منتدى مقاطعة - عرض مشاركة واحدة

**المستقبل** · 01-09-2007, 10:26 PM

بسم الله الرحمن الرحيم

السلام عليكم ورحمة الله وبركاته,,,

كيف حالكم إخواني عساكم بخير ؟؟

طبعاً أول شي حبيت أحييكم على منتداكم و طبعاً خطوة كبيرة للأمام في محاربة الغلاء غير المبرر في السلع ,,,

طبعاً يا إخواني الأسعار مو بس مرتفعه عندكم ... إلا عندنا و زياده عنكم,, جشع بعض التجار في السعودية و رفعهم للأسعار فالنفرض على السلعه 15% ,, السلعه نفسها ترتفع 30% عندنا, و التبرير أنه الأسعار في السعودية مرتفعه !!! و التجار عندنا يستغلون الوضع مثل ما التجار عندكم يستغلون الوضع ,,,

كل شي أرتفع عندنا, من الخبز و الألبان و السكر و الرز و المواد الغذائية و الفواكه و حتى الأسمنت و الرمل و السيارات !!! تخيلوا ياجماعة كيس اسمنت قرب من ال 30 ريال !! ,,,

المشكله أن البحريني البسيط زيادة على الرواتب المتدنيه ترتفع عليها الأسعار بشكل رهيب,, كيف يعيش؟!!,, و إحنا سوقنا صغير و أي مؤثر خارجي يؤثر بشكل مباشر علينا و زياده و البدائل غير متوفره!!

التجار يقولون أنه إذا الأسعار أنخفضت في الخليج أوتوماتيك بتنخفض عندنا لأنه المشكله مو منا منهم !!!

المضحك المبكي في السالفة,, أنه بعض البحرينيين يروحون السعودية و يشترون أغراض من الأسواق لأنه بعض السلع أرخص "هذي شي من زمان حاصل", لكن ألحين صار السعوديين يجون البحرين و يشترون بعض السلع لأنه في البحرين أرخص خصوصاً بعد غلاء الأسعار في السعودية!! ..

الله يعينا معاكم يا إخواني و إن شاء الله معاكم في المقاطعة ,,, و المشكله مش مشكلتكم بس إلا أحنا معاكم ,,, و أحييكم على منتداكم و إلى الأمام دوماً ....

ومعكم دوماً أشقاءنا في المملكة ,,,

محب لكم الخير ,,,