يوم الخميس مريت و لأول مرة على فرع كارفور إللي في السليمانية في جده.

زحمة وقرف و غثا .. ونفس نظام العرض و العروض في هايبربنده.

المهم .. لفت إنتباهي عرض على نوع شكولاته العلبة بـ 16.50 بينما سعرها في المحلات الأخرى أعلى بأكثر من ريال.

لقطت كم حاجة وعلى الكاشير لأفاجأ بسعر الشكولاته بـ 17.50 ... وقفت الكاشير و قلت له ترى عليها عرض .. قام من مكانه وراح معايا للرف إللي عليه العرض و صار يقلب يمين شمال يمكن أكون غلطان و يقفلها في وجهي ماقدر لأن العرض كان واضح .. شال ورقة من إللي مكتوب عليها العرض و رجعنا لمحطته و نادى على أحد المشرفين و وراه المشكلة ويروح النفرين للرف مرة ثانية للتأكد من العرض (مهم مصدقين إن فيه واحد مسوي لهم قلق على ريال) ورجع بعدها المشرف و عدل السعر في الكاشير و السيستم وأخذت أغراضي ومشيت.

وماخفي كان أعظم.