مطعم الكوخ القديم ( الكوخ الاخضر سابقاً ) للبروستد

**me&u** · 10-04-2008, 05:41 PM

اولا معرفتي بهذا المطعم منذ اكثر من 15 سنه وهو قريب من وزارة البرق والبريد والهاتف حي الملك فهد

البروستد 12 ريال شامل حمص روعه وثوم روعه وخبز مفرود ومخلل والبطاطس بطاطس طبيعي يتم تقطعه بواسطه الة ومقرمش والدجاج على ماأعتقد ياالاخوين ياالتنمية

ويوجد لديه سمك سواء عادي او فيليه

اتمنى التجربه فهو لم يرفع الاسعار

واسم الشايب التركي ويسي

**ام العيال** · 11-04-2008, 02:46 AM

من زمان عن هالمطعم ، بكره بنتعشى منه ان شاء الله

**ابو بندر** · 11-04-2008, 10:36 PM

اي والله زمااااااان عنه

**جمرة غضا** · 11-04-2008, 10:38 PM

اجل بروستد عندهم مميز
نجربه

**شموخ رجل** · 12-04-2008, 11:44 AM

لايفوتكم الحراااااق...
شيييي...

**الدائرة مستطيلة** · 12-04-2008, 03:25 PM

يا ليت وصف للمطعم بتفصيل أكـثر ..!

**فاهم** · 13-04-2008, 12:02 PM

طريق الملك عبدالعزيز
شف مكانه بغوغل ايرث
http://wikimapia.org/5605259/بروستد_الكوخ

**جمرة غضا** · 14-04-2008, 02:33 AM

ما ترك شي قوقل ايرث
فيه محل لكوكيز يمحونه حول الكوخ احد جربه؟؟

**ستيف جورج التميمي** · 14-04-2008, 10:56 PM

يعتبر غالي عندنا ب11 شامل حمص وثوم وخبز ودجاج الفروج الذهبي وبطاطس ومخلل وووو..الخ

**fares998** · 01-05-2008, 02:48 AM

اقتباس:

المشاركة الأصلية كتبت بواسطة me&u

اولا معرفتي بهذا المطعم منذ اكثر من 15 سنه وهو قريب من وزارة البرق والبريد والهاتف حي الملك فهد

البروستد 12 ريال شامل حمص روعه وثوم روعه وخبز مفرود ومخلل والبطاطس بطاطس طبيعي يتم تقطعه بواسطه الة ومقرمش والدجاج على ماأعتقد ياالاخوين ياالتنمية

ويوجد لديه سمك سواء عادي او فيليه

اتمنى التجربه فهو لم يرفع الاسعار

واسم الشايب التركي ويسي

يعطيك العافيه على حرصك لقراء هذا المنتدى العريق ولكن لدي ملاحظه على هذا المطعم انا صراحةً لم اكل منه الا مره واحده بحياتي ويوم من الايام كنت مار على محل لبيع الكهرب قريب منه بعد فترة اكلي منه قرابة 3 أشهر وكان الوقت بداية العصر ويم شفت شي غريب منهم ممكن انك تتراجع عن موضوعك من هذا الشيء الغريب الا وهو انهم يعبون زيت للمطعم بالأرض الفضاء الي بجنبهم بسيار الله يجيرك لو تشوفها تقول وش الزيت الي بيزودها للمطعم هايلكس موديل 82 تقريبا وصخ بكل ما تعنيه الكلمة وبالصندوق براميل زيت الي تجي كبيرة تقل حقت محلات التشحيم وبتقريب شكل البرميل مثل براميل الزباله الحديد القديمه ( اعزكم الله ) ولونه اسود ومخطط بأبيض والبرميل ياليته نظيف اوصخ من الوصخ يوم شريت الاغراض من محل الكهرباء الي يعتبر جنوب المطعم المذكور رحت ووقفت بجنب الهايلوكس ومادين لي مثل لي البنزين الي اعزكم الله ما تسقي فيها زراعة بيتكم وبعدها بدقايق طلع التركي من بوابة المحل ولقاني بجنب السيار قلتله وش هذا وبكل جراءه قال زيت قلتله زيت سيارات حسبته فاتحين تغير زيت سيارات داخل المحل قال لا . ولا حبيت اطول معاه رحت واخذت اغراضي من محل الكهرباء ومشيت .
حبيت اعقب على موضوعك لحرصي عليكم من مثل هذه المطاعم .
ممكن تقولي ليه ما بلغت عنه بقولك بالبنط العريض انا جربت الشكوى وما نفعت معي لاني طلبت من مطعم حمص يوم تمعنت فيه لقيت قزاز مبشور واخذت الصحن ورحت فيه الى الشرطه وبعدها حاولوا الشرطه يتصلون على مندوب البلديو وراح يومي وانا جالس عندهم بالشرطة لين يجي المندوب ومليت اخذت صحن الحمص ورميته بالشارع .

اقتباس:

المشاركة الأصلية كتبت بواسطة ام العيال

من زمان عن هالمطعم ، بكره بنتعشى منه ان شاء الله

ابركلك .

اقتباس:

المشاركة الأصلية كتبت بواسطة ابو بندر

اي والله زمااااااان عنه

ابركلك

اقتباس:

المشاركة الأصلية كتبت بواسطة جمرة غضا

اجل بروستد عندهم مميز
نجربه

نصيحه لا