بقالة صغيرة وشوووووف والمتحدث بسم صاحب البقالة وادلى بتصريح الاتي:

**حد السيف** · 03-09-2007, 10:39 AM

تحدث الى صاحب البقالة التى توجد داخل الحي ويقول:

طبعآ بنقالي:

اليوم نزل مراعي اربعة يوم بعدين يجي هدا موزع شركة شيل كله

واحد ممكن اثنين نقص هذا زبادي بس ايس مسكلة هدا نفر سعودي سو سو مراعي

ملاحظة : الزباي رصه بهذا الشكل حتي يأخذ مساحة في الثلاجة

**نوره الفهمي** · 03-09-2007, 10:51 AM

عساهم يارب من خساير لخساير
وكل التجار الحراميه

بس وش نسوي اذا كان حاميها حراميها

حاميها ذاك الكبير اللي فوق اللي ينادونه فغير قصدي وزير

**ابو نايف** · 03-09-2007, 12:28 PM

ان شاء الله ماتربح لاهي ولا التجار ولا وزير التجارة واللي يجلسون جنبة كمان

**نجلاء** · 03-09-2007, 12:52 PM

يارب دوووووووووووم ياااااارب

**اشكي لي وأبكي لك** · 03-09-2007, 12:52 PM

إن شاء الله نجعلهم عبرة لكل تاجر ...
وليعلم كل تاجر أن القوي هو المواطن وليس ماله ...
خلي فلوسه تشتري له ناس يشترون منه ...

03-09-2007, 01:45 PM

الله اجمل منظر رايته حتى الان

بوركت لجهدك الرائع

**ام عبد الرحمن** · 07-09-2007, 12:45 PM

زين زين
يعني المقاطعه جابت نتيجه

و لو اني احب المراعي و اقدر على اسعارها بس والله عشان غيري مقاطعتها

يا رب انشاء الله انه التجار يخافون ربهم .......... ويعرفون انه الدنيا ماهي دايمه لهم

**Mr.Riyadh** · 07-09-2007, 01:58 PM

أم عبدالرحمن صدقيني أغلب الي يكتبون هنا إذا مو كلهم يقدرون على أسعارها ..
بس القهر في الإستغلال والإستغفال في نفس الوقت ..
وغير كذا فكري في المساكين والفقراء ..
وبرضوا فكري لو المرة هذي زاد ربع ريال .. بكره بيزيد ريال ..
وبعده يخلونك لا أنتي ولا غيرك تقدرين تشترين حليب أو أجبان .. الخ

يا أم عبدالرحمن كل شي جالس يرتفع .. عقار .. مواد غذائية .. مواد بناء .. مطاعم .. كل شي
طيب إذا وصلت لحد معين من الإرتفاع وقتها إنتي ياللي الحين تقدرين بعدين ماراح تقدرين

والله ماراح نشوف نتيجة طالما إننا نفكر في إننا نقدر نشتري ولا لا

وبالنسبة للمراعي من جرف في دحديرا إن شاء الله
والله ماهو حقد على هالشركة لا والله بس ليه الإستغلال ليه تكون المراعي من الشركات السباقة دائما لرفع الأسعار ؟؟

تسلم حبيبي على النقل صور والله تفتح النفس وتعطي دافع

تحياتي ،،

المقاطعة مستمرة

**ageely** · 07-09-2007, 02:42 PM

اول مشاركة لي بالمنتدى
بسم الله الرحمن الرحيم
بالنسبة للمراعي ترى والله العظيم في غيره بديل وارخص واكبر في الحجم
للي يحبون الالبان ترى نادك ممتازة وحجمهم اكبر من المراعي جربوها

**الاملح** · 07-09-2007, 03:04 PM

اقتباس:

المشاركة الأصلية كتبت بواسطة ageely

اول مشاركة لي بالمنتدى
بسم الله الرحمن الرحيم
بالنسبة للمراعي ترى والله العظيم في غيره بديل وارخص واكبر في الحجم
للي يحبون الالبان ترى نادك ممتازة وحجمهم اكبر من المراعي جربوها

((نادك)) رفعت اسعار العصير 50%
عصير ابو 2ريالين صار بـ3ريال

لا تجعلوا نادك بديلاً للمراعي لأنها رفعت الأسعار