لم يولد ساهر الا من رحم المرور الضعيف والهزيل ولو ان المرور قوي ومسؤول وصارم لكفانا الله جشع صالح كامل وغيره من عبدة المال
ضعف المرور هو سبب الفوضى العارمه في شوراعنا
البارح كنت قريب من مخرج 11 بدائري الرياض الشرقي وقبل المخرج بعشرة امتار وكنت ماسك المسار الايسر الا تجي سيارة من نصف الطريق الا ويبي يلحق على المخرج المهم حدني وبنت جت في حجري عصبت وكبست عليه العالي ولحقته وكلي غيظ على تصرفه الا هو عامل وكتصرف عفوي مني قبل الاشارة لحمته بالسيارة اللي جنبه وهذاك عصب عليه المهم قبل مايلف يمين الا فيه نجدة مرور واقفه عند الاشارة وقفته عنده الاهو مشغول بالجوال ولايدري عن هوا داره دقيت له بوري فتح القزاز سلمت وقلت له شف السيارة قدامك البيضاء اللي لفت بغى يعدمنا انا وسيارة ثانيه قالي اخذت اللوحه قلت له وشوله اخذ اللوحة وهو قدامك الحين الحقه وانا وراكم قال لا معليش ماخذت اللوحه ما اقدر المهم تذكرت الهيبه اللي لها كم سنه غايبه وبسرعة البرق لحقته قلت خلني آخذ حقي بيدي عشان يتربى ابن هالحمار ويسوي يوتيرن وانا وراه واجهز قارورة ببسي فاضيه ابرميها عليه واللي تصيب تصيب وهي طبعا لزوم الروعه لا اكثر ولا اقل الصراحة لمن جيت جنبه الا معاه اطفاله راكبين ورا ..تعوذت من الشيطان والله العظيم وقلت ياولد وش ذنبهم ومشيت مع حده خفيفه على الرصيف الوسطي وفرامل منه علشان مايصدمني
المهم غياب ردة الفعل من رجل الدوله وهو من يمثل النظام في الشارع جعلت مدينتنا مدينة صح النوم