حسبي الله عليك يا ابو جميل بهذلت المسلمين "صور"

**جمرة غضا** · 17-04-2010, 01:42 AM

بسم الله الرحمن الرحيم

والصلاة والسلام على اشرف الأنبيا والمرسلين

السلام عليكم ورحمة الله وبركاته

اخواني كتابتي لهذا الموضوع للحذر من الصيانه عند عبداللطيف جميل

يوم الاربعاء 22/4/1431 حطيت سيارتي عند الوكاله بالسويدي الي في شارع عائشه
حطيت سيارتي عندهم عشان عندي صحن الكلتش خربان وابصلحه على الضمان
فدخلت السياره وقالولي بكره الساعه تسعه تستلمها

قلت خلاص

يوم جاء الخميس 23/4 رحت لمهم الساعه تسعه وكلمت المهندس حق الصيانه وقالي لسه ماخلصت
وقالي تعال العصر وقلت طيب بس عجلوعلي ولا تؤجلون موعد التسليم

اقام العصر ورحت صليت همن يوم قضت الصلاة ل رحت لمهم

يوم وصلت عندهم وسالت عن سيارتي جاني مدير قسم الصيانه سوداني

سلم علي وقام يسولف شوي فعرفت ان دعوه فيها مشكله

همن الزول عطان زبدة الموضوع وقالي سيارتك طاحت عن الرافعه وهذا قضاء الله وقدره
فانا انصدمت واقوله وشلون وكيف
صار
فقلتله لحظه صحيح انه قدر الله وما نعترض عليه لكن الخطأ منكم
انكم ماكشفتوا على اجهزتكم قبلى متحطون سيارات الناس هي امانه عندكم
فقام يبرر ويكثر هرج وقالي انزينها لك ومدري وش

فقلتله ابي سياره جديده فقام يقول لا ومدري ايش نصلحه لك وهذا قدر الله

قلت اجل ابي مدير المركز فقالي مهب فيه تعال يوم السبت

ورحت يوم السبت وكلمتهم وقلت ابي سياره جديده ويحولون يصرفوني عشان اصلحها
وان لي اسبوع وانا اجيه

وعشان كذا يا اخوان احذرو من الوكاله

وهذ تلخيص لقصتي
صورة السياره قبل ما اوديها الوكاله باسبوع

بعد المشكله

ايضا

من مكشات
http://www.mekshat.com/vb/showthread.php?t=288778

**مقاطع عنيد** · 17-04-2010, 03:15 AM

فضيحه قوووويه للصيانه لا تنسوا تنشروها بالايميلات والقروبات
المشكله همهم الربح قبل صيانه معداتهم والله ونعم الصيانه بالشركه مررررره مطفرين ما يمديكم تخسروا مبلغ بسيط للتشيك على الرافعات اتمنى صاحبها يواصل تقديم الشكوا للجهات الحكوميه وينشر غسيل صيانتهم بكل مكان

وتسلمين يا جمره على النقل

**هامور** · 17-04-2010, 06:42 AM

العمالة يتفرجون على السيارة وكأنهم ضامنيين لن يدفعوا شىء من جيويهم

وكذلك نوعية الرافعة رديئة ورخيصة

**جمرة غضا** · 18-04-2010, 11:47 PM

اقتباس:

المشاركة الأصلية كتبت بواسطة هامور صغير

العمالة يتفرجون على السيارة وكأنهم ضامنيين لن يدفعوا شىء من جيويهم

وكذلك نوعية الرافعة رديئة ورخيصة

اخشى انهم يرددوا
متعوده دايمن

الله يستر

**عدو الوكالات** · 19-04-2010, 05:43 PM

اقولهم بسدد قيمة السيارة يقولون اركن لمدة اسبوعين وحولو التأمين الشامل إلى تأمين ضد الغير وبهذلوني بهذله وش السوات يالربع والله طلعة روحي دلوني على حل لو برجع السيارة بيطالبوني بمبالغ مالي بها طائل ولو بغيت اشكي بيجبون لي بدل المحامي 100 ارسلت فاكسات ولا فيه فايده

طيب كيف ارجع تأميني شامل

**جمرة غضا** · 24-04-2010, 07:42 PM

اقتباس:

المشاركة الأصلية كتبت بواسطة عدو الوكالات

اقولهم بسدد قيمة السيارة يقولون اركن لمدة اسبوعين وحولو التأمين الشامل إلى تأمين ضد الغير وبهذلوني بهذله وش السوات يالربع والله طلعة روحي دلوني على حل لو برجع السيارة بيطالبوني بمبالغ مالي بها طائل ولو بغيت اشكي بيجبون لي بدل المحامي 100 ارسلت فاكسات ولا فيه فايده

طيب كيف ارجع تأميني شامل

حياك عدو الوكالات ..
ياليت تكتب قصتك بموضوع مستقل وبطريقة مفصله اكثر ...

**جمرة غضا** · 18-04-2010, 11:46 PM

اقتباس:

المشاركة الأصلية كتبت بواسطة مقاطع عنيد

فضيحه قوووويه للصيانه لا تنسوا تنشروها بالايميلات والقروبات
المشكله همهم الربح قبل صيانه معداتهم والله ونعم الصيانه بالشركه مررررره مطفرين ما يمديكم تخسروا مبلغ بسيط للتشيك على الرافعات اتمنى صاحبها يواصل تقديم الشكوا للجهات الحكوميه وينشر غسيل صيانتهم بكل مكان

وتسلمين يا جمره على النقل

حياك عنيد
ويطلع من يطلع ويقول ان حملة خلوها تصدي تشوه سمعه اصحاب الوكالات !
والله مايشوه السمعه الا افعالهم !!
لكن جاء ببالي سؤال
لو ان الحادثه هذه وقعت في بلد مثل امريكا ... ما ذا تفعل الشركة وكم تعوضه ؟؟؟