منتدى مقاطعة - عرض مشاركة واحدة

**صرخة مواطن** · 13-04-2008, 10:50 AM

انا من الناس الي جربوا الطريقة هذي وبالفعل كانت جداً ناحجة جداً جداً بس فيها عيب واحد بس هو اني خسرت 13 كيلو خلال شهرين

كل ما اقول لها انا وانا جاي من العمل مريت السوبرماركت او المطعم وجبت الاغراض هذي يالله اعطيني الحساب الي دفعته من جيبي تقول الله يعطيك العافية بس ما احد طلب منك شي انا المسؤله عن المطبخ وطلباته وانت مالك شغل تروح تجيب من دون ما اطلبك ادفع من جيبك

عموماً انا كنت اعطيها 4500 ريال مصاريف مطبخ فقط (بطن فقط)

يعني مواد تموين وتغذيه فقط بدون اي مصاريف اخرى وكانت توفر شهريا من 500 الى 1000.

من المواقف الطريفة يوم كانت ميزانية (الامدادات والخدمات الوجستية) عندها طلعنا مرة نتمشى ومريت كوفي شوب وطلبنا موكا يوم قال كبير والا وسط قالت صغير وهي الي كانت دائماً تاخذ كبير يوم كانت الميزانية عندي

المهم واحنا راجعين البيت اقول لها هاه وين بتعشينا اليوم يا ام فلان مطعم صيني والا هندي والا ايطالي ؟!!! قالت لا مر خلنا ناخذ مطبق !!!

ونروح البيت نتعشى ما فيني اسهر تعبانة وودي انام

حقيقة ما قدرت على الذل وقررت اعفائها من منصبها وارجاع الميزانية عندي

على الاقل رد الدم في عروقي وردت صحتي انا وبزراني شوي