يوم الخميس مريت على كم صالة من صالات الدمام وذلك لغرض شراء سيارة فورد وكنت امني نفسي بان اجد الأسعار تعدلت شوي لكني فوجئت أن الأسعار زا\دت شوية اوفي اضعف الأيمان قد بقيت على اسعارها المبالغ فيها اصلاً .

المهم وأنا راجع للجبيل مريت صالة العوهلي اللي على خط الدمام الجبيل وسالت البائع السوداني ليه ارتفعت الأسعار عكس العالم قال لي ان الأسعار ارتفعت على كل سيار من المصدر ( أمريكا ) مابين 700 ل 3000 دولار .

رديت عليه ان هذا الكلام مردود علية وممكن ينطوي على الضعوف والمساكين اللي مازالوا مخدوعين فيكم ويحسنون الظن فيكم ومامنينكم على أموالهم وأرواحهم وممكن اصدق هالكلام لو كان قبل عصر الأنترنت والمعلومة للجميع.

والله أن الصالة كانت فاضية فقط الموظفين والسيارات وطلب مني الجلوس والتفاهم وعزمني على كاس شاي بس رديت علية بعبارة ( خليها تصدي وموديلها يعدي ) وطلعت ولسان حالي يقول لية تجارنا اصابهم هذا السعار الجنوني والكذب والغش..... أجل أرتفت الأسعار من المصدر

تحياتي للجميع

تذهب بنيه الشراء
أخي وكلائنا فراعنه.... لن يرضخوا بسهولة ....وخاصة إنهم أتفقوا على رفع الأسعار
وبعدها أتفقوا على حملة أزمة وتعدي ....
خلوها تصدي وموديلها يعدي
يعني لا للشراء في عام 2009 اتنظروا 2010
الشركات المصنعه راح تجبرهم على التخفيض غصب عنهم

أخوي / جمرة عضى

المشكلة أني أدور على سيارة لأخوي لأنة بلا سيارة والا صدقني انا مقاطع بشكل لارجعة فية بس حدثت نفسي أني ممكن ألقى لي راعي صالة يخاف الله ويطلب الربح الحلال.

أما الحين خلاص بادور لي سيارة خطبة ... فقط

تحياتي ،،

فيه حل لو تستأجرون له سيارة لمده شهرين او 3 < استأجروا ارخص سيارة >
لان فيه احتمال كبير تبدأ الوكالات بتصحيح الأسعار من بعد شهرين

تصحيح اسعار!!!!!!!!!!

ماهقيت والله من نوعية هالتجار المعفنه

عاد انا مريت للمعارض امس وشفت الاسعار مرتفعة بشكل جنوني
كامري 2002 طالب فيها 39000
ومرسيدس 90 طالب فيها 38000
عاد المشكلة السيارات المعروضة واااااااااااااااااجد
ومحد يبي يشتري اصلاً مافيه زباين