أرجو الانتباه من الزيوت والفلاتر (السيفون)

**المتوكل على الله** · 28-08-2007, 10:56 AM

تعلمون جيدا كم ارتفعت الاسعار التي علي العلب من 7ريال الي 14 ريال وماهي الالعبه على المواطن المسكين الذي يغلب عليه طيب النيه فيا اخوان سعر الزيت في محلات بيع الزيوت تقريبا النصف من الذي يباع علينا اى مثلا زيت سوبر جتي يباع لدي محلات الزيوت ب188ريال تقريبا اى 188/24=7.83ريال اما بالنسبة للبنشر 366/24=14ريال اى الفرق الدبل يا اخوان خل عنك الكسل واذهب لمحلات الزيوت ارخص بالنص

اما موضوع الفلاتر فحدث ولا حرج نجي للكاميري مثلا يباع بالبشر من 20الي 25ريال اما بالوكاله 12.5ريال يعني بالعربي خلي البنشر مكان لتغير فقط كل شي يكون موجود معاك توفير بالتغير الواحد بدون مبالغة مامقداره تقريبا 50 ريال
للمعلوميه اذا احضرت الاغراض معك يرفع عليك قيمة التغير من 10الي 15 ريال علشان ما تكررها مسوي نفسة زعلان!!!!!!!!!!!!!!!!!!!!! والله من وراء القصد والسلام عليكم أخوكم

**المراقب العام** · 29-08-2007, 05:18 PM

يجب تدخل حكومي عاجل وفوري ... بسبب رفع الاسعار وغلاء المعيشة .. بشكل لا يعقل ..!!

والا قول على المواطن الضعيف يارحمن يارحيم ..

وباطن الارض خير له من ظاهرها ..

تحياتي ...

**المتميز** · 03-09-2007, 02:35 PM

والله انك صادق يا أخ المتوكل على الله انا لي 3سنوات وانا أغير زيت سوبر موبيل تربو اللي يباع الان الحبة ب14ريال أشتري كرتوت ب175ريال من محلات الجملة يعني تطلع الحبة بحوالي 7.30ريال

**البديري** · 07-09-2007, 08:16 PM

يا خوي خذ العيال للبر معك وخلهم يلعبون اوستا نسون وانت غير الزيت وش فيها
لاهي حرام و الا عيب

**جورج برنارد شو** · 08-09-2007, 04:30 PM

مشكور أخوي على المعلومات القيمة

لكن وين أحصل محلات بيع الزيوت بالجملة في الرياض؟

و لك كل التقدير

**ماستر_كي** · 10-09-2007, 08:16 PM

فيه محل بأم الحمام يبيع زيت ماكينة بالجملة اسمه باوزير وهو محل كفرات وبطاريات

أول محل على اليسار قبل ما يجيك جامع الملك خالد على اليمين

**الدائرة مستطيلة** · 10-09-2007, 08:30 PM

محـلات بـيع الجملة للزيوت والبطاريات ..

الريــاض ..

حي العمل .. شارع الريـل قريب من شـارع الغرابي محلات كثيرة للزيوت والبطاريات
طريق الخرج .. بجوار الصناعية القديمة شارع الأمير سلمان
العروبة .. صناعية العروبـة مقابل مسجد الملك خـالد في حوالي 3 محلات
صناعية الدائري الجنوبي .. مخرج 18 في عدد من المحلات لبيع للزيوت لكن ما أنصح فيهم

سعرهم أغلى شوي وانتبه للتاريخ ونوعية الزيـت لا يصير فيها شيء

**طير السعد2006** · 28-09-2007, 01:05 AM

باوزير في ام الحمام غالي

زايد ريال ريالين لكن ميزته يعطيك بالحبة عادي عنده....

**khallled** · 14-10-2007, 08:30 PM

كم سعره كاسترول بالجمله يعني كرتون

ووين يبعونها في جده

**ابو ريناد** · 21-11-2007, 12:15 PM

اقتباس:

المشاركة الأصلية كتبت بواسطة khallled

كم سعره كاسترول بالجمله يعني كرتون

ووين يبعونها في جده

يبيعونه فكيلو 3

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي العرض المتطور الانتقال إلى العرض الشجري