انتوا عاقلين وصاحين ؟؟؟؟؟؟؟؟؟؟ انتوا بشر بالله انتوا مسلمين ؟؟؟؟؟؟؟؟ اسألكم بالله تعرفوا تعاليم دينكم كلها وكتبتوا هالكلام؟؟؟؟؟؟؟؟؟؟؟؟؟ مين انتوا حتى تمنعوا المسلمين من زيارة بيت الله الحرام ؟؟؟؟؟؟؟؟ تعرفوا ان الدوله تعتبر خدمة الحرمين شرف لها ؟؟؟ تبوا تمنعوا الناس من العمره الى بيت الله الحرام ؟؟؟؟ وش رايكم طيب يصير دخول مكه بتاشيرة خروج وعوده للمقيمين والاجانب والا وش رايكم ياطويلين العمر نمسك الاجانب مايدخلوا مكه الا يحطوا مليون ريال رهن عند نقاط التفتيش يروح بسرعه يسوي العمره ويرجع يستلم مستحقاته ويسافر في اقل من يوم والا وش رايكم نجبر كل واحد يجي يدفع مبلغ 10 الاف ريال راتب ( حارس شخصي سعودي ولد حمايل ) ونربطهم بكلبشه يد بيد يروح السعودي يطوف الاجنبي ويرجع يسلمه للجوازات في المطار والله انا بصراحه ما ادري انتوا كيف تتجرأوا وتكتبوا هالكلام وهل انتم فعلا مؤمنين باللي تكتبونه والا مجرد خربشه على الجدران؟؟؟؟ ترى المنتدى ذا يدخله كل شخص يعاني من نار الغلاء في المملكه العربيه السعوديه ويدور على حل للغلاء اطفال ومراهقين وشباب وشابات وشياب جاهلين ومتعلمين اميين ومثقفين. ماتستحوا منهم يوم يشوفوا كلامكم ؟؟؟؟؟؟؟؟؟؟؟؟؟؟؟ ماتعرفوا ان هالمنتدى رسمي وكلامنا نبيه يووصل لاعلى سلطه قضائيه في البلد وش رايكم اذا احد شاف هالكلام وش بيقول عننا ؟؟؟؟؟؟ حفنه من المراهقين ؟؟؟؟؟؟؟؟ اذا في كلام عنصري وخاص بكم ترى المنتديات العنصريه يامكثرها.

رب كلمه قالت لصاحبها دعني اللي يبي يعلق يختار اسلوب في التعليق بلاش هالعنصريه قولوا يرتبوا اوضاع العمره قولوا يحطوا اجراءات احترازيه فعليه ويطبقوها قولوا اي شي الا هالكلام اللي كتبتوه.

اتمنى كل واحد فيكم يدخل ويحذف الكلام اللي كتبه والله عيب.

مقاطعهم < تعرف ان عمره في رمضان تعدل حجه مع رسول الله صلى الله عليه وسلم ؟؟؟؟؟ من انت حتى تحرم اكثر من مليار مسلم من هذا الفضل ؟؟؟؟؟؟؟؟؟؟؟؟

هدهد سليمان < المسلم ياتي من اخر الدنيا حتى يقف بين يدي الله في بيت الله الحرام وفي مسلمين كثير جاهلين ومهم متعلمين وفي الكثير من الاغلاط عندهم ورغم كذا مالك اي حق في الكلام عليهم وان شاء الله لو جيتي مرة ثانيه نطلب من زوار بيت الله يلبسوا الرجال من جوردانو والحريم من جيفنشي وكريستيان ديور ونطقمهم اسود وابيض حتى يناسبوا المنظر ولاتنسي نسويلهم طوابير زي المدارس واللي مايلتزم بالتعليمات نضربه بالفلكه عسى بس يطيب خاطرك عليهم.

مقاطعتهم < لو في قوانين وتنظيم بين مكاتب العمره في المملكه مع المكاتب في الدول الاسلاميه بحيث يرسلونهم على شكل افواج ويتم معاملتهم هنا على شكل افواج سواء في السكن والتنقل ويتم استلامهم من المطار وتسليمهم اليه وتتم معاقبه الشركات المتساهله والمتلاعبه صدقيني بتنحل الكثير من هالامور.

تعرفي ان الكثير من الشركات تستلم المعتمرين وتوصلهم الى الحرم وتتركهم هناك من دون سكن او اي شي مجرد يوصلونه ويتركونه؟؟؟؟؟.

في فئه جايه بقصد الشحاته وفئه جايه قاصده تتخلف في البلد لكن بالنظام بنقدر نوقف كل هالامور بشرط النظام يطبق على الجميع.