أشكرك اخوي، تصدق ما فهمتها غير الحين الا هي تجلي ولا تجني؟
بالنسبة للموضوع، المستهلك يقدر الى حد ما يسيطر على نفقاته حتى ما يضطر للدين، ومثل ما قال المثل (على قد لحافك مد رجليك)، أما المصاريف الطارئة اللي يتعرض لها الانسان فحينها يتحول من مستهلك الا مواطن غلبان، ما عنده لحاف اصلا
والديون ترا لها اشكال مختلفة، وأحيانا تلاقي من يصير فعلا اسيرها دون شعور، خذ مثلا فواتير الكهرب، يعني اذا كنت من ذوي الدخل المحدود واتناسيت اكمن فاتورة تلاقي المبلغ يتراكم الين ما يصير عبء ثقيل
بلاش، خذ (ساهر) ونظام الظلم اللي ما اله غير تحويل الناس الى مديونين في ظرف شهر، مرورا باسعار الخضار الماعليها سيطرة، اللحوم وش اقول بعد غير (الله يعين بني ادم على هالكم سنة اللي يقضيها في الحياة)