عرض مشاركة واحدة
قديم 24-08-2007, 12:49 AM   #1
سعود المتعب
ملك العروض المميزة
 
الصورة الرمزية سعود المتعب
 
رقـم العضويــة: 450
تاريخ التسجيل: Aug 2007
المشـــاركـات: 1,612

Smile ________________ اللي نبيه اليوم تخفيـض الاسعـار






الراس صاير فيـه ورشـة حـداده

قام يتحلل فيـه مسمـار ..مسمـار

قلت الركـاده ميـر ويـن الركـاده

كنّي مع الحجاج في رمـي الاجمـار

من عقـب ماجانـا قـرار الزيـاده

من مجلس اهل الجود وافين الاشبار

كـلٍ مـن الفرحـة بيقـدح زنـاده

جبنا القروض نضارب السوق وانهار

وجينا نبي بـس الرجـا والهـواده

والله وكيلك شبّت اسعارنا .. نـاااار

والراتـب الماخـوذ جتـه القـراده

ماينزل الا..صافقه مثـل الاعصـار

فاتـورة الهاتـف وعاجـل سـداده

والقرض والكهرب وتسديد الايجـار

والتاجـر المليـان جـاب الوسـاده

يبـي يوصّـل راس مالـه لمليـار << ماهو انـا ..

والا المواطن صار..سهل اصطيـاده

جته الهوامير بوسَط غـب الابحـار

واصبح نهار وليـل وسـط العيـاده

مابين طب الراس والقلـب وشهـار

يامـن يوصّـل كلمتـي للقـيـاده

للحاكـم المحبـوب والوالـد البـار

ماعاد نبغـى فـي الرواتـب زيـاده

اللي نبيه اليوم تخفيـض الاسعـار



الشاعر منصور عمر الحبيل

___________________________


التعديل الأخير تم بواسطة سعود المتعب ; 24-08-2007 الساعة 12:58 AM
سعود المتعب غير متواجد حالياً