح على ميــن نشتكي ..؛؛

والله تعبنا من معاملتهم الزفت وكأننــا نطالبهم شيء من رواتبهم ..؛؛

انا مشكلتي بأختصــار قدر الله علي وأشتركت في مودم انترنت من عند شركة عذيب للأتصالات
من شروطهم اني اجرب المودم 72 ساعة ولي الحق اني ارجعه واخذ اللي دفعته عن طريق التحويل الى حسابي البنكي ..

المهم اخذت مودم سرعته 512 بـ 540 ريال لمدة 3 أشهــر بتاريخ 27فبراير 2010 ، ولما وصلت للبيت ماحلصت شبكة عندي لان الحي اصلاً مو مغطى رجعت المودم في تاريخ 28 فبراير2010 يعني ماكلمت حتى الـ24 ساعة قالي موظف الفرع خلاص المبلغ بيتحولك خلال 21 يوم ..؟؟؟؟؟ مع العلم بأنه لم يسألني عن الحي الذي اسكن فيه ..

ليش طيب 21 يوم وانا موقع على عقد يفيد انه بيرجع لي المبلغ خلال 7 ايام عمل ..؟؟؟؟
المهم كلمت مركز خدمة العملاء الـ800 وماشفت فيهم اي فااائدة تخيلوا ايش يقلون لي :
موظف يقولي مالنا شغل روح للفرع اللي اعطاك العقد وهو اللي بيعطيك فلوسك لانه ماعندنا الا 21 يوم ..<~~ طيب هذا اسلوب بالله
موظفه تقولي والله ياخوي هذا عقد قديم واتغير كل هالكلام <~~ طيب انا وش عرفني انكم غيرتوا كلامكم وش يثبت لي ..؟؟
وكل يوم على هالحال واللي يرفع ضغطي والله معاملتهم السيئة اللي يسكره بوجهي واللي يحطني على الانتظار فوق الـ6 دقايق ..؟؟
المهم صارلي الان شهر و3 ايام من ياخذ حقى انا ابي فلوسي وهم مالتزموا بالإتفاقية اللي بيني وبينهم

يعني انا وين اروح لمين ألجأ مين ياخذ حقــي ..؟؟

- هيئة الاتصالات السعوديه نايمه في العسل لاني خاطبتهم في الايميل والفاكس والتلفون ولاحس ولاخبــر ..!!

- جمعية حماية المستهلك برئاسة الدكتور : محمد الحمد راسلتهم عن طريق الايميل ولا حياة لمن تنادي وينهم طيب اذا انا في منطقة بعيدة ماقدر اتواصل معهم الا في الايميل وايضاً عن طريق موقعهم من خلال نموذج الشكوى ولا حتى يردون عليه من يحمينا ..؟؟

-الغرفة التجارية بالرياض جزاهم الله خير تواصلت معي واعتذروا بأن ليس لهم اي تواصل ومشكلتي عند هيئة الاتصالات وتقنية الملعومات .

-مكافحة الغش ردوا علي وقالوا حنا بس على المواد الغذائية والمواد الاستهلاكية وجزاهم الله خير ماقصروا .


طولت عليكم بس حبيت اوضح اننا شعب مغلوب على امره يعني لازم اذل نفسي وادور لي واسطة حتى يحولي فلوسي ..؟؟ طيب لو صرت انا اللي غلطان ايش بيصير فيني ..؟؟

على العموم كل الوثائق اللي تثبت كلامي ارفقتها لكم حتى ماحد يتوهق ويشترك معهم


وهذا موقعهم الإكتروني ايضاً يثبت صحة كلامي https://www.go.com.sa/atheeb-cms/index.php?page=refunds الفقرة رقم 3 الأخيرة


http://sub3.rofof.com/img5/03umjyx31.jpg
هذه صورة من طلب الإسترجاع تثبت اني اخذت المودم بتاريخ 27فبراير2010
ورجعته بـ 28فبراير 2010

وهذه صورة للعقـد اللي انا وقعته واللي مظلل يثبت انه في حالة اعادة المودم يتم اعادة المبلغ خلال 7 ايام عمل وانا صارلي الآن فوق الـــشهر ..؛؛
http://sub5.rofof.com/img5/03ilrmn31.jpg


انتظر أرئكم ونصائحكم ..؛؛
محمد العنزي

ارسل عبر قروب مقاطعه

السلام عليكم ورحمة الله وبركاته

عندي إنتداب بعد اسبوعين للخميس لمدة 3 شهور وكنت ناوي اشترك معهم بالخدمه بس بعد قصتك ومماطلتهم وسوء تصرفهم وعجرفتهم الزايده يفتح الله
لابد من التفاعل مع هذه المشاكل حتى يرضخوا للواقع.سوف اشترك بموبايلي أو الانفصالات السعوديه.

أسأل الله أن يسلط على الظالم ويمحق ماله.

المشاركة الأصلية كتبت بواسطة ابو جاسر

السلام عليكم ورحمة الله وبركاته

عندي إنتداب بعد اسبوعين للخميس لمدة 3 شهور وكنت ناوي اشترك معهم بالخدمه بس بعد قصتك ومماطلتهم وسوء تصرفهم وعجرفتهم الزايده يفتح الله
لابد من التفاعل مع هذه المشاكل حتى يرضخوا للواقع.سوف اشترك بموبايلي أو الانفصالات السعوديه.

أسأل الله أن يسلط على الظالم ويمحق ماله.

وعليكم السلام ورحمه الله وبركاته
اهلين اخوي ابو جاسر وحياك الله في الخميس ورقمي موجود في الطلب المرفق
وخلنا نقوم بالواجب معك اخوي وحياك الله ..؛؛

المشاركة الأصلية كتبت بواسطة مشرف مجموعة مقاطعة البريدية

ارسل عبر قروب مقاطعه

اهلين اخوي
انا حاولت ارسل بس ماعرفت
سجلت في القروب بس كيف ارسل

حياك اخوي .. ويعينك ..
متى تكون عندنا جهة واعية صاحيه تصفع المتلاعيبن وترد حق المستهلكين

المشاركة الأصلية كتبت بواسطة Mohammed NSN

اهلين اخوي
انا حاولت ارسل بس ماعرفت

سجلت في القروب بس كيف ارسل

اخونا مشرف القروب يقصد انه رسل مشكلتك عبر القروب للاعضاء
لان هو المسؤول الوحيد على القروب والارسال

المشاركة الأصلية كتبت بواسطة جمرة غضا

حياك اخوي .. ويعينك ..
متى تكون عندنا جهة واعية صاحيه تصفع المتلاعيبن وترد حق المستهلكين

اخونا مشرف القروب يقصد انه رسل مشكلتك عبر القروب للاعضاء
لان هو المسؤول الوحيد على القروب والارسال

اهلين اختي ..؛
ويقلون ان الجهه حماية المستهلك
مادري وينهم عن الشكاوي اللي ارسلت لهم
ويعطيك العافيه اللحين عرفت قصد اخونا المشرف وجزاه الله خير

السلام عليكم ورحمة الله وبركاته
الحقيقة اتعاطف معك في هذه المشكلة ومثيلاتها والتي وبكل أسف اصبحت ظاهره
سرت في المجتمع شرقا وغربا شمالا وجنوبا
والغريب أن النظام يكفل للكل حقوقه لكن التطبيق مفقود
والخوف كل الخوف أن تتحول هذه الظاهرة الخطيرة لبدء موجة من العنف المضاد
لاسترداد الحقوق المسلوبه بالقوة وبالتالي تتفشى الجريمة والعنف .
نرجو من المسئولين توخي الحذر وتطبيق اللوائح والأنظمة على الكل بلا استثناء
وإلا فإن الأمور ستخرج عن السيطره والدلائل في الوقت الحالي تشير لمثل ذلك
الحذر الحذر

وجدتهم في احد لاسواق شريت الجهاز وقعت العقد 2475 اخذته للبيت كان الاتصال ضعيف والخدمة سيئه وبعد اتصالات مع رقم 800 لم يفعلو شىء اعدت الجهاز لهم خلال 24 ساعه
وراجعت مكتبهم في طريق الملك عبد العزيز جنب قاعدة الرياض قالو بترجع لحسلبك وبعد مدة اكيد اكثر من اسبوع رجعت لي فلوسي لازم اقول لكم الصراحه بس انا استغرب انهم مايدرون لهم اشاره في الموقع والا
ا قصلرت الدعوى تجارب بس ليتهم يجربون قبل ماياخذو الفلوس ......؟؟؟؟؟

المشاركة الأصلية كتبت بواسطة boycut

وجدتهم في احد لاسواق شريت الجهاز وقعت العقد 2475 اخذته للبيت كان الاتصال ضعيف والخدمة سيئه وبعد اتصالات مع رقم 800 لم يفعلو شىء اعدت الجهاز لهم خلال 24 ساعه
وراجعت مكتبهم في طريق الملك عبد العزيز جنب قاعدة الرياض قالو بترجع لحسلبك وبعد مدة اكيد اكثر من اسبوع رجعت لي فلوسي لازم اقول لكم الصراحه بس انا استغرب انهم مايدرون لهم اشاره في الموقع والا
ا قصلرت الدعوى تجارب بس ليتهم يجربون قبل ماياخذو الفلوس ......؟؟؟؟؟

اهلين ومرحبتين اخوي ..؛؛
زين انها رجعت فلوسك بوقت قياسي
لاكن فيه مثلي كثييييير وصدقني انا لما بحثت في المنتديات
حصلت ناس اقسم بالله يشيب راسك من مماطلة الشركة فيهم
الله يعننا ويعن المسلمين وشاكر تواصلك اخوي ..؛؛