جميع كاشيرات المستوصفات الخاصة والعامة نساء
جميع كاشيرات المستشفيات الخاصة والعامة نساء
ومنذ زمن . وش فرقت.
انتبهوا من كاشيرات مستشفى دلة السعوديات، رحت في زيارة ثانية لطبيب وطلبت مني موظفة الاستقبال مئة ريال وعطيتها وحطتها في مخباتها زي شغلهم كلهم في دلة ، وبعد ما قابلت الطبيب رحت آخذ موعد وأوقفتني الممرضة الفلبينية وقالت لي المفروض ما دفعت لها مئة ريال يوم طلبت منك لأنك مجاني لأن مراجعتك في اليوم الخامس ، قلت ايه صح! رحت لموظفة الاستقبال السعودية آخذ منها موعد وسألتها عن الرسوم اللي دفعت ، قالت لي: ايه الظاهر ما المفروض تدفع ، ورجعت لي المئة ، وأنا ماشي التفت عليهم يوم سمعت صجة ولقيت موظفتين سعوديات ماسكين في الفلبينية وهات يا تهزيئ ، لأنهم الظاهر لاحظوها وهي تنبهني ، ما أدري وش اللي صار ، لأنها صارت آخر زيارة لي لهذا المستشفى المعفن من كثر ما شفت فيه .

جبت هالسالفة علشان أقول ان المهم ما هو عمل السعوديات في وظائف استقبال وكاشير ، لأنهم أصلاً يشتغلون في هذي الشغلات في كل مكان ومن زمان، لكن الأهم الأمانة والاحترافية واحترام الناس في العمل ، وأكيد احترامها لنفسها أول شئ، والبنت المحترمة تجبر الآخرين ،مهما كانت أخلاقياتهم، على احترامها في أي عمل كانت .