هنا مخطط العثيم النصاب (طريقة استغفاله لنا)

**مقاطع الله لا يعوق** · 24-08-2007, 01:29 PM

معلومات سريعه عن نصبة العثيم صاحب اول مبادرة استغفال..

*سوبر ماركت كبير عندنا بشرق الرياض يبيع كيس ابو كاس بفرق خمسه ريال بس عن العثيم
*يعني بقالتنا بس مربحه خمسه ريال في الكيس ابو 195ريال والعثيم النصاب يقول هذا سعر التكلفه
*العثيم يشتري بكميات ضخمه ممكن تكفي سكان الرياض كلهم وبقالتنا ما يشتري الا خمسين كيس والفرق بس خمسه ريال

هذي كانت معلومات سفري.. اما مخطط النصب حق العثيم هو كالآتي ..
*الشعب مقبل على شهر رمضان ننزل له سعر الرز كم ريال ونقول هذا سعر التكلفه (وحنا وش يدرينا كم سعر التكلفه اصلا) ويجون يشترون بالهبل
*بما انهم بيشترون من بالهبل هالريالين اللي نزلنها حقت الرز نطلعها من عيونهم بالمقاضي الثانيه
*الى حد نهاية شهر رمضان ويكون الشعب اكل مقلب شهر رمضان ونصفقهم على كيفنا بسعر الرز اللي نبيه لأن عيد الفطر والاضحى على الابواب

وما اقول الا للعثيم خاف ربك وتذكر يوم ازمة الخليج كنت مجرد بقاله ودعمك الملك فهد الله يرحمه بملايين عشان الشعب السعودي ما ترتفع عليه اي سلعه ولا يحس إننا بحرب .. لكن صدق انك لئيم

**ناصر** · 24-08-2007, 01:48 PM

حسبنا الله ونعم الوكيل فيهم

**مقاطع الله لا يعوق** · 24-08-2007, 01:54 PM

اجل العيب وينه
فينا والا فالتجار ؟؟

اذا فينا هذا حنا تغيرنا وبنتغير ان شاء الله واكبر دليل هالموقع

واذا بالتجار حنا نعرف نغيرهم بحول الله

**عفت الضلم وأجحافه** · 24-08-2007, 01:58 PM

على باله الشعب غشيم
والله ما الغشيم الا هو قال تعالى (يخادعون الله وهو خادعهم)صدق الله العضيم . لك شكري وأمتناني وفايق أحترامي أخي على هذا الموضوع ونقول نحن الشعب السعودي لكل تاجر تذكروا ضربتنا للدنمرك ولاتنسوا بأيدينا أن نضربكم .

**البحار** · 24-08-2007, 02:00 PM

وبند وهايبر بنده يرخصون الخضار والفواكه ويرفعون اكثر الأسعار وتجد اختلاف الأسعار من موقع الى اخر حسنا الله ونعم الوكيل كل واحد يبيع على كيفه اين حماية المستهلك

**البحار** · 24-08-2007, 02:05 PM

الله ينجينا من الغشاشين والمتحايلين اين حماية المستهلك اين وزارة التجاره

**مجرد مواطن** · 25-08-2007, 01:06 AM

اقتباس:

المشاركة الأصلية كتبت بواسطة البحار

الله ينجينا من الغشاشين والمتحايلين اين حماية المستهلك اين وزارة التجاره

اصلا ً من متى عندنا حماية مستهلك .. اللي عندنا الجناية على المستهلك

**مقاطع الله لا يعوق** · 24-08-2007, 02:06 PM

كرمونا عن حماية المستهلك اصلا انا نسيتها وحنا نصنع الحمايه لأنفسنا بأنفسنا ... حنا شعب هز مملكة الدنمارك واكلها تبن وقادرين بحول ربي نوكل هالتجار نخاله

**راحت فلوسك ياصابر** · 24-08-2007, 03:02 PM

ياشباب ليت نفعل المقاطعة فعلا مو بس كلام على النت لاننا ضقنا والله من الغلا الفاحش والواحد يحاول ينشر ذلك بين اصدقائه واقاربه

**مقاطع الله لا يعوق** · 24-08-2007, 05:34 PM

وازيدك العثيم يمنعك تاخذ اكثر من كيس واحد

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي العرض المتطور الانتقال إلى العرض الشجري