وهذه هي الردود على الموضوع بين صاحب الإعلان وطالبي الوظيفة ومنتقدي الأسلوب الذي عرضت فيه الوظيفة ..
___
السلام عليكم
كل عام وانتم بخير
عندي بعض الاستفسارات وسأقوم بالاتصال عليك.
شكرآ
2. بقلم:
أبوراكان1990 
06:10:06 2010.09.12
الله يجزك خير
3. بقلم:
alidevil3 06:29:30 2010.09.12
عليكم السلام ورحمة الله وبركاته
اخي الكريم نوماس وانت بالف خير وصحة وسلامة ’’ بانتظارك ..
اخي ابو راكان .. كل عام وانت بخير والله يوفقك ..
4. بقلم:
نوماس3 06:56:25 2010.09.12
السلام عليكم
اذا امكن ومن غير ازعاج عليك في امكانية اتصل ؟
شكرا
5. بقلم:
ابوخويلد 02:00:24 2010.09.13
السلام عليكم ورحمه الله وبركاته الساكت عن الحق شيطان اخرس وفي الحقيقه ان الامر الذي تقوم فيه هو رشوه وحكم الرشوه في الاسلام حرام يعني الحرام يشملك ويشمل الي متوظف طول حياته فنصيحه مسلم لمسلم اترك هذا الامر والرزق المتكفل به الله وهو خير الرازقين انا لي عشر سنوات ابحث عن وظيفه ولم احصل الا حارس امن في شركه وراضي بنصيبي ولا التفت للحرام والا بامكاني بحكوميه في مكتب ولكن كل شي ولا الحرام وشكرا
6. بقلم:
aljessme 02:09:30 2010.09.13
ياسلام عليك الانضمام كان بعد جهد جهيد حتى نال حق ضمان الانضمام قبل بدء التسجيل\\
جهد جهيد اجل
لاحول ولاقوة الا بالله
7. بقلم:
ابوريناس2010 02:16:03 2010.09.13
رشوه
لعن الله الراشي والمرتشي
ومن ترك شي لوجه الله عوضه الله خيرا له
8. بقلم:
طيرالسعد 07:30:05 2010.09.13
ليه ماتدور شخص ماله حيله ومحتاج هالوظيفه له ولاهله وتكون بذلك فعلت مافيه خير لنفسك ولمجتمعك واجرك عند الله خير من وسخ هالدنيا
اقرا كلامي زين ترا ماحد خالد بالهدنيا
9. بقلم:
alidevil3 08:23:53 2010.09.13
اخوي نوماس .. اتشرف باتصالك
ولو مارديت عليك ربما اكون نايم او الجوال مو حولي لذلك ارسل رساله ذكرني
وانا اقوم بالاتصال عليك .. الله يوفقك .. ’’
//
اخوي " ابو خويلد .. وش نوع المساعدة اللي محتاجها باعلانك رقم 962613 .,’!!
ممكن تكتب لي الاجابة هنا أمام الجميع .,’؟!! ربما استطيع مساعدتك
بشرط ان تكتب نوع المساعدة هنا على العلن ’’
ولا أود تحليل ردود ومواضيع واعلانات البقية أعلاه ,, الجميع حسبهم الله وهو نعم الوكيل ..
انا بس بقول شي .. لأصحاب الردود الأربعة اخواني المحترمين اللي فوقي ’’
ان كل شخص اتهمني بالمرتشي بدون علمه بتفاصيل الموضوع !
لا احلله ولا ابيحه ولا اسامحه ليوم الدين ..
ان كل شخص اتهمني بالمرتشي بدون علمه بتفاصيل الموضوع !
لا احلله ولا ابيحه ولا اسامحه ليوم الدين ..
كل شخص كتب رد فقط للاساءة لي او للموضوع بدون علمه بالتفاصيل
لا اسامحه أمام الله ..
ولا اسامحه ولا احلله حتى يعتذر امام الجميع ’’
واعتقد لم اطلب منكم الكثير والمكلف في ذلك يا " عباد الله " يا أمة محمد ..
وكفى ..
تحياتي ..
10. بقلم:
سعود4 12:16:20 2010.09.13
سلام عليكم أخ alidevil3
صراحه واضح اعلانك يعني لا تلوم أي أحد يفهم غلط ما فيها لا يمين ولا يسار
أٌقتبااس من اعلانك :
المراسلة على الخاص مع ذكر كافه التفاصيل وقيمة الاستعداد المادي .. << !!!
( الاستفسار من حق الجميع ) << ما عليك أمر اذا ممكن تووضح الي ما فهمناااه علشان محد يظلمك
وبعدين تطاولك على الأخ ابوخويلد ماله سنع الرجال واضح اعلانه مساعده لوجه الله
مووب مردود مادي
الله يهديك بس تبي تقلبها على الجميييع
نصييييحه لووجه الله اذا تبي تووفيق من الله قدم مساعدتك بدون مردود مادي ول بسيط على قولتك حتى لو كنت محتاج
يكفي دعوات الي محتاجين الوظيفه لك
11. بقلم:
saadali 15:43:53 2010.09.13
ماشاء الله تبارك الله ,, بصراحه يأاخوان شى طيب إنا نجدد الوظائف الحكوميه عليها مساومات ودفع رشاوي وهي من حق المواطن له ومن حق الدوله عليه وياسلام يأسلام على المستوى الي وصل له الشعب السعودي تصدقون لما اشوف اعلانات بدفع مبالغ للتوظيف افكر الشعب السعودي مثل الصين عدد سكانها مليار ونص لا واقتصادها مثل الدول الفقيره ,, واصلي يأبلادي واصلي ..
12. بقلم:
alidevil3 17:40:35 2010.09.13
الأخ الكريم " سعود .. مع احترامي لك ..
احنا مادمر بلادنا سوى الواسطة بإسم " لوجه الله " اللي تتكلم عنها ..
يعني اجي ابي خدمه في الجهة الفلانية تخدمني فيها لوجه الله .,’!!!!!
حتى لو كانت تجاوز على النظام وتقديم موعد بعيد على حساب الغير لوجه الله ’’!!
ولايهمك .. افهمك الموضوع لو تحب بس لاتتهمني بالتطاول وقليل السنع يالغالي ..
كن بالقرب ..
//
الاخ الكريم " سعد علي ..
وين الوظايف الحكومية اللي عليها مساومات ورشاوي هنا .,’؟
يا اخ العرب ..
الرجال عنده خطاب رسمي من احد الامراء الله يطول عمره مكافأه على شيء سواه
وهالشي ماجا بالساهل والرجال تعب فيه وكان لوجه الله .. والله ارزقه نتيجه جهده
طلع له شخص من الناس الطيبه ووصل اللي سواه لاحد الامراء ذوي القلوب الطيبه
واعطاه توجيه لدخوله الدورة .. وقاله الأمير بصريح اللسان جيب معاك شخص يعز عليك ..
كلم كذا شخص مايبون العسكرية .. وانا سويت هالاعلان اخدم فيه احد محتاج الوظيفة
ماني جاي اجمع رشاوي لا منك ولا من غيرك ..
موضوع المبلغ هو مابيحطها بجيبه الله يغنيه ويغنيكم عن الحرام
لحد يتكلم عن رشوة بشكل عشوائي واستعراضي بهالطريقة ! وهو مايفهم وش السالفة
وكل شخص يتكلم بهالطريقة انا اشملة بالمقصودين بردي رقم 9
تحياتي ..
13. بقلم:
ابوخويلد 02:09:59 2010.09.14
السلام عليكم ورحمه الله وبركاته اولا يااخي العزيز انا طلبت مساعده في اجتياز مقابله شخصيه في ديوان المظالم لوجه الله لاني لي عشر سنوات اقدم ولم اوفق في اي شي وليس بعيب وانا ماني متستر على شي حتى تقول شنو اعلانك اعلاني كل الي في الموقع يشاهدوه والفرق بيننا انك مرتشي وبطنك مليان حرام ولا وش معنى ومقتدر ماديا انا لم اقل في اعلاني وله فلوس اوراتب سنه او يبشر بالخير على كلام ربعنا لتزيين الرشوه انا قلت مساعده من مسلم لمسلم وقال تعالى وتعاونوا على البر والتقوى والمفروض اصلا اني موظف من عشر سنوات بدون مساعده احد لان الوظيفه ابسط حقوق الوطن على المواطن ولكن مااقول الي حسبي الله على من يوظف السعوديين العاطلين وانت احدهم يابو رشوه والسلام ختام وهذا سبب البطاله وشكرا للجميع وعلى فكره مازال اعلاني مووجود الي يقدر لوجه الله رقمي مووجود وانا طالب وظيفه ماني طالب فلوس وشحاذه والا المح مقتدر مادي
14. بقلم:
ابوخويلد 02:14:19 2010.09.14
السلام عليكم ورحمه الله وبركاته اولا يااخي العزيز انا طلبت مساعده في اجتياز مقابله شخصيه في ديوان المظالم لوجه الله لاني لي عشر سنوات اقدم ولم اوفق في اي شي وليس بعيب وانا ماني متستر على شي حتى تقول شنو اعلانك اعلاني كل الي في الموقع يشاهدوه والفرق بيننا انك مرتشي وبطنك مليان حرام ولا وش معنى ومقتدر ماديا انا لم اقل في اعلاني وله فلوس اوراتب سنه او يبشر بالخير على كلام ربعنا لتزيين الرشوه انا قلت مساعده من مسلم لمسلم وقال تعالى وتعاونوا على البر والتقوى والمفروض اصلا اني موظف من عشر سنوات بدون مساعده احد لان الوظيفه ابسط حقوق المواطن ولكن مااقول الي حسبي الله على من لايوظف السعوديين العاطلين وانت احدهم يابو رشوه والسلام ختام وهذا سبب البطاله وشكرا للجميع وعلى فكره مازال اعلاني مووجود الي يقدر لوجه الله رقمي مووجود وانا طالب وظيفه ماني طالب فلوس وشحاذه والا المح مقتدر مادي
15. بقلم:
alidevil3 03:47:48 2010.09.14
اخوي ابو خويلد .. تحية طيبة ..
اللي فهمته من ردك هي النقاط التالية ،،
- عندك الحكم على الناس بأن بطونهم مليانة حرام وانهم اصحاب رشوة // " حلال "
- بالمقابل كذلك عندك احد يخليك تتجاوز النظام ومقابلة شخصية رسمية ( حلال )
- بالنسبة لك اتهام الآخرين وقذفهم بشكل علني واستعراضي " ممتع وحلآل " .,’!
- عدم حصولك على الوظيفة الفلآنية يجعلك تتهم فلان وفلان بالمرتشي والمتسبب بالبطالة !
عمي .. باستطاعته خدمتك في موضوعك بمكالمة جوال لو اطلب منه ’’
ومع بداية الدوام بعد العيد تداوم بمنطقتك ’’
لكن طالما هذا اسلوب تفكيرك .. واتهام الناس وقذفهم بهذا الشكل الاستعراضي
فـ انا ابدا لا انصح احد بخدمتك .. لاننا لانريد موظفين بهذه الايدلوجيه في جهاتنا الحكومية ’’
وكذلك انا حصلت على رقم الآيبي لعضويتك ..
وراح اتحرى عن رقمك الجوال .. وان اطلت في اتهامي بشكل علني
سأقوم بالتصرف معك بشكل رسمي بالاستفاده من قانون الجرائم الاليكترونية ’’
واذا كنت ترفض فهم الموضوع وماهية الاعلان وتتهمني بالرشوة بشكل استعراضي
وادعاء للمثالية وعدم اعترافك باخطائك .,’’ قم بالاتصال بالجهات الأمنية والابلاغ عني
وانا أعدك أمام الله وأمام الجميع انني استجيب لبلاغك واذهب معك للمقاضاه ’’
ولكن بدون ان تنسحب عند الوصول لمستوى معين .. ونتابع للنهاية باصرار مني
مازلت اخوي ابو خويلد .. اقولك
انا لا احللك ولا اسامحك ولا ابيحك على كلامك هذا الى يوم الدين ’’
حتى تعتذر أمام الجميع ..