تعجبت عند زيارتي للرياض بعد تركي لها ما يقارب العشر سنوات، حيث لا حظت الزيادة الكبيرة في أعداد السيارات و الاختناقات المرورية و الثورة العمرانية الكبيرة.. و كل هذا طبيعي في ظل تزايد السكان و عدم تحديث أنظمة الطرق.
لكن ما لفت انتباهي هو تفلت الأجانب في أماكن كثيرة و عدم احترامهم لأنظمة المرور و أول ما رأيت أفغاني ليموزين في طريق المطار داعس و لا همه أحد -أذكر السرعة القصوى 110 في طريق المطار- كذلك الدخول على الطرق الرئيسية بطريقة الاقتحام و عكس بعض الشوارع مثل الشارع اللي امام مكتب السعودية في الشمال، و الوقوف الخاطيء مما يتسبب في عرقلة السير و المصيبة الكبرى هي قطعهم للأشارات بكل وقاحة!! و واحد منهم قطع الاشارة اللي تروح مستشفى الحرس و استاد الملك فهد وللأسف كانت هناك دورية أم خط ترابي و لم يحاول التدخل و كأن الأمر لا يعنيه!!!!
أما المرور السري ما همه الا مخالفات السرعة في الدائري، و من كثرهم شاهدت أحدهم يخالف واحد بطريق صلبوخ القديم... الفراغ شين!!!!

في النادر أسافر للرياض
والاحظ الازدحام المرعب في الشوارع
واذا توقف الصباح بدري عند الأشاره تشوف اللي حواليك كلهم سواقين وانت المواطن الوحيد .

الله يسلمك يا اخوي ويحيك

خذ وخل من هالفوضى اجل لو دخلت منفوحه او البطحاء وش بتقول

الله يصلح حالنا بس

شكلنا والله اعلم تهزينا بعاصمة احد الدول العربيه المعروفه وجتنا العقوبه

ايه وما شفت شي .. احنا صرنا مستعمرين من الاجانب ..

الله يرحم الحال

ولعل الحال يتغير ، لأنه اصبح ما ينطاق

زحمة لا تطاقو الواحد يفكر 100 قبل ما يطلع من بيته ..
قبل شوارع الرياض لها أوقات ذوة معينة الآن الذروة 24 ساعة
واضف لها السواقة العجيبة من الاجانب والسعوديين وحتى دويات المرور

من زين تخطيطهم كل شي بالرياض

لو وزعوا المصانع والوظائف والوزارات والعسكريات

وغيره

بين مختلف المناطق لوجدت مايرضيك

ولكن تولها من لا يحسن ادارتها ... ولخبط الحابل مع النابل

وصرنا هاللي تشوف ؟