اتصلت اليوم علي بقالة حيينا اطلب زي كل يووم وسئلت عن المراعي
قالي اقبال عامل البقاله
انه من يوم امس مندوب المراعي مانزل عندنا شي ولا قبل علينا
وشكله ناوي يشيل ثلاجتهم
والسبب كل يوم يرجع يلقى نفس الكميه اللي نزلها امس ما نقص منها ولا علبه
شكل حينا مشاالله عليه مقاطع من جد
تحياتى

هلا بيك خالد
وسلملي على اقبال , وقله يولم ثلاجتهم عشان ياخذونها
وصراحه شكلي بنقل لحارتكم
حاره ترفع الراس فعلاً
بس انت ليه تسأل عن المراعي
ولا ماقاطعتهم .............!!!
هههههههههه

عقبال جميع البقالات
وخلي المراعي تسبح ببقايا الحليب والعصير الفاسد
الين ما يعرفوا ان الله حق واننا مستغنين عنهم

اخوي صعب المنال
انا مقاطعهم منذو مبطي
بس اقبال من يوم سمع عن المقاطعه وهو متحمس مثلنا
مو بس المواطنين اللي متضايقين بس حتى الاجانب
وانا اسئله كل يوم كم بعتو مراعي ولبيت مين ؟؟؟
اذا قالي واحد اعرفه اقابله بالمسجد واشرح له وكل اللي قابلتهم تحمسو اكثر منى
اما اذا ما كنت اعرفه اوصي اقبال بس يقول له ( مراعي خلاص)
وصلت الفكره اخوب صعب المنال؟؟

هههههههه

ما شاء الله عليك .. الله يعطيك العافية ..

كذا المقاطعة والا بلاااااااااش ..

انا اقول لو يوزعون ثلاجاتهم على الجمعيات الخيرية !!! يكسبون اجر

ويا ليت ما ينسوني بواحدة

انا اليوم مريت وسئلت راع البقاله قال مانجيبها قلت انا اصلا لو شفتها عندك طلعت ودورت لي بقاله ماتبيع منتجاتهم

ماتتوقعون ردة فعل الناس بعد رفض المراعي رفع سعرها اكثر من 10% في الامارات وخروجها عن اتحاد مصدر الالبان.
واضحكنى ردة فعل ابو سعد (هذولا صيدهم من دجاج اهلهم)
الخبر حديث المجالس

خبر مفرح


يستاهلون ماجاهم ،،،


ومازلنا مقاطعين من 15 - 8 إن شاء الله

حتى تنخفض الأسعار

شايف منتجاتهم تارسه البقالة
اللهم عجل بالفرج