حتى البزارين مسوين صفحة بالفيس بوك



وتاكلني من هالمطبات مثل المحروسة اللي بالفيديو
طيب لو حطيتها سواقة ..
ورحت معزومه وين اجلسها الى ما تخلص العزيمة ؟
اجلسها معي بالعزيمة ؟!
او اركها بالسيارة ؟
او اقولها روحي وهمن عوّدي ! سنة الا السيارة مندمره
اذا زهمت عليها ابيها توصلن لمحل ؟ وقالت اصبري الكشنه على النار !
او اليوم الضحى مانبي فاضية !مركبة على غدانا اطبخ جريش
ون حملت هذي بحاله مصيبة
اول الحمل تتوحم ! وان صار التوحم فيني وكرهتني تدخلني تحت تريلا !
او لاعة كبدها وهي بالسيارة

وتالي حملها صارت ثقيلة والدريكسون يخبط بكرشها وش السواة ؟
واذا ولدت ؟ انفسها بنفاسها ؟
وضناه وين تحطوه ؟ توظفن بيبي ستر له ؟
والاهم التشجيع على الرضاعة واتخيل على الدايري يركنن السيارة على جنب (ساعه رضاعة )!!
____ ____ _____ _____

يا اخي كم اعطيها راتب 1200 ! او 1500 ؟؟
هل هالراتب هذا يكفل لها الحياة الكريمية ؟
1500 مايكفيها حتى اجار الشقة ؟
مانبي حلول بطالة تقل من قيمة المرأة السعودية .. الاجنبية في بلدي تتوظف باعلى الوظائف وتاخذ مميزات والبنت السعودية نضع لها حلول اما خادمة او سواقة ؟
نبي وظائفنا تسترد لنا .. نبي مشاريع صغيره تدعم من قبل الدولة من ان تكون فكرة الى التسويق والمتابعة .. نبي ننهض بالبنت السعودية مش نعيشها بين فقر وذل ونقول هذي الحلول ..


وافقت ما وفقت وش خصنا بك ؟
البلد يغوص بمشاكل البطالة والعنوسة ومشاكل المعنفات والمطلقات والمعلقات ..
متى تحل هالمشاكل يا مجلس الشورى ؟

او نلهي نفسنا بسواقة مرة العضو ورضاه بسواقتها ؟؟

بمحيطي موظفات قطاع حكومي وقطاع خاص ويرفضن السواقة رفضا تاما

عيوشتي انا صحيح ما اشتغل تحت سلطة أي قطاع (لا خاص ولا حكومي) لكن هذا لا يعني ان لا اشغال لي اوعمل