قدمت على خدمة الدي سي ال بــ 300 ريال قبل العرض المجاني انو تأسيس dSL ببلاش والمشكله فرق بسيط لو استنيت اسبوعين كان وفرت الـ 300 ريال قلت ماشي المهم طفشت من البطايق كل شهر اخذ وحده قدمت على افاق شامل وصكوني بــرسوم كمان والمشكله كاتبين (الان مجاناً تأسيس افاق شامل ) يعني مدري كيف تفكر الشركه وياليت تقدم خدماتها على قد الفلوس يعني كل واحد يروح يقيس سرعة اتصاله مثلاً انا 256 ك /ب رحت احد المواقع لقياس السرعه وطلع 160 ك/ب بالله ايش رايكم
وين السرعه اللي يتكلموا عليها اقسم بالله العظيم انها شركت نصب اصلاً اسمها شركة الاختلاسات السعوديه او شركة النصب والاحتيال السعوديه اللي مصبرني انو مستني الشركه الجديده الاتصالات المتكامله تضرب السعوديه لانو شفتهم مددوا الخطوط(الكيابل) في الشوارع ما ارتاح الا لما اشوف الاتصالات خسرانه تعلن افلاسها . زي موبايلي ضربت الاتصالات وكمان جايه بقوووه شركة زين (MTC ) يعني أن شاء الله موبايلي وزين يقضون على الاتصالات في مجال الهاتف النقال ومستني شركة الاتصالات المتكامله تقضي على الاتصالات في الثابت يبغالنا نصبر كم سنه علشان رأس مال شركة الاتصالات ينخفض ويدهور الشركه هيا بدأ ت الان الشركه بتخفيض مصاريفها بأقفال مكاتب الاشتركات في اكثر من مدينه بالمملكه وصلني عن طريق الايميل عدد المكاتب كبير والشركة حرصة على انو الخبر ما يؤصل للصحافه غير انو الشركه تستعمل أسلوب التطفيش للمؤظفين من شفتات ونقل من 902 الى 905 او 907 او......الخ << جاني من احد المؤظفين
يعني كل شويا بمكان غير انو الشركه نزلت خدمة خدماتي علشان يقللوا عدد المؤظفين بالشركه لأنها تؤفر مصاريف لتحارب الشركات الداخله في السوق السعودي من موبايلي وزين للنقال والاتصالات المتكامله للأرضي
يعني الفلوس اللي تدفعها = خدمه زفت في النت وسرعه بطيئه
ليش ما ينزلوا شركه خااااصه بالنت فقط عن طريقها كل شيء
ولا تحسب ان الاتصالات هيا اللي تركب الخدمه اDSL في الكبينه الله يخلي شركة مشاعل الخليج DSL كل فتره اشوفهم في كبينة الحي ايش عندكم عميل عنده مشكله بالدس سي ال او تركيب دي سي ال او .............الخ وفنييين الاتصالات بس عميل انقطع التلفون او مشكله بالكبينه .....الخ يعني شركه ارباحها بالملايييين مو راضيه تغير الشبكه الارضيه اللي انعدمت من المياه الجوفيه ومشاكل ثانيه في الشبكه او تسارع في خدمة راح العميل همها كله كيف تؤصل لفلوس المواطن والمقيم فقط وأسف على الاطاله.
