كالعادة المراعي الأولى في الزيادات

**fnfnfn** · 02-07-2011, 01:02 PM

اول مرة اشارك في المنتدى
وكنت لفترةطويلة من المتابعين لكم والمستفيدين مما يطرح
ولكن كانت اليوم ضربة قاضية بالنسبة لي
فعند شراء مقاضي البيت صباح اليوم أخذت لبن وحليب المراعي 2لتر
وعند المحاسب قال ترا فيه زيادة اليوم واحد ريال قلت وش عليه قال المراعي قلت كل الشركات زايدة قال لا المراعي بس قلت رجعها وخذيت لي نادك
وانا اللي اروح للبيت واتصل على بلاغات التجارة 8001241616 وقدمت بلاغ والله ينفع بالسبب ابي منكم تتاكدون بنفسكم وتقاطعون هالشركة اللي تقول انها وطنية للاسف وهي ابعد ما يكون عن الوطنية وياليت كل واحد منا يقرا الموضوع لايسكت ينشر هذه الزيادة في المنتديات وفي مواقع الاخبار وياليت تتصلون على رقم البلاغات والله ما رايح ياخذ من وقتكم الا 5 دقايق احتسبها عند الله في خدمة اخوانك

**جمرة غضا** · 02-07-2011, 01:17 PM

حياك اخوي
المراعي رفعت اسعار الدجاج (دجاج اليوم ) ,الزبدة, الاجبان ,والان الحليب والبن !
بكرة تلقى بقية الربع يرفعون الاسعار !..

التاجر مفلوت له الحبل .. يتحكم بالاسعار وفق جشعه وسعاره .. بحجة السوق وحريته ؟!
بالامارات لا يستطيع (اي تاجر اي وكيل )من رفع الاسعار الا بعد اخذ اذن من الجهات المعنية ..
متى الجهات المعنية لدينا (التجارة ) تفرض سلطتها على التجار و تعدل الحال المايل للسوق ليصبح سوق حر ؟

هل سترفع المراعي اسعارها بالامارت ؟ وهل ستاخذ اذن على ذلك ام لا؟
-------------------------

زهمت على البقالة اسأل عن الاسعار
اللترين اصبح الان بـ 8 ريال سابقا 7 ريال
الحليب اصبح الان بـ 8 ريال سابقا 7 ريال

الريال اللي زيد كم بيحقق لشركة من ارباح اضافيه ؟؟

**سلمان الجميري** · 02-07-2011, 01:48 PM

والله ما تنفع الشكوى الا لله حنا شعب ما تأصلت فينا ثقافة المقاطعة والاسباب
1-البيضه ما تشفط مع الحجر لان اصحاب الشركات الغذائية اما من الامراء اوالمحسوبين على الوزراء
2-عدم وجود بديل وطني حتى لو اقل جودة
3-الالتجاء وطلب المعونة من غير الله

**ابو عابد العتيبي** · 06-07-2011, 06:04 AM

اقتباس:

المشاركة الأصلية كتبت بواسطة سلمان الجميري

والله ما تنفع الشكوى الا لله حنا شعب ما تأصلت فينا ثقافة المقاطعة والاسباب
1-البيضه ما تشفط مع الحجر لان اصحاب الشركات الغذائية اما من الامراء اوالمحسوبين على الوزراء
2-عدم وجود بديل وطني حتى لو اقل جودة
3-الالتجاء وطلب المعونة من غير الله

كلامك صحيح مائة بالمائة
لكن يجب ان نقاطع المراعي
حتى لو نستبدلها بالاجبان والالبان المستوردة
اجنبي رحيم
ولا (شركة وطنيه..

|||) حراميه

**! waleed !** · 02-07-2011, 01:50 PM

شكلهم رافعين الاسعار من اليوم وانا ابي اتأكد واذا كان صحيح ابي اغير لنادك او الصافي مع اني من محبين المراعي..!

**أسلوب 100** · 02-07-2011, 02:03 PM

المراعي هي المتزعم في ارتفاع الالبان في الفترةالسابقه
وهي تكون المتزعمه للمرة الثاني في الارتفاع شركه تستحق المقاطعة

والمشلكه الشركات الآخرى تبعنا لها منتجات ذا جوده رديه وترفع الاسعار الصافي محمض ونادك ثقيل ولا فيه طعم الله يدوم النعمه

اتمنا نادك ما ترفع السعر كان نجحت المقاطعة

**fnfnfn** · 02-07-2011, 02:12 PM

اشكر لكم تفاعلكم
وياليت يا اخوان نصعد رفع السعر هذا عاجلا بتقولون ليه ؟
لاننا اذا صعدناها اليوم رايح تخاف باقي الشركات وما ترفع السعر وتبدا دعايتها انها لم ترفع السعر وبهذا نكون عاقبنا المراعي واستفدنا عدم رفع باقي الشركات السعر
ولا انتو وش رايكم ؟

ياليت الي يعرف احد في صحيفة سبق والوئام يراسلهم علشان ينزلون الخبر ولو بدون ذكر اسم الشركة لان الناس بيعرفونها على طول

**فارس طيبة** · 02-07-2011, 02:12 PM

معروف صاحب الشركة سمو...
قبل اسبوع نوت الشركة تطويرمزارع دجاج اليوم مبلغ 2بليون من مصادر تمويل ذاتي (من جيب المستهلك الضعيف

**أبوجنى الجهني** · 02-07-2011, 08:42 PM

اقتباس:

المشاركة الأصلية كتبت بواسطة فارس طيبة

معروف صاحب الشركة سمو...
قبل اسبوع نوت الشركة تطويرمزارع دجاج اليوم مبلغ 2بليون من مصادر تمويل ذاتي (من جيب المستهلك الضعيف

نعم يا أبن مدينتي السبب كم قلت صاحب سمو

بل هو صاحب سوابق

ولكن نحن السبب أذ لم نقاطع ولكني بحول الله وقوتهـ لن أشتري أي من منتجات هذهـ

الشركة من اليوم ورايح لازبادي ولادجاج ولا عصير

**قلب من ذهب** · 02-07-2011, 02:19 PM

لعلمكم جميعاً ...

أصبح حجم العصيرات ولبن الشيكولاتة أبو ريال ( 180 ج ) بعد ان كان ( 200 ج )