منتدى مقاطعة - عرض مشاركة واحدة

**لاتدف** · 30-03-2008, 02:53 PM

هلا وغلا اسبرين تصدق اني عجزت امسك له طرف كان هلالي وفجأه صار اتحادي وقت البلوي واتذكر العام كان ملتزق فيهم وهم يستلمون ميدالياتهم ويطامر معهم وهم يحتفلون ثم رجع للهلال وهكذا.. تعليق قد جاني بالايميل عنه:
الحين قاعد يتنطط ورا الكاميرات ورا ياسر وورا كل لاعب يسوي لقااااء..!؟
وقبل كم يوم شفت برنامج على ال بي سي اللي يقدمه الهريفي المهم الفريان اتصل من القاهره وقعد يقول ان النصر بإذن الله راح يسوي ويفعل وبيفوزون بكل البطولات..!

بس الغريب انه الحين بمباراة الهلال والوحده الاماراتي اشوفه يترزز بالملعب وهو معلق بطاقة يظهر انها بطاقات الاعلاميين أو المرافقين للبعثة اللي يدخلون الملعب..!

اللي أبي أعرفه هل هو اعلامي..!؟ وبأي جريده أو جهة..!؟

والا مرافق للبعثة..!؟ وعلى أي اساس يرافقهم وهو بالقاهره مع البلوي ويتوعد بفوز النصر..!

والا بس مشجع ملقوف يحب الترزز قدام الكاميرات..!؟ ووش الفريق اللي يشجعه..!؟

من جد نفسي أعرف وش قصته..! من سنين وحنا نعرفه بس مانعرف الا اسمه وشكله وجاكيته الرصاصي

ذكرني بالمشجع الايطالي النشبة ابو شامه اللي حتى السي ان ان طلعوه

بالله اللي يعرفه يفيدنا خلونا على الاقل نعرف وش مركز الرجال اللي مافيه أحد يتابع كوره بالسعودية مايعرفه بس متأكد ان أغلبهم مايعرفون وش يشتغل على الأقل..!
وانا اجاوب الاخ مركز الرجال هو: لزقة جونسن وبالعامي بثر

بإختصار هالإنسان ماشاء الله عليه بكل مكان منه تلقى نسخة
حتى مرة دخلت البيت لقيته قدامي جاي يصور معي

اليكم بعض صور البثر ..

سامي الجابر بعد تسجيله هدف على تونس

الفريان مع الاخ غير الشقيق عادل إمام

الفريان عازم روبرتوكارلوس على عصير واستغلها بحوار اعلامي

ابوفريان مع ممثل سوري ... متقاطين على جرايد

الفريان مع صديق الطفولة دييقو ارماندو ماردونا

الفريان في صورة جميله ومعبره مع خويه روماريو

الفريان في لقطة باسمه مع زميله رونالدو

وايضاً الفريان مع صديقه الاخر سامي الجابر

ومن زود انه مب مصدق .. ماد لسامي مسجل يقول طلبتك صكني فيه عشان اصدق

لقطه للفريان مع ابن سعد (الله يرحمه ) على الطياره

صوره للفريان مع صديق مرحلة الثانويه طلال مداح في لقطة معبره ايضا

وايضاً في لقطة تذكارية جميله مع الوليد بن طلال