بسم الله الرحمن الرحيم


السلام عليكم ورحمة الله وبركاته


أحبتي أعضاء منتدى مقاطعه والله إنني ترددت كثيرا في كتابة هذا الموضوع

لكن يعلم الله لم أكتبه إلى من باب قول الرسول صلى الله عليه وسلم

" حب لأخيك ماتحبه لنفسك " أو كما قال صلى الله عليه وسلم



اليوم الصباح روحت البقاله وشريت زبدة المراعي الصغيره أو كما يقال ( الأصبع )

والله وأنا في البقاله إن شاك فيها شك كبيييييييير

المهم روحت البيت وكان باقي عندي من أول حبه نفس المقاس ( الأصبع )

والله أول ماشفتها في الفريزر وقبل ما أطلعها إني تأكدت من شكي اللي كنت شاكه

وشكي كان في حجم الزبده لأني كنت شاك ان اللي شريتها صغيره

ماودي أطول عليكم

اللي شريتها كان حجمها ( 60 جرام ) واللي عندي بالفريزر ( 100 جرام )

ويبعونها بنفس سعر الأولى

يا أخوان في البدايه حنا تحمسنا في المقاطعه اللي صارت للمراعي

بس فتره وجيزه جدا إلى أن رجعوا أسعارهم وبعد كذا بدأ التقاعس من الجميع

ليش مانستمر في المقاطعه ، ليش مانخليها تخيس ، ليش مانخليها تفعن في الثلاجات حقتهم

ليش مانخليها ونشوف البدائل يعني حبكت إلا المراعي

والله فيه عندنا حاجات واجد نقدر نشتري منها ويمكن بعد تكون أفضل منها بس حنا

مانحب نغامر ضروري نخلي الناس تجرب بعدين حنا نشتري




آسف تحمست شوي أعذروني





الحين بحط لكم صورتين للي قلته









الصوره الأولى وهي عباره عن مقارنه باللي شريته مع اللي عندي بالفريزر








الصوره الثانيه وهي عباره عن صوره للمنتج عشان لا أحد يقول وش دراني إنها المراعي





على كل حال أنا من اليوم المراعي ماعاد بتدخل بيتي لو أعرف انهم ينزلوها بريال

حتى لو انهم حطو الريال على جميع منتجاتهم الصغير منها والكبير






إحترامي وآسف على الإطاله

الله يعطيك العافيه اخي الكريم
على حرصك وتنبيهك وجهدك
وهذا أيضاً موضوع قبل اكثر من 6 شهور عن هذا الإستغفال للمستهلك
https://www.mqataa.co/vb/showthread.php?t=34442

لا شكر على واجب يا غالي

هذا واجب علينا جميعا لأن وللأسف نحن نسمع بشيء أسمه


حماية مستهلك



لكن وين هي الله يعلم

المشاركة الأصلية كتبت بواسطة فتى زهران

حماية مستهلك

لكن وين هي الله يعلم

ما حك جلدك مثل ظفرك .. فتول أنت جميع امرك.

رف الثلاجة بالهايبرات فيه انواع كثيرة من الزبدة .. منتم محدودين على منتوجات اي شركة ..
شركة تسوق الجشع قاطعوها ..
لي والله الحمد 4 سنوات مقاطعه كل منتج للمراعي وكل منتج لشركة تستحوذ عليها المراعي .

حماية مستهلك



لكن وين هي الله يعلم

انتم يا المستهلكين حماية المستهلك ..

طيب يا مراعي
المقاطعة وراك وراك ..

اما ب4 ريال يحلو مكتوب عليها 2.5 لانه 60 غرام
و100غرام جميع الشركات 4 ريال
ولا كلما جات زياده شاطرين علا المراعي
فتحو عقولكم وتعلموا ثقافة المقاطعه

المشاركة الأصلية كتبت بواسطة محمدالدوي

اما ب4 ريال يحلو مكتوب عليها 2.5 لانه 60 غرام
و100غرام جميع الشركات 4 ريال
ولا كلما جات زياده شاطرين علا المراعي
فتحو عقولكم وتعلموا ثقافة المقاطعه

الـ 100 غرام كانت بـ 2 ريال , واول من بدأ برفع السعر هي المراعي ومن بعدها الشركات الأخرى وبعض الشركات لم توصل لمبلغ 4 ريال

مكتوب عليها 2
وتشتري ب4 هذا من راعي البقاله

احمد الله واشكره...من بداية انطلاق مقاطعه شركة المراعي والصافي من شهر شعبان الماضي...لم يدخل بيتي ايا من منتجاتهم...لازلت متمسك بالمقاطعه مهما كان الثمن...والفضل لله اولا واخيرا في توفر البديل...