حياك الله اختي جمرة غضا
صدقتي الرقابة معدومة ..
وبالنسبة للمخالفة بين الرف والفاتورة هذي عندي لك فيها قصة
مرة في بندة مريت على طحين الكويت لقيت عليه عرض الدستة ( 10 حبات ) سعرها 34 ريال ..
المهم المدام راجتني على هالطحين كل شوي تطلبه .. قلت ليش ما آخذ ما دام فيه عرض تحسبا للمستقبل ..

اخذت دسته قام الكاشير طلع وحده وطلع سعرها بالتفريق وضربها في 10 طلع المجموع فوق 40 ريال سكت حتى اشوف الفاتورة لأن بعض المحلات يأجل الخصم بعد المجموع ..

المهم شفت الفاتورة والآ السعر نفسه بدون خصم !!

قلت معصي هذا سعره 34 ريال حسب الرف ..
قال ما يصير قلت يصير وانت رجال طيب ..

قال رح تأكد قلت انت رح تأكد مهب أنا .. المهم نادى مديره قال ما عندي خبر راحوا للرف لقوا السعر 34 ريال زي كلامي !!
اعتذروا وقالوا هذا عرض جديد وماعندنا خبر وحقك علينا ومن هالرخيص ..
المهم قمت ارفع صوتي ( يعني ابغى الزباين تنتبه ) سأراجع كل الفاتورة يمكن ما عندكم خبر عن اشياء ثانيه .. قالوا يا ابن الحلال خذ اغراضك وتوكل ترى كل ابن آدم خطاء قلت ماشي بس لا تعودونها .. والله واخذ اغراضي وامشي خاصة وان مديرهم شكله رياضي حبتين !