لافض فوك هذا همك انك تبيع بغالي طيب وش استفدنا احنا منك ومن امثالك اصلا التجار المحليين السعوديين هم راس البلى والا وش دخل الطمام المحلي والفواكه المحليه والبطاطا ترفعون سعرها مازاد عليكم شي بالعكس حتى البترول سعره انخفض والديزل صار ببلاش من جد مصخره في كل الدول المنتجات المحليه تلقاها رخيصه قد تختلف في جودتها عن المنتجات المستورده ولكن تظل رخيصه بالسعر الا عندنا الناس ماتصدق تسمع شي ارتفع الا وترفع مع الخيل ياشقرا لاتقولوا الرز ارتفع والقمح واللبن وكل شي بسبب الدوله لأن الحقيقه ان شي بسيط ارتفع زي اللبن مثلا تلقى العالم اللي فوق يرفعون كل شي معاه حتى لو من غير سبب المهم زياده شوفوا الايجارات الناس كانت ساكنه بمبلغ معين فجأة الحين صار كل راعي عماره يتنافس مع اللي جنبه مين سعره اعلى من الثاني المشكله فينا احنا كمواطنين جشعين قبل ماتكون في غيرنا وصعب مهما قلنا ترجع الاسعار مستحيل لان العيب مننا وفينا.