السلام عليكم أخواني
أنا حاب أأثث بيتي وبالصدفه شفت محلات الشتاء والصيف وزرتهم
بس ما أدري كيف وضعهم بالنسبه للصيانه والاسعار وغيره ...
هل من الاخوان له تجربه معهم ...؟؟اتمنى الافاده
وشكرا

وعليكم السلام
في البداية مافيه محل كله رخيص ومحل غالي هي عبارة عن تخفيض على جهاز ورفع الاخر كتعويض عن المخفض

الشتاء والصيف موزع اجهزة ما يعتبر وكيل ,, لكن من الموزعين الجيدين ,,
نصيحة =اذا تبي تشتري خذ لفه على اغلب المحلات والموزعين مثل اكستر, بست, فهد الحربي , وغيرهم
وارخص شي موزعين شارع الاربعين في النسيم
اما الاسعار عند الوكيل تكون بالعادة اغلى .
اما الصيانة = شريت من الشتاء والصيف غسالة وقال الصيانة يا تتصلون علينا وحنا نتصل على الوكيل والأفضل انكم انتم تتصلون دايركت على الوكيل ,, واغلب الموزعين نفس الطريقة ,, وممكن انك تشرط على المحل انهم مسؤولين عن الصيانة (يعني ملزومين بالاتصال على الوكيل)هذي جربتها مع بست بغسالة المواعين ,, لكن ممكن يخلون بهالشرط
عند الشراء= انتبه للسعر ومن الوكيل وما خدماتهم بعد الشراء وكيف صيانتهم ,,,من تجربتي افضل وكيل هو شاكر مواعيد الصيانة مضبوطة والمهندسين فاهمين
علي قدرت اخدمك
ومنزل مبارك

عالبركة ان شاء الله وحياك الله معانا

وان شاء الله الاخوان والاخوات اللي عندهم فكرة يفيدونك

والبداية كانت من عند العميدة

يبي لك ورقة وقلم ومر على المحلات وسجل الاسعار وقارن , كل محل له سعر مميز على جهاز
وعليك بسؤالهم عن خدمتهم بعد البيع

لا ازيد على الاخوة
تسعير الاجهزة ثم المقارنة هذه افضل طريقة
لا تغتر كثيراً باعلاناتهم وعروضهم تراها نصب تجاري محترف

الشتاء والصيف من افضل الموزعين الموجودين بالسوق الان من حيث المصداقية وخدمة العميل وجودة المنتج . اما لموضوع الصيانة فهم يقومون بالاتصال بالوكيل لتحديد موعد الصيانة وابلاغة للعميل مثلما حدث معى

عندي العجوز في البيت ما تعرف غير الشتاء والصيف والحين اقترب بطريق الملك عبدالله وانبسطت العجيز، وميزته في الأجهزة المنزلية لأنه قديم وبصراحه هو مبدع من ناحية بائعين خبره وقسم خدمات عملاء بروفيشينال مهاري في التعامل منتقى بعنايه وثابت ويكفي انه طاقم سعودي . ندق عليهم ويرسلون لنا الصيانه للبيت وانا من سكان حي المحمدية وباركولي عرسي الخميس الجاي وعقبالكم. والزعيم زعيم بس بعد الاتحاد جرحه أليم...