الفرق بين عزيمة عشاء بيننا وبينهم ؟؟؟

**][][ سااهرر الطائف ][][** · 13-10-2010, 02:57 PM

شرف صاحب السمو الملكي الامير سعود بن عبدالمحسن ال سعود حفل العشاء الذي اقامه لسموه .

الشيخ محمد جروح الصقري الشمري رئيس مركز قرية التربية (30كلم شمال حائل).

يا كبر العود اللى بالمبخر ...... تقول بيبخر مدينه كامله

اقلطوا حياكم الله <<<<< وفي راويه يالله تموا حياكم الله

يا خوي وراكم مقللين العشاء كذا ......... كان المفروض يكون العشاء اكبر من كذا

الحين اللى يبي ياكل من النص كيف يوصل ؟؟؟

ابغى افهم شئ واحد الحين كم كيس رز استخدموا في هذه الصحون العملاقه

وكم راس غنم وابل وبقر وووو

احلى ما في الصوره مكيف شباك ههههههههه

ونجي للعزيمة الثانية

7

7

7

7

7

استبدل الرئيس الأمريكي الغداء الرسمي في البيت الأبيض مع نظيره الروسي بدعوة إلى مطعم للـبرجر

في أحد مطاعم الوجبات السريعة في واشنطن

في هذه الصوره يطلبون المنيو والله اعلم ههههههه

جلسه اخر روقان في المطعم بدون حراس وحاشيه وبطانه فاسده فقط مترجمين اعتقد

طلب أوباما : همبرجر بالجبنة والبصل والبندورة والمخلل مع الشاي المثلّج

وطلب مدفيديف: همبرغر مع الجبنة والبصل والفلفل والفطر وكوكا كولا

اوباما : العشاء حياك الله في ديرتك يا ميدفيدف

ميدفيدف : البقاء يا ولد وشو له كل هالتكلف

اوباما : يارجال تعشى بس عساك سالم كلها همبرجر مع الجبن

في المطعم على طاوله ذات 2 كرسي بجوار مرتادي المطعم والعملاء

عندنا اذا ما سدح طاوله بطول 30 متر في 30 متر عرض و50 كرسي مايرتاح

ميدفيدف يسال اوباما عن الشطه هههههههه فيه ولا ما فيه

ميدفيدف : انت تجي هناك كثير يا ابو حسين

اوباما : والله وانا اخوك وقت الزنقات اذا ما معي اكثر من 10 دولار اجي هنا

زي منت شايف وجبه برجر ما تكلف 5 دولارات

ميدفيدف : على الحرام ما تحط ريال يا ابو حسين

اوباما : اذا انت رجال وقد كلامك حاسب الكاشير ..

والله اخر ما بيني وبينك

ميدفيدف : يارجال حاسب وفكنا لا تجلس تحلف علينا

ميدفيدف يصافح الكاشير بتواضع الكبار

اوباما : بليييييييييييييييييز كم الحساب

الكاشير : سيدي يسعدني تقديم تلك الوجبات لكم مجانا ً

اوباما : اقول كم الحاسب بس خلك من شغل النفاق <<< تهقون يعرفون النفاق ؟؟ << اشك

الكاشير : الحساب سيدي 10 دولارات للوجبتين بالسعودي 37 ريال

اوباما شكله مطفر : كم كم

ميدفيدف : هاه شكلك بتتهرب يا ابو حسين .... على بالحرام ان الحساب في ظهرك

ومسوي تعزم وتحلف وفي الاخير ما بجيبك شئ

اخيرا طلعت من جيب اوباما 10 دولارت

اوباما : تفضلي الحساب

الكاشير: شكرا سيدي

تتوقعون واحد من ربعنا يسوي كذا

ميد فيدف : كثر الله خيرك يا ابو حسيين

اوباما : بالصحه والعافيه .... ماتعشيت زين يارجل

ميدفيدف : مجهد يا ولد ....

اوباما : قدرك اكبر من كذا يا صاحبي .

ميدفيدف : اقول تلايط بس اترك عنك المجاملات والفشخره الكذابه <<< اكيد ما يقصد العرب اكيد

ميدفيدف : يالله خل نشوفك بروسيا والله لأوديك احسن مطعم مشويات شفته بحياتك

في العزيمه الاولى اعتقد انه ليس كرم ... بل تبذير وبذخ وفشخره كذابه ومجامله

في العزيمه الثانيه : اعتقد ان بمقدور اوباما ان يعزم ميدفيدف في افضل مطاعم امريكا وفي اعلى

وافضل الابراج وبمأدبه عشاء بمئات الالف من الدولارات

لكنه الفرق حقاً

الفرق بين تخلفنا

وبين تطورهم

الصور من النت

والتعليق كان مني

دمتم

**motamaken** · 13-10-2010, 04:09 PM

والله من العياط عندنا

الصحن هذا يكفي اهل القرية كلها وزياة

**هامور** · 13-10-2010, 04:20 PM

ترى كل الصحون ده عشان يطلب زيادة علاوة

**احمد474** · 13-10-2010, 04:20 PM

الله يكفينا شر الاسراف

**سلمان الجميري** · 13-10-2010, 06:08 PM

لا يا اخوان عزيمتنا لحم حلال ذبح اسلامي وهم يا كلون من الحرام خنازير ولحم بقر فعلى شان كذا الكرم عندنا ما خذينه من حاتم الطائي الي والله لو درى عن احفادة واسرافهم كان نحش ضيوفه بلا خرابيط بلااسراف الحين المعازيم كلهم ما يتعدون 100رجال ومسوين كذا واخوانكم بالحدود الي مع اليمن ما شافوا المكيفات الى بالمخيمات

**ابوطلال** · 13-10-2010, 07:14 PM

اقتباس :
في العزيمه الاولى اعتقد انه ليس كرم ... بل تبذير وبذخ وفشخره كذابه ومجامله .

شكري مع مروري اخوي
][][ سااهرر الطائف ][][

**فقد روح** · 13-10-2010, 08:37 PM

الحين اللى يبي ياكل من النص كيف يوصل ؟؟؟

وش رايك انت كيف ياكل
بارك الله فيك واثلج صدرك بالإيمان وافرح قلبك برضا الرحمن

اخوي ساهر تصلح تسير معلق ماشاء الله عليك تعليقك

شكلك كنت مرافق مع اوباما

**][][ سااهرر الطائف ][][** · 13-10-2010, 11:56 PM

متمكن .......... احمد474 ............... هامور كبير ........... سلمان الجميري .......... ابو طلال

حلمي خروج الاجانب من وطني <<< اسم طويل مرررره

اشكر لكم مروركم العطر لا عدمناكم

**خالد 1** · 14-10-2010, 08:07 AM

لاحول ولاقوة الا بالله

(( اللهم لاتواخذنا بما فعل السفهاء منا ))

قال تعالى

{وكم أهلكنا من قرية بطرت معيشتها فتلك مساكنهم لم تسكن من بعدهم إلا قليلا وكنا نحن الوارثين}

سورة القصص آية رقم 58

**ابو جنــــــى** · 14-10-2010, 10:17 AM

عساه بس وزعوا الزائد على الفقراء, ترى يكفي عشرات الأسر
وبصراحة هذا الفعل مبالغ فيه.

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي العرض المتطور الانتقال إلى العرض الشجري