السلام عليكم ورحمة الله وبركاته
الاخوة الاعزاء .. احييكم وادعو الله لي ولكم بالتوفيق والسداد
اليوم اول مرة اشوف الموقع وحقيقة ما اقدر اخفي سعادتي
استأت جدا لما المشروبات الغازية رفعو سعرهم وقلت بس لو كان عندنا إرادة شعبية ، كان يفكروا الف مرة قبل ما يسوو حركة زي هادي لكن مع الاسف ، ف ان شاء الله يكون منتداكم بداية لتشكيل ارادة شعبية يكون لها تأثير حقيقي في الاسواق التجارية


ما أحب اتكلم في اللي ما افهم فيه ، لكن طالما الكلام عالصيدلة ف اسمعو مني
أولا ، لازم تفرقوا بين الادوية والمنتجات الاستهلاكية اللي تباع في الصيدليات من كريمات وشامبوهات والخ ، ردي يتعلق بالادوية
الادوية يتم تسعيرها من قبل وزارة الصحة اعتمادا على سعر الدوا الاصلي فبلد الممصدر ، ولو كان الدوا مصنع محليا ف لهم طريقة معيينة يقارنو بيها سعر الادوية اللي في السوق وتقرر ( الوزارة ) سعر الدواء
يعني ما يجي صاحب المصنع او المستورد يقول والله انا ابغا ابيع الدوا حقي بالمبلغ الفلاني ، يقولوله مو بكيفك

اللي يصير ، انو غالبا ما يتم حساب قيمة الدوا الاصلية بالدولار الامريكي
ف لما يصير تحويل في العملات تطلع التلاته وتلاتين هلله والسبعة وعشرين هلله و الخ
بعد كده يتم حساب ارباح المستورد وارباح الموزع بنسب معيينه تضعها الوزارة بناء على سعر الدوا الاصلي
يعني ايش
يعني لو افترضنا اني عندي دوا قيمته عشرة دولار ما يساوي 37،5 ريال ، تزيد الوزارة 15٪ من هذا المبلغ كربح لمستودع الادوية و20٪ للصيدلية
اضرب واقسم حتلقا العدد اللي يضلعلك فيه فواصل عشرية
وتقوم الوزارة تجبر المستورد او صاحب المصنع انه يطبع السعر على العلبة ولو ما تمت طباعته يمنع منعا باتا بيع الدوا في الصيدليات
ف باختصار المشكلة ما تجي من اصحاب الصيدليات لكن هذا نظام الدولة

عاد ليش ما توفر الصيدليات انصاص وارباع هادي ما تتعلق بالصيدليات بس، لكن تلقاها فكل مكان
اتذكر مرة اخذني الحماس واشتريت من محل وباقيلي هللات
قلتله اعطيني اياها
احرجني البياع
اعطاني ريال كامل
وزي قولة خلي الباقي علشانك
هو مو من حقه يعطيني لبان ولا مناديل انا ابغا النص الباقي ومن حقي اخده
لكن