حركات كارفور (لا تاخذ اكثر من حبة! )

**ليش لا** · 09-09-2007, 06:25 PM

اليوم كنت بكارفور وكان عندهم عروض حليوة

من ضمن العروض شوربة كويكر العلبة بريالين ونصف (عند غيرهم ب 8 ريال) وكان مكتوب على الرف (لكل زبون حبة واحدة فقط رجاءاً) قلت اكيد يستهبلون !! اخذت لي ست علب وكملت مشوار المقاضي وعبيت العربية لما وصلت عند الكاشير لاحظت ان اكثر الزباين معاهم اربع الى ست علب من الشوربة ويقعد الكاشير جدال حول عدد علب الشوربة اللي ينقص واللي يمشيه الين وصل دوري فرغت العربية عند الكاشر وتعمدت اخلي الشوربة آخر شي، يوم وصل الشوربة قال الكاشير معليش لكل زبون حبة وانا بمشيلك حبتين ، حاولت فيه من هنا ومن هنا قال اعذرني فيه علينا مراقبة اخر اليوم يجردون كل مبيعات محاسب واذا حصلوا في الفاتورة اكثر من علبة يعاقبونا .... قلت ما يخالف الحين انا معبي العربية بمبلغ اكثر من 500 ريال و بتوقفونلي على 5 اربع علب!! قلت اجل اسمحلي احاسب عن العربية بالكامل مع علب الشوربة او اخليها كلها مع العلب !! قام ونادى السوبفايزر يوم شافني مصمل قال خلاص مشها !! قلت طليب ليش اللفة ذي كلها !!!

عموما لايفوتكم كارفور ترا عنده عروض حلوة و خيارات كثيرة بحيث ان كل سلعة تلاقي منه اكثر من نوع وباسعار متفاوتة

**نديم الغرباء** · 09-09-2007, 06:50 PM

فاتتني اليوم صراحه

**عربان** · 09-09-2007, 09:32 PM

الصراحة كارفور مقدم عروض مغرية
حتى لو كانت على علبة وحدة
يبغون يعطون فرصة للكل حتى
يستفيد المستهلك

**المراقب العام** · 09-09-2007, 09:39 PM

طيب ليش ما حاسبت على العربية كامله مع علبتين وفقلت الحساب

وبعدين حاسبت على علبتين ثانية بحساب جديد وتنتهي المشكله

تحياتي

**ام المقاطعين** · 10-09-2007, 02:40 AM

من رحت لهم بعد عرض الفيمتو وقالوا مخلص مامداه

نازل بالعرض وشكيت فيهم

**المنفلت** · 10-09-2007, 09:56 AM

والله مشكلة يعلنون في الجرائد والمجلات والنشرات الخاصة فيهم ان الصنف الفلاني بـــ ؟ ريال واتحداك اذا كتبو ان لكل زبون حبة واحدة فقط لسببين
الأول : مايبون يخسرون الزبون لأن الزبون اذا قرى الملاحظة هذي هون عن الروحه لهم
الثاني : وزارة التجارة تمنع الشيء هذا
( مع ان وزارة التجارة ماجابت خبرهم)

**خـــالـــد** · 10-09-2007, 04:39 PM

اليوم كنت بكارفور ولاحظت انهم مغيرين سياستهم
كنت هناك قبل صلاه الظهر
وشفت ناس ماخذين اكثر من حبه (بالتحديد 4حبات)
شكلهم متابعين المنتدي؟؟؟؟؟
اما بالنسبه للفمتو موجود بس حبتين لكل زبون!!!
تحياتي

**aboaren0702** · 10-09-2007, 07:06 PM

عروض روعة وبدائل انا والله شريت 12 حبه بسعر 2وعليها وعبيت العربية طبعا بالبدائل والله اني غصب ادفها وتوقعت ان الحساب اكثر من 1000 ريال طلع الحساب 680 ريال بغيت انصرع وقلت الحمد لله بسراح كارفور جيد انا ماأسوي دعايا لكن انصح فيه خاصه لعزبة كل شهر

**ضد الكسر** · 10-09-2007, 11:28 PM

https://mqataa.co/vb/showthread.php?t=3255

**سابر الأغوار** · 13-09-2007, 02:11 AM

أخي الكريم :

السبب في أن العدد يحدد لكل زبون عند وجود عرض ممتاز لأي سلعة هو أن أصحاب بعض البقالات يشيلون كل شي عليه عرض مميز ولا يبقى شي للزبون .

وأنتم عارفين الباقي ..........

ورأيت هذا في إحدى المرات في أسواق السدحان .

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي العرض المتطور الانتقال إلى العرض الشجري