24-08-2007, 06:04 PM
|
#3
|
|
مقاطع جديد
رقـم العضويــة: 1611
تاريخ التسجيل: Aug 2007
المشـــاركـات: 3
|
حسبي الله عليهم وعلى قهوتهم انا شغال في مطار الملك عبدالعزيز الدولي بجده قسم الصيانه ولأنه في عندنا بارنيز بداخل المبنى ماصرت اشتري من بارنيز الموجود بالخارج حيث ان بارنيز اللي عندنا بالمبنى اسعاره مخفضه ريال واحد عن الأسعار الموجوده خارج المبنى ( اتفاقيه بين المؤجر والمستأجر ) المهم لهم ثلاثه ايام مقفلين مايجوووا ( الظاهر والله اعلم يجهزوا للأسعار الجديده حسبي الله ونعم الوكيل فيهم ) خرجت من بيتي وقلت وانا رايح في الطريق خلني اخذ قهوه معايا قبل لا اروح العمل لأنه اللي هناك مقفل وقفت عند بارنيز وقلت للبنقالي هات واحد كابوتشينو سوالي الكابوتشينو واعطيته عشره ريال على بالي بترجعلي اربعه ريال راح معطيني ثلاثه ريال مشيت شويه وبعدين وقفت وانتبهت انها ثلاثه ريال رجعلته ثاني وقلتله ايش هذا ناقص ريال قال ليش قلتله انت معطيني ثلاثه ريال والكابوتشينو بسته يعني باقي اربعه ريال قال لالالالالالالالا بابا هزا سعر جديد خلاص من اتنين اسبوع قلت حسبي الله ونعم الوكيل فيكم لو ادري من اول ماكان اشتريت منكم وكان سويت قهوتي في العمل وببلاش وكان نفسي ارميها في وجهه بس قلت حرام ايش ذنبه هذا عامل الشرهه على الجشع اللي غلا الأسعار
المهم حصلت رقم للإقتراحات والآراء اتصلت عليهم وقلت اكيد ماحد راح يرد لأنه الساعه كانت سته الفجر رد عليا واحد بعد 6 رنات:
الووو
السلام عليكم
وعليكم السلام
هذا رقم بارنيز
ايوه نعم معاك بارنيز كيف اقدر اخدمك
لو سمحت عندي سؤال ممكن
اتفضل
ليش زودتوا الأسعار حقتكم ريال في كل منتج
هذا طال عمرك عشان البن عالميا ارتفعت اسعاره
!!!!!!!!! ايش ماسمعتك مره ثانيه لو سمحت
هذا طال عمرك عشان البن عالميا ارتفعت اسعاره
اها مشاء الله ومن متى البن بترتفع اسعاره طول عمركم وانتوا سعركم واحد
والله هذا الكلام من اسبوعين بس الين تنزل اسعاره يعني بس فتره بسيطه وبعدين بترجع الأسعار القديمه مره ثانيه
هههههههههههههههههها طيب سلملي على البذنجان اذا رجعت الأسعار ثاني زي ماكانت المهم اخوي عندي طلب ممكن توصله للإداره واكون لك شاكر وممنون
اتفضل اخوي ايش طلبك
ابغاك لا شفت صاحب الشركه تقوله حسبي الله ونعم الوكيل فيك والله لا يسامحك
طرااااااااااااااااااااااااااااااااااخ
ولا عاد راح اشتري منهم وحسبي الله ونعم الوكيل فيهم ولو رجعوا اللي عندنا في العمل وبأسعار اغلى برضوا ماراح اشتري منهم لأني ما احب الإستغلال والجشع
|
|
|
|
|
|
|
|