بما اني جوعان بعض المرات اروح لمطعم الشرفة لانه يقدم سلطات مجاني وكاني اباخذ غرفة بس عشان اباكل .

المهم مرة صادوني وقالوا لازم تشتري عشان تاكل من السلطات بلاش واحشروني خخخخ وخسروني مائة ريال قيمة العشاء بس انا والمدام.

وبعد ما جيتهم مرة ثانية لقيتهم ملغين سالفة السلطات والظاهر بسبتي انا وكان هذا الاسبوع الماضي وازيدكم من الشعر قيمة العشاء اللي كنت اخذه بميه صار بمية 127 والملاعين حتى الربع ريال ما رجعوه لي .

وحبيت احذركم منه

شكرا لكم

المشرفين تكفون غيروا العنوان الى مطعم الشرفة

من جد غيروا العنوان.. دخت من العنوان

الله لا يجزاهم خيير .. و الحمد لله ما أشتري من عندهم

وش فيهم المطاعم رفعوا السعر بعد مانخفضت شوي الاسعار !!!لكن فيه غيره ارخص
بس بصراحة خربت على الثانيين بس سلطات تاخذ

والله ياجمرة يوم اني اخذ السلطات لانها قدامي والا ودي بالمشويات بس داسينها داخل وعلى البوابة ابو شكيب وعليه شنبات اكبر مني

قرأت مشاركتك اخي الكريم وتألمت كثيراً ،، كنت اعتقد انك اخترت اسمك المستعار " جوعان وطفران" من باب الطرفه والدعابة فقط ولكن الآن تأكدت أنك فعلاً تعاني ..مثلك في ذلك مثل الآلاف من ابناء هذا الوطن الذين يعانون من سوء الأوضاع المادية .
ولا اقول سوى حسبنا الله ونعم الوكيل على من أوصل المواطن السعودي إلى هذا الحال المزري
وجعل الاجانب والوافدون من الدول الأخرى يتشمتون فينا
حسبنا الله عليه ونعم الوكيل ولن نسامحه في الدنيا ولا في الآخرة .

تم تعديل العنوان