انا لقيت فيديو ب 300 مستعمل استعمال نضيف جدا جدا ناشيونال ياباني عند دكتور اجنبي ومحافظ عليه حتى الريموت بكيسه جديد مابه خدوش نهائي كان حاطه داخل خزانه قزاز من 20 سنه وابي اشتريه علما بان عندي ديفي دي ال جي
ابي مشورتكم يا جماعه

أي فيديو الحين يا الحبيب؟!

ماحد صار يستخدمه الحين ولايشتريه ، وحتى لو شريته بـ 300 ريال
بتخسر على الأشرطة فوق قيمته الشيئ الفلاني ، وحتى المحلات اللي
كانت تبيع أفلام الفيديو صارت تعمل عرض وتخفيض على الأفلام اللي
ناشبه في حلوقهم للحين ، لأن ماعليها طلب والسيدي رخيص وعملي .
الحين عصر الأجهزة الرقمية ، إلا إذا كان قصدك تشتريه كـ قطعة أثرية؟!

والله ماني مشترية قطعة اثار يا استاذ واشكرك حبيبي على الرد
والله يالطيب بغيته قلت بس انت تقول الاشرطه مصيبه
والله الفيديو قدام عيوني يلمع جديد كانه جنيه استرليني نظيف مرره
يعنى برايك ارجعه لراعيه استشيرك؟؟؟؟؟؟

لالالا لاتشتريه


مانت لاقي اشرطه فديو كل الي بالسوق سيدي وبعدين اوضح واصفى من الفديو

كان حاطه داخل خزانه قزاز من 20 سنه

هذا يحال للتقاعد ماشاء الله على الاجانب يحافظون على الشين لو هي ملعقه توارثوها اجيال بعد اجيال
---
اخوي الاسواق مليانه اجهزة جديدة واسعارها معقوله ,واضف ان لها ضمان وقطع الغيار متوفرة وهذا الاهم
وان اردت فيه اجهزة تشمل فيديو مع سي دي او دي في دي
بتوفيق
انصحك بتصفح مواقع محلات الاجهزة الالكترونية وشف العروض واقتنص منها ولا تغفل عن الضمان

شكرا لكم جميعا وراح ارجعه اليوم العصر ماني رايح اقررررررررط افلوسي بالشوارع
شكرا للاخ ستار حفظك الله يا استاذ
شكرا للاخ هلابيك اسعدك الله فالدارين
اما انتي يالاخت العميده التميميه الينك فعلا العميده ماشاء عليكى ولا خاب من سماكى العميده
انا متهول من العماله ذي فعلا يحافظون على الشئ بكيسه بعد 20سنه جديد فجديد معناه اعيالنا اقروووووووووود
وشكر لأهل تميم فهم كما قال الرسول اشد الناس خطرا على الدجال بنو تميم