المشاركة الأصلية كتبت بواسطة مقاطع يعني مقاطع

اخوي الشهري الله يعين كلن يشكي الحال والى الله المشتكى فلا معين غيره


بس حبيت اعرف كم المفروض يربح المشروع في السنه من راس المال يعني على كلامك من 12000 الى 17000

المفروض ان الارباح السنويه تكون بحدود 30 %الى 50 % من راس المال زياده عن ذالك يكون فيه طمع وشجع على حساب المواطن

يعني تخيل اللي مسوي مشروع راس ماله 200الف ويدخل شهريا ربح صافي 15000 يعني بالسنه 15000*12 =180000 يعني تقريبا 90% من راس المال اليس في ذالك اجحاف و شجع من التاجر وهذا اللي منتشر عندنا

اعطيك مثال بوفيه راس مالها 30 الف وتدخل شهريا ربح صافي 5000 يعني بالسنه 60الف اليس هذه الارباح المبالغ فيها هي ناتج الاسعار المبالغ فيها وكل ذلك يدفع ثمنه المواطن

انا كان لدي مغسلة ملابس وراس مالها 100 الف تقريبا مع الديكورات والاجهزه كلها امريكيه ممتازه المهم من اول مافتحتها وانا حاط في بالي اذا دخلت 30% من راس المال في السنه خير وبركه وخليت غسيل الثوب بريالين رغم ان اسعار المغاسل الثانيه 3 ريال وثوب الصوف ب3 والمغاسل الاخرى بعضها ب4 وب5 وخليت سعر السجاد والموكيت المتر ب3 ريال المهم مع هذي الاسعار من اول شهر كسبنا زباين كثير ولله الحمد وكان دخلها الشهري 3الاف وفي الاعياد 5الى 6 الاف يعني في السنه تقريبا 40 الف

بس للاسف ماقدرت استمر فيها لعدة اسباب العماله انواع السرقات وثانيا صاحب المحل شجع زاد علي الاجار 50% اضطريت بعدها ابيعها

على العموم اتمنى التوفيق للجميع