نعم 2020 (الفين وعشرين) نقطة هي خسائر سوق الاسهم السعودي (اغرب سوق مال في العالم) في 3 ايام فقط

خسر في يومين متتاليين 1220 نقطة واليوم وحتى الساعة خسارة 800 نقطة والمجموع في 3 ايام هو 2020

من المستفيد واين الانظمة والقوانين التي يتشدق بها عصابة هذا السوق

هو المواطن ناقص بلاوي

والله اعتقد المواطن اللي دخل سوق الاسهم بعد انهياره عام 2006 غبي ويستاهل اللي يحصل له

لان سوق الاسهم عندنا سوق نصب واحتيال لاانظمة ولاقوانين وتتحكم به عصابات معروفة

تحياتي لك اخوي

والله اعتقد المواطن اللي دخل سوق الاسهم بعد انهياره عام 2006 غبي ويستاهل اللي يحصل له

تقل محكوم علينا نجمع دراهمنا ونعطيهم
فينا شي اسمه ادمان خسارة اسهم

ارتفعت خسارة السوق لليوم حتى الان الى 955 يعني تقريبا نسبة تحت لجميع الاسهم ومو بس سوقنا ... كل اسواق العالم انهارت (خوفي ان طقة ايران على الابواب) <<< عذر

خسارة 3 ايام فقط 2175 نقطة والقادم اسواء ... والمشكلة ما نقدر نبيع.

حسبنا الله ونعم الوكيل انا ما دخلت السوق من اكثر من سنة وتوني داخل يوم السبت الي طاف بمبلغ هو كل ما املك نقداُ.

أسأل الله ان يعوضنا واياكم والحمدلله على كل حال.

بغينا نسترزق علشان هالبزران وضيعنا حلالهم.

دعواتكم يا اخوان فأني والله بحاجتها

الله يعوض علينا وعليك وعلى كل من خسر
من يومين وما اشوف الاسهم
اجل سابك نزلت نسبة

المشاركة الأصلية كتبت بواسطة مقاطعتهم&حارقتهم

الله يعوض علينا وعليك وعلى كل من خسر
من يومين وما اشوف الاسهم
اجل سابك نزلت نسبة

كل الاسهم نسبة تحت

سوقنا وسوق المقاصيص مايختلفوا ع بعضهم بشي

غلطان انك دخلت والحين مابتقدر تخرج الا بخساره قد توصل الى 30 % من راس المال

سوقنا مايخضع لاي قوانين او منطق سوقنا كله بيد الهوامير يرفعونه وينزلونه على كيف كيفهم

عاد والله اني قبل اسبوعين كان ودي اشتري ارض بس يوم شفت السوق قلت خلني اطلع من الكاش الي عندي كم قرش قبل ما اشتري الارض وما الله كتب لي لا في الارض ولا في فلوسي

الحمدلله كل شي مكتوب ولا احد يزعل دام الصحة موجودة

لا يأس مع الحياة ولا حياة مع اليأس

السلام عليكم

هنالك انخفاض عالمي يقوده
الدولار الامريكي
فقد تحرك بقوة الى الاعلى
وقد أثر على العديد من الاسواق العالمية

والله اعلم

المشاركة الأصلية كتبت بواسطة ماجد2002

السلام عليكم

هنالك انخفاض عالمي يقوده
الدولار الامريكي
فقد تحرك بقوة الى الاعلى
وقد أثر على العديد من الاسواق العالمية

والله اعلم

طيب دام احنا مربوطين مع هالدولار ولازقين فيه مثل ظله

ليه ما نطلع معاه والا في النزول بس جاهزين

يا رجال انا ما صرت اعرف شي الي صرت اعرفة اننا مدحدرين في كل شي والله يستر من تاليتها ولا ندري وين بنوصل

بطالة

ارتفاع اسعار

مساهمات عقارية وهمية

مساهمات اموال وهمية

سوق مال وهمي

وزاراتنا ما حولك احد

خدمات من جنبها

مدارس تخرج لنا قواطي ومجرمين

جامعات ما تقبل احد

بنغالية لاعبين في البلد

مستشفيات ضيعت عيال الناس وكل يوم ذابحين لك عشرة بالغلط

خدمات اساسية (كهرباء - اتصالات - ماء) غالية ان وجدت




يا شيخ الله المستعان وبس