الموضوع : ترمس الشاي

إخواني الأعزاء أمس رحت لأحد المحلات في سوق طيبه اللي تبيع الأواني المنزلية وخذت لي ترمس شاي أبيه لحفظ الماء الحار اللي يضاف إلي مشروبات الأطفال مثل الحليب وغيره خاصة في ذا الجو البارد ودورت على أفضل نوع صناعة ألمانية لضمان ألجوده المهم يوم جبته للبيت من لطف الله قرأت ورقة المعلومات اللي توضع بداخله تدرون وش لقيت فيها لقيت فيها تحذير نصه التالي ( لا تصلح لحفظ غذاء الأطفال بل لا تجعل للأطفال أي علاقة بالترمس ) ، كما أن هناك طبقه من الفضة تغطي الجدران الزجاجية ، ألمهم أنا من قبل كنت استعمله لماء الأطفال وللشاي والقهوة ولا أدري أنه ضار، وأنا متأكد أن أغلبكم يستخدمونه وأن 99% من الناس يستخدمونه مثلي أنا أول ولا يدرون عن ها لورقه ولا يقرونها أو أن ها المعلومة ما كانت تسجل في ها لورقه من قبل ، طيب الماركات الأخرى مثل الصناعات ألصينيه وغيرها أنا متأكد إن مافيها تعليمات ولا غيره وأن صناعتها أسوء صناعه بعد ويدخل فيها مواد أكثر ضرر من الفضة الموجودة في الصناعة الألمانية ، المهم يا الربع أنا عقدت العزم أني ما استخدمها لأي شيء له علاقة بغذاء الأطفال ولا حتى للشاي والقهوة وأبي ارجع للبريق والدلة تراها أفضل وأحسن وأسلم ،
ما أبي أطول عليكم دفعني للكتابة لكم الحرص عليكم وعلى أبنائنا وحبيت تشاركوني في الأطلاع على هذه المعلومات أرجو لي ولكم ولأبنائنا وجميع المسلمين السلامة من كل مكروه ، آمل الإطلاع على المرفقات وقراءة ورقة التعليمات بعناية .

دمتم بخير وتقبلوا تحياتي .

صورة التحذير المرفق

معقول ترامس أم نقطة حمرا الالمانية خطيرة !!!!
أذا المشكلة من الزجاج فاتوقع أن ترامس الاستيل ومن جوا استيل تكون بديل جيد
شكرا معلومه جيدة

انا اشوف انه يكتفي باستخدامها للقهوه والشاي فقط اما الاطفال لالالا

طبعا الدله والابريق افضل بكثير لانها من داخل سنستيل


اصلا حتى قريت تحذيري يمكن نزل هنا بالمقاطعه عن ادوات الميلامين مثل صحون الرززز

فالافضل الستيل او الغضار ( حديد مطلي )

جزااااك الله خير على المعلومة.

المشكله بالطبقه التي تغطي الزجاج لأنها تترسب منها رواسب في الشاي نتيجه التأكسد مع الأكسجين الموجود في الماء وتسبب أمراض على ما أعتقد

الله يعطيك العافية على التنبيه

انا ولله الحمد قليل إستخدامي لها للشاي والقهوة وأحرص على إستخدام الإبريق والدلة

ولكن معلومة مفيدة وتنبيه جيد

الله يجزاك خير والله مصيبة كل يوم تطلع لنا مشاكل جديدة ....... لاحول ولاقوة الا بالله

ما أعرفه أن طبقة الفضة تكون في الطبقة الخارجية للأنبوب الزجاجي (مثل فكرة المرآة) لا من داخل الترمس مكان حفظ الماء أو الشاي أو القهوة.

قد يكون التحذير بالنسبة للأطفال بسبب إحتمال سقوط الترمس و إنكسار الزجاج مما قد يشكل خطورة الطفل إن كان يحمله.

ابو هشام
المانيا ابخصص



يعني بصراحه شي طيب او عنده ذمه اللي يسوي سلعته ويقول لاتستخدمها لكذا وكذا

صدقني .. ماني حالف ... صدقني
لو ان المنتج عربي او دولة مسترزقه .. ماراح يكتب على منتجه لاتستخدمه للاطفال

يقول على هواك

لاحول ولاقوة الابالله وش بقى بعد