انقل لكم معاناتي من وكيل سامسونج

قمت بشراء مكيف اسبلت 24 وحدة قبل ثلاثة اشهر من مركز الشتاء والصيف واخبروني ان الضمان لمدة سنه على الجهاز وخمس سنوات على الكمبروسر .

وبعد ثلاثة اشهر تعطل الجهاز وأصبح يعطي هواء ساخن فقط .

وبحثت عن رقم الصيانة من محركات البحث التي في الانترنت و تفاجئت بأن اغلب نتائج البحث تتكلم عن سؤ صيانة الوكيل وقلت الله يستر ليتني سويت بحث قبل لا اشتري الجهاز وبدءت معاناتي لما كلمت الصيانة وردت علي بنت وقالت لي انه اقرب موعد بعد أسبوع يطلع الفني يشوف الجهاز ويحدد المشكلة هل هي داخله من الضمان ولا لا .....

قلت لها طيب ما فيه موعد قبل ،قالت مستحيل ،قلت طيب أنا كيف أعيش هالاسبوع في هذا الجو الحار (درجة الحرارة 55) قالت إنا مضغوطين وهذا الي عندنا قلت احجزي لي الموعد و عطيني رقم الإدارة أتفاهم معهم وعطتني موعد بعد أسبوع وعطتني رقم الشكاوي وأدق عليهم وترد وحدة ثانية وقلت ابي مسئول يرد علي ألان عشان مشكلتي الي ذكرت لكم من قبل . قالت أخليهم يكلمونك خلال ساعة وتروح ثلاث ساعات ولا احد دق ،وأدق عليهم مرة ثانيه وقالت طيب أنا راح أرسل ايميل للإدارة في جده هم يكلموك وأنواع التطنيش ولا احد دق علي .وعرفت انه ما فيه فايده من المطارد وراهم وقلت انتظر مالي حل غير كذا ، و أتفاجئ لما كلمتهم اليوم عشان اسألهم عن الموعد باي ساعه قالت الموعد الساعه 2 الظهر ولما قلت لها انه انا عندي دوام ما راح اطلع إلا الساعة 4 قالت نعطيك موعد ثاني قلت لها متى قالت ما فيه قبل أسبوع .قلت خليه على وضعه استأذن من مدير وأروح أشوف وش أخرتها معهم .

وموعدي بعد ساعتين نشوف وش أخرتها .

وحبيت اذكر مشكلتي لاني حاس انها بتطول أكثر من كذا بعد ما شفت من الشكاوي الي بالنت من هذا الوكيل فقلت أبدا بكتابة معاناتي و أوافيدكم بالجديد في القريب .

وبحثت عن رقم الصيانة من محركات البحث التي في الانترنت و تفاجئت بأن اغلب نتائج البحث تتكلم عن سؤ صيانة الوكيل وقلت الله يستر ليتني سويت بحث قبل لا اشتري الجهاز وبدءت معاناتي لما كلمت الصيانة وردت علي بنت وقالت لي انه اقرب موعد بعد أسبوع يطلع الفني يشوف الجهاز ويحدد المشكلة هل هي داخله من الضمان ولا لا .....

حياك اخوي
انا الحين ما اشتري اي جهاز الا اسئل عن وكيله والبحث بالنت عن مشاكله قبل حسناته ..
حسبي الله عليهم شركات بالخارج كبيرة وقوية وعظيمة,,
وهنا من الوكلاء بتصرفاتهم العنجهية !يشوهون سمعتها ...
بانتظار مايحدث

اهم شي خدمة مابعد البيع كان الله بعونك


وش آخرتها معهم بشر عسى الأمور تمام

انا اشتريت جهاز تلفزيون اضافي عندي في البيت
من الزقزوق وبعد يومين تطلع الوان علي الشاشه

كلمت الصيانه قالوا هات الجهاز نسوي صيانه له قلت ماله يومين ابي اغيره رفض

طبعا بالتلفون

رحت للمدير مصري في مكتبه وكلمته

وان الجهاز مضرووب ورجيع او فيه عيب مصنعي

ارسل معي مهندس هندي

شاف الجهاز وقالي فعلا فيه مشكله في اللون
بعد ساعتين جابوا واحد جديد وسحبوا القديم

دائما عند حدوث مشكله اتجه للمدير وخللك صبور وطالب بحقك

تم نشر الموضوع على صفحة مقاطعه على الفيس بوك