وصلني هالإيميل عن أيكيا

فنقلته لكم كماهو لعل الشركة تحسن من خدماتها وتخفض من أسعارها الخيالية
--------------------------------------------------------
السلام عليكم .. وشلونكم .. انا اليوم متكلف وبكتب لكم موضوع لاني منقهر ومنفقعه مرارتي ..

قبل فترة دخلت موقع ايكيا الأمريكي ، ابتفرج على كتلوج 2009 ،
وعلى الفروع وتوزعم بولايات أمريكا واسعارهم لقيتهم متوزعين فقط بـ 19 ولاية من أصل 52 وهذا يدل على انهم مهنا شعبية ولا قدرة تنافسية
واللي لفت نظري فعلاً وشيء احبه وكنت اتمنى ايكيا يبيعونها من زمان اللي هو الأرضيات الخشب ( الباركيه ) .. شفتها بكتلوج إيكيا فرع امريكا المتر المربع بـ دولار و15 سنت يعني ( 4.31 ريال ) يمكنكم تراجعون الأسعار بالكتلوج الأمريكي عبر الرابط :

http://info.ikea-usa.com/IkeaOptin/OnlineBrochure/

رقم الصفحة 300

وسعر نفس القطعة ( باركيه خشب ) لدى إيكيا السعودية بكتلوجهم صفحة رقم 298 ، المتر الواحد بـ 75 ريال !!!!!!!!!!!!!!!!

يعني الفرق 70.69 ريال بكل متر !!!!!!!!!!!!!!!!!


برضه نفس الموضوع .. الخشب الباركيه شوفوا كتلوج السعودية صفحة رقم 298 تلقون على الزاوية يمين رقم 2
.. ارضيه خشب إسمها سلاتين - سعر المتر 34 ريال وتعتبر مخفضه واقل سعر عندهم ... سعرها بأمريكا المتر المربع 69 سنت يعني ( 2.58 ريال سعودي ) يعني الفرق 31.42 ريال بكل
متر
!!!!!!!!!!!!!!!!!!!!!!!!!!!!!
ليش هالإستغلال ؟

وضمان فرع امريكا 15 سنة ، وضمان السعودية 10 سنوات مع ملاحظة ان جونا يحتاج فترة ضمان اطول !!!



اضيفوا إلى ذلك بطاقة عضوية إيكيا اللي ادعت ايكيا السعودية انها الغيت من ايكيا السويدية مع انها للآن معمول فيها بكل فروع العالم وتمنح خصومات واكواب قهوة مجانية لكل زيارة وتعتبر شيء مشجع للزبون ومخسر بنفس الوقت لإيكيا .. لكنهم الغوها لإنهم مايبون يتخلون عن ارباحهم الخيالية ولإنهم اشتهروا وصار لهم زباين دائمين مهب زي قبل يهشون الذبان حول جامعة الملك سعود محدن حولهم
ايضاً ايكيا الكويت ( مجموعة الحميضي ) يسوون تخفيضات 4 مرات بالسنة وينزلون إعلانات بجرايد الكويت فيها تخفيض حقيقي على بضايع جديدة ماتمت 8 شهور عندهم ، وتخفيضات حقيقية مهب على استوكات قديمة قطنت بالمستودعات زي ايكيا السعودية ، وبرضه فيه عمال من إيكيا موظفينهم مهنتهم يشيلون اغراضك
ويوصلونها لشنطة سيارتك ولا تدفع لهم ولا فلس .. وحنا ينقال لنا شيلوا اثاثكم ودفوه للمحاسبين ومن المحاسبين ودوه لشركة التوصيل والتركيب ، ولكم ان تتخيلون شلون الواحد بيشيل دولاب وزنه فوق الـ 44 كيلو وهذي صارت لي انا شخصياً يامحدثكم ( عبدالعزيز ) كنت رايح الظهر باخذ دولاب شفته بالدور العلوي وكتبت بورقة مكان الدولاب بمستودعهم السفلي بأي ممر وبأي مكان القاه ونزلت واخذت عربية قبل مدخل المخزن ودورت الدولاب وجيت اشيله لقيته ثقيل
وزنه 44 كيلو حسب ماهو مدون ببطاقة المعلومات ورحت ادور احد يساعدني من خدمة العملاء ومالقيت احد وباقي على اذان العصر بس 10
دقايق واضطر اشيله بنفسي وادفه للكاشير اللي مشى حرمه قبلي بس بيني وبينكم تستاهل لإنها خواجه وانا ضروطي
طلع للخارج وبرضه مالقيت ولا عامل يساعدني واروح اجيب سيارتي واشيله بنفسي والنهاية .. ورم اسفل ببطني إستمر حوالي 6 اشهر

المهم نرجع نكمل سوالفنا عن فرع الكويت

تخفيضات الكويت توصل لـ 70 % ، وحنا اذا تكلفوا 35 % وعلى شيء مايسوى وقديم وله سنين متكدس عندهم ، مع العلم ان التركيب والتوصيل بفرع الكويت (( مجاااااني وخلال إسبوع واحد فقط )) .. وحنا ياخذون 15 % على التوصيل والتركيب ( كل شيء
ماعدا المطابخ اللي يلحطون عليها 20 % ) والتوصيل فقط بدون تركيب بياخذون منك ( لا يقل عن 150 ريال ) حتى لو بيتك بالسلي جمبهم الـ 150 ماخذينها ماخذينها ... والله والمواعيد الحين يالله تلقى لك موعد عقب 8 ايام ، وشوفوا شلون اثاث الناس مكوم بالرصيف الخارجي على طبيات خشب ينتظرن دورهن للتركيب مع
شركة
TNT
الخايسين .. وش رايكم ؟؟؟

وزود على هذا وذاك شينة نفس واخلاق العمال السعوديين التكارين اللي اذا ماصرت حرمه مهب معطيك وجه ومهتم فيك ولا باللي تبيه .. زود على ان مكانهم شين وإذا جيت تطلع منهم تصيدك إشارة مخرج 17 اللي كلها تريلات ... ياجماعة الخير وش رايكم نقاطعهم بس

وإلا نرسل لإيكيا السويدية ونشتكي غسان السليمان وتوكيلاته الخايسه ؟؟؟؟؟؟؟؟؟؟؟؟؟؟؟؟
-------------------------
الله يسعدكم ،،،

والله فرق كبير

حسبنا الله عليهم

اوضح شغله المواد في امريكا جدا رخيصة لاتكلف ابد ,لكن الايدي العاملة هناك هي المكلفة
بعكس السعودية , يعني لا نقارن نفسنا بهم
,,,,,,,,,,,,,,,,,,,
ايكيا السعودية مهب غالية الا منهبله اجل اريكه بـ 6000 الف ريال خير!!!
وياليتها تنفع تنحط بصالة الا فشيله !! تقل صندوق ملفوف عليه قماش
..........
المشكلة ليست بالوكيل بل بالمستهلك
متى ما طالبت بحقك جاك

المشكلة ليست بالوكيل بل بالمستهلك
متى ما طالبت بحقك جاك

ما اظن

المشاركة الأصلية كتبت بواسطة alzuhary

ما اظن

ليه ؟ الشركة وحدة والاختلاف بالوكيل , نجرب وبعدها نحكم

المشاركة الأصلية كتبت بواسطة هدهد سليمان

وسعر نفس القطعة ( باركيه خشب ) لدى إيكيا السعودية بكتلوجهم صفحة رقم 298 ، المتر الواحد بـ 75 ريال !!!!!!!!!!!!!!!!

يعني الفرق 70.69 ريال بكل متر !!!!!!!!!!!!!!!!!

برضه نفس الموضوع .. الخشب الباركيه شوفوا كتلوج السعودية صفحة رقم 298 تلقون على الزاوية يمين رقم 2

.. ارضيه خشب إسمها سلاتين - سعر المتر 34 ريال وتعتبر مخفضه واقل سعر عندهم ... سعرها بأمريكا المتر المربع 69 سنت يعني ( 2.58 ريال سعودي ) يعني الفرق 31.42 ريال بكل
متر
!!!!!!!!!!!!!!!!!!!!!!!!!!!!!

الفرق هذا خيالي بل فوق الخيالي ، ومهما بلغ رخص المواد في أمريكا فلا يمكن أن يكون الفرق كذا
الشيء اللي متأكد منه إن الوكلاء عندنا مستغفلينا ومستغلينا وحنا مساعدينهم بالسكوت وطأطاة الرأس
مثل هالمقارنات تجيب لي السخونة ، وما أنسى مقال قديم للقنيبط في اليماكة قارن فيه سعر اللكزس بين امريكا والسعودية وطلع الفرق في الموصفات والسعر لصالح أمريكا مع إن الضرائب عندهم أكثر

يمكن سبب الفرق في السعر تكاليف الشحن و تغيير العملة من يورو لدولار لريال سعودي.

بس و الله فرق كبير.

ياريت تتم مراسلة الشركة الأم بهذه الأسعار و طلب تفسير لهذه الفروقات .. خاصة و أن صور الكتلوجات متوفرة بالأسعار مما لايدع مجال للإنكار.

الشرهه مهوب على إيكيا
على اللي يشتري منهم
مافيهم زود
مجرد زبرقه وكتالوج وأفكار كما يزعمون ولافيه شئ
كله كلام فاضي
لو مايبقى ألا هم
ماشريت منهم
أكثر ما نشوف محلات الأثاث
أما الجوده فلا تسأل
ماعندك أحد

فعلا نحن السبب ،، نحن من يتحمل نتائج من يضحك علينا

نحن نشتري ولا نعلم عن ماهية مانشتريه

شعب اغفل ،، قد يضرب به المثل يوما ما

فاللهم لاشماته ،،

سؤالي ، اين الرقابة ،، ؟؟

واشكر الجميع على مرورهم الطيب

المفروض تراسلون الشركة الأم وتشتكون على وكيل السعودية