السلام عليكم ورحمة الله وبركاته

الجميع لاحظ في الفتره الاخيره ارتفاع شبه جنوني في الاسعار والجميع ايضا على حد علمي لايعرف اسباب هذة الارتفاعات

لانه لو كان الارتفاع في سلع معينه تعتمد على نفس المواد الخام كان قلنا على الاقل انه هالمواد ارتفع سعرها وزادت التكلفه ومن حق التاجر انه يكسب لكن اللي نشوفه الان انه الزياده شامله لكل شي مواد غذائيه اجهزه كهربائيه وسيارات وقطع غيار يعني اشياء مالها علاقه في بعض

يعني ياليت نقدر نحدد سبب للارتفاع هل هو انخفاض سعر صرف الدولار والا ارتفاع سعر البترول والا الجشع والا مع الخيل ياشقرا

حتى الخياطين زادوا اسعارهم انا قلت يمكن مكاين الخياطه حقتهم تشتغل على البنزين

حاجه غريبه وبس

غياب الرقابة


اولها الشقق

وبعدين

المواد الغذائة


ياخي المفروض يرفعون الراتب

زايدة حتي نواكب الا ارتفاعات

زيادة الرواتب مو حل لان زيادة الرواتب دايما يصاحبها ارتفاع في الاسعار
بعدين لو الحكومه زادت الرواتب موظفين القطاع الخاص بياكلون هوا

المشاركة الأصلية كتبت بواسطة فعال

ممكن يكون ارتفاع اسعار النفط سبب قوي
لأن الدول المصدرة تعاني من ارتفاع اسعار النفط
قبل سنة كان بـ 45 دولار
والآن على اعتاب الـ 80 دولار
نحن نقبل ارتفاع السلع وخاصة المستوردة وفي حدود المعقول
اما منتجات محلية مدعوم مصنيعيها من الدولة
فلماذ ترتفع بنسب تصل الى الـ 50%

ولاننسى انخفاض الدولار مقابل العملات الأجنبية
كل بلد نستورد منه وندفع له بالريال او الدولار راح تزيد فاتورة الإستيراد وبالتالي سيرتفع السعر على المستهلك

ولآكن لانجد مبرر للإرتفاع الكبير وفي وقت قصير

انا اتوقع انه انخفاض سعر صرف الدولار لانه سبق للبترول ارتفع بس ماشفنا زياده في الاسعار لان الدولار كان وضعه جيد
بس ايش علاقة الدولار والبترول بالخضار والفواكه اللي تزرع في القصيم وجنوب المملكه وشمالها ؟!!

السلام عليكم

لو تلاحظون ان الفترة هاذي السعودية تعيش طفرة اقتصادية كبيرة ونسبة التضخم عالية انا اظن ان هذا سبب من الاسباب الكثيرة اللي لاتنعد ولاتحصى.


ولا وش رايكم؟؟!!

كلامك صحيح يادانه كل طفره يصاحبها تضخم لكن في ظل الرقابه يكون تضخم معقول ومقبول نوعا ما لكن اللي نشوفه ان التضخم الحين يصل الى اكثر من 25%

الإرتفاع في السعار وتم موضوعة السؤال الذي يطرح نفسه هنا الى متى ؟؟

بسم الله الرحمن الرحيم
اخواني الاعزاء اسعد الله اوقاتكم بكل خير الحقيقه موضوع خطير جدا ارتفاع الاسعار لكن اكيد يبيلنا وقفه مع بعض مادرينا حنا نصدق وزير التجاره يوم طلع في برنامج مباشر على القناه السعوديه والا التجار كلا رامي الكره في ملعب الثاني لا الوزير يقول الوزاره مالها دخل اجل من له دخل لا بعد يقول المواطن عليه ان يدورالبديل اي بديل يامعالي الوزيراصلا فيه بديل اذا احنا اللهم لك الحمد رواتبنا زينه اقول بكل صراحه فوق العشره الاف ريال ماصارت تغطي جوال والا فاتوره كهرب والامصاريف ثانيه لكن كلنا بنرجع على (الاقط)مثل ماقال تركي الدخيل في جريده الوطن اليوم*************************طبعاالتجارتصفق لهذا الوضع ****** الي طلع ونشر في الجرايد بس واحد من التجار هو العثيم ويطلب وقفه التجار في هذا الوقت والبعد عن الجشع زي ماسووا باازمه الخليج ولكن لاحياه لمن تنادي على العموم الله يجزاء العثيم خير وشكرا للجميع

الوزير يقول لازم تغير طبيعة اكلك

لازم نسمع كلام الوزير وناكل تراب

محشومييين

الاسعار نفس الاسعار في بلد المنشأ اجل المشكله تكمن في من؟؟؟؟؟؟؟؟؟؟؟؟؟؟سؤال يبيله جواب المملكه محسوده في كل شيء اللهم احفظ ولي امرنا خادم الحرمين الشريفين وارزقه البطاااااااااااانه الصالحه اللهم امين