تجربتي
في شراء جهاز ( المسجل ) _ طبا" مع رادو خخخ _
المهم
قبل ما أروح أشتري المسجل ، فتحت على موقع مقاطعة ، قسم الأجهزة الكهربائية و الألكترونية
وبعد بحث
لم أجد ما يبرد الخاطر بخصوص المسجلات
إلا أحد الأعضاء يمدح أحد المحلات في النسيم وقال إنه في النسيم في حراج بن قاسم و أن أسعاره ممتازة
رحت للمحل لكن للأسف ما لقيت عنده مسجلات عنده أفران و مكيفات و ...
لفيت المحلات المجاورة وكلهم مكيفات ..إلا محلين عندها مسجلات
سألت الأول عن أحد المسجلات نوع...
وقال بـ190 ريال و الحجم الأصغر بـ 150 ريال
طلعت من عنده و سألت المحل الثاني وسألت العامل وقال نفس السعر اللي في المحل الأول و زود 5 ريال
وعشان الوقت طلبت يعطيني الصغير بـ 130 ريال فرفض نهائيا" _ و كأني أشوف بعيونه إنه يقول جاي لي حاي ، و أنا أقول تراي ما راح أجي ، وقبل ما أروح وعند الباب قلت له : 130 ريال ، قال : لا !
طلعت من عنده
وسألت : وين أقرب محلات لبيع الأجهزة الإلكترونية ؟
قالوا : في سوق حجاب
رحت ، ولقيت تقريبا: 5 محلات ، قبل مطاعم الأفندي
دخلت المحل الأول : وكان فيه عامل يمكن عمره 49 عام _ توصيف دقيق ـ
وكان أبض البشرة ـ عشان اللي يروح يعرف العامل .
أول شيء سألته عن الأجهزة اللي سبق و أن سألت عنها فقال الكبير بـ 160 ريال ، و الصفير بـ 130 ريال
قلت : خفض
قال الكبير بـ 150 ريال ( يهني الفرق عن السابق 40 ريال )
وا الصفير بـ120 ريال
وحتى أتأكد رحت للمحلات المجاورة ، إلا أن أسعارهم أغلى
فرجعت للمحل السابق
وكان تعامله جدا" رائع وطلبت الجهاز الكبير
ورفض أن أستلم الجهاز إلا بعد أن أجربه
فتح الكرتون الأول وكانت فقط سماعة واحدة اللي تشتغل
وجاب الجهاز الثاني و شغله لي
وكان ممتاااز
.
لم أذكر اسم المحل، حتى لا تقولون دعاية
و والله ليس لي أي فائدة من المحل و لا أعرفه
.
هذه تجربة أخوكم المملوح
وإن كانت بسيطة
لكن يمكن تفيد أحد القراء
وسلامتكم
تم شراء الجهاز ليلة الأمس الثلاثاء
4 /7 / 1431 هـ

مبروك الجهاز بس عجبني وصفك للعامل الأبيض علامة فارقة عشان نستدل عليه

السلام عليكم
اهم شي لا تستخدمه بالاغاني لان والله الشريط ب15 ولا فيه فايدة وعليك باشرطة الشيوخ الي يحبهم القلب مثل الجبيلان والعريفي وحولهم بثلاثة ريال ولك وللزمن

المشاركة الأصلية كتبت بواسطة سلمان الجميري

السلام عليكم

المشاركة الأصلية كتبت بواسطة سلمان الجميري

اهم شي لا تستخدمه بالاغاني لان والله الشريط ب15 ولا فيه فايدة وعليك باشرطة الشيوخ الي يحبهم القلب مثل الجبيلان والعريفي وحولهم بثلاثة ريال ولك وللزمن

أحمد ربي أني لم أشتري أي شريط غنائي في حياتي
ومن آخر الأشرطة اللتي سمعتها
سر العبودية ..للشيخ د . عبدالعزيز الفوزان
.
بس ترى إذا نزلت بكرى موضوع عن أفضل أنواع السكاكين ، أن لا ترد علي أن لا أقتل فيها أحد...

المشاركة الأصلية كتبت بواسطة مواطنه عايشه

عجبني وصفك للعامل الأبيض علامة فارقة عشان نستدل عليه

نسيت أقول إن العامل جنسي الهندية ، ( قصدي هندي الجنسية )
عشان كذا قلت أنه أبيض

وش نوعه وصناعته ؟
عليه ضمان ؟

[quote=جمرة غضا التميمية;201516]وش نوعه وصناعته ؟
عليه ضمان ؟[/quote]

نوعه
panasonic




وعليه ضمان

مبارك لك المسجل .. والراديوا

ماذكرت لنا وش نوعه او صناعته وضمانه
وكيف جودته

المشاركة الأصلية كتبت بواسطة ابو جنــــــى

مبارك لك المسجل .. والراديوا

المشاركة الأصلية كتبت بواسطة ابو جنــــــى

مراحب أبو جنى
الله يبارك فيك

لي عودة إن شاء الله